完整藏文原文 · 德格版页 当前仅加载第 36 函德格 307b 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་ལྷག་པའི་བསམ་པ་གཙང་མས་སྤྱོད་པ་ཞེས་བྱ་བ་སྟེ། དེ་ལ་སྙོམས་པར་ཞུགས་ཤིང་རྣམ་པར་ལངས་ཀྱང་དེ་ནི་འཇིག་པ་མེད་དོ། །ཀྱེ་རྒྱལ་བའི་སྲས་དག །འདི་ལྟ་སྟེ་དཔེར་ན། མི་གཉིད་ཀྱིས་ལོག་པ་རྨི་ལམ་རྨིས་ནས་སད་དེ་
D44.036.0307b01.01མཚན་མ་ཡིད་ཀྱིས་ཟིན་ལ་དྲན་ཞིང་རྨི་ལམ་བསྒྲིབས་པ་མེད་པ་རྣམ་པར་དམིགས་པ་ནི་སད་ཀྱང་རྨི་ལམ་རྗེས་སུ་དྲན་པས་ཡོངས་སུ་དྲན་ནོ། །ཀྱེ་རྒྱལ་བའི་སྲས་དག །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་
D44.036.0307b02.01ཀྱང་སངས་རྒྱས་མཐོང་བའི་མཚན་མ་ཡང་ཡོངས་སུ་འཇིག་པར་མི་བྱེད་དོ། །སངས་རྒྱས་ཀྱི་ཆོས་བླངས་པ་རྣམས་ཀྱང་ཡང་དག་པར་འཛིན་ཏོ། །དེ་བཞིན་གཤེགས་པ་དེ་དག་གིས་འཁོར་གྱི་དཀྱིལ་འཁོར་རྣམ་པར་དག་པར་ཡང་བསམ་
D44.036.0307b03.01པ་ཇི་ལྟ་བ་བཞིན་དུ་རྣམ་པར་དམིགས་སོ། །སངས་རྒྱས་ཀྱི་ཞིང་གི་རྒྱན་ཀྱང་རྗེས་སུ་འཐོབ་པར་བྱེད་དོ། །དོན་གྱི་ཚུལ་ཡང་རྣམ་པར་འཕེལ་བར་བྱེད་དོ། །ཆོས་ཐམས་ཅད་ཀྱི་ཚུལ་ཡང་རྣམ་པ་དུ་མར་ཡོངས་སུ་སྦྱོང་ངོ་། །ཡེ་ཤེས་ཀྱི་སྒྲོན་
D44.036.0307b04.01མ་ཡང་ཤིན་ཏུ་ཡངས་པར་བྱེད་དོ། །སངས་རྒྱས་ཀྱི་རིགས་ཀྱང་རྣམ་པར་འཕེལ་བར་བྱེད་དོ། །མི་འཇིགས་པ་ཡོངས་སུ་དག་པ་ཡང་རབ་ཏུ་བརྗོད་དོ། །ཐ་དད་པ་ཡང་དག་པར་ཤེས་པ་མི་ཟད་པའང་རབ་ཏུ་སྟོན་ཏོ། །ཀྱེ་རྒྱལ་བའི་སྲས་
D44.036.0307b05.01དག །འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན་རྒྱ་ཆེན་པོ་ལ་མཁས་པའི་ཡེ་ཤེས་བཞི་པའོ། །ཀྱེ་རྒྱལ་བའི་སྲས་དག །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་སངས་རྒྱས་བཅོམ་ལྡན་འདས་
D44.036.0307b06.01རྣམས་ཀྱི་འོད་ལ་རབ་ཏུ་འཇུག་གོ། བསྐལ་པ་གཅིག་ནས་གཅིག་ཏུ་བརྒྱུད་པས། ཞིང་གཅིག་ནས་གཅིག་ཏུ་བརྒྱུད་པ་ཁོང་དུ་ཆུད་པར་བྱེད་དོ། །ཞིང་གཅིག་ནས་གཅིག་ཏུ་བརྒྱུད་པས་སངས་རྒྱས་གཅིག་ནས་གཅིག་ཏུ་བརྒྱུད་པ་རབ་ཏུ་ཤེས་སོ། །
D44.036.0307b07.01