完整藏文原文 · 德格版页 当前仅加载第 36 函德格 297b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཚུལ་ལོ། །འདི་དག་ནི་བྱང་ཆུབ་སེམས་དཔའ་རྣམས་ཀྱི། ཡེ་ཤེས་རྣམ་པར་སྦྱངས་པའི་ཚུལ་ལོ། །ཐམས་ཅད་མཁྱེན་པའི་རྒྱལ་མཚན་གཞན་གྱིས་མི་ཕམ་པའི་ཚུལ་ལོ། །བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་
D44.036.0297b01.01དང་སྨོན་ལམ་གྱི་ཚུལ་ལོ། །བྱང་ཆུབ་སེམས་དཔའི་མངོན་པར་ཤེས་པ་རྣོན་པོ་དང་། འགྲོགས་པའི་ཚུལ་ལོ། །གཟུངས་དང་སྤོབས་པ་ཐམས་ཅད་ཀྱི་ཚུལ་ལོ། །དུས་གསུམ་ཐ་མི་དད་པའི་ཚུལ་ལོ། །འདས་པ་དང་། མ་བྱོན་པ་དང་ད་
D44.036.0297b02.01ལྟར་བྱུང་བའི་སངས་རྒྱས་ཐམས་ཅད་ཀྱི་ཚུལ་ལོ། །སེམས་ཅན་ཐམས་ཅད་ཐམས་ཅད་མཁྱེན་པ་ཉིད་ལ་རབ་ཏུ་དགོད་པའི་ཚུལ་ལོ། །འདི་དག་ནི་བྱང་ཆུབ་སེམས་དཔའ་ཐམས་ཅད་ཀྱི་འཇིག་རྟེན་གྱི་ཁམས་ཐམས་ཅད་ཡོངས་སུ་དག་པར་
D44.036.0297b03.01བྱ་བའི་ཁྱུ་མཆོག་གི་མཐུ་བསྟན་པའི་ཚུལ་ལོ། །བྱང་ཆུབ་སེམས་དཔའི་ཏིང་ངེ་འཛིན་འདི་དག་ཐོབ་པའི་བྱང་ཆུབ་སེམས་དཔའ་རྣམས་ནི་མཐུ་མི་ཟད་པའི་ཕྱིར་ཆོས་ཀྱི་དབྱིངས་ཀྱི་སྟོབས་ཐོབ་པ་ཡིན་ནོ། །འཕོ་བ་མེད་པའི་མཐར་ཐུག་པར་འགྱུར་
D44.036.0297b04.01བའི་ཕྱིར་ནམ་མཁའི་དབྱིངས་ལྟར་ཚད་མེད་པ་ཡིན། ཆོས་ཀྱི་རྒྱལ་སྲིད་ལ་འགྲོ་བ་དབང་བསྐུར་བའི་ཕྱིར་དབང་མཐའ་ཡས་པར་བསྒྱུར་བ་ཡིན། སྟོབས་བཅུ་ཤིན་ཏུ་ཡངས་པའི་ཚུལ་ཐོབ་པའི་ཕྱིར། འགྲོ་བ་ཐམས་ཅད་དུ་ཚད་མེད་པའི་ཡེ་
D44.036.0297b05.01ཤེས་ཐོབ་པ་ཡིན། རབ་ཏུ་ཞི་བའི་མཐའ་ལ་ཞུགས་པས། ཉོན་མོངས་པ་མེད་པའི་སེམས་རབ་ཏུ་བསྒོམས་པ་ཡིན། ཤུགས་དང་ལྡན་པའི་རྩལ་བདོག་པས་སྙིང་རྗེ་ཆེན་པོའི་སེང་གེ་ཡིན། ཡོན་ཏན་དང་བསྔགས་པ་ཐམས་ཅད་དང་ལྡན་པས་
D44.036.0297b06.01ཆོས་ཀྱི་སྒྲོན་མ་ལ་ཡང་དག་པར་གཞོལ་ཞིང་མི་ཟད་པ་ཡིན། ཉན་ཐོས་དང་རང་སངས་རྒྱས་ཐམས་ཅད་ཀྱི་བསམ་གྱིས་མི་ཁྱབ་པ་ཡིན། ཆོས་ཤེས་ཤིང་ཁོང་དུ་ཆུད་པས་གནས་ཀྱི་མཐར་ཕྱིན་པ་ཡིན། སྤྱོད་པ་དང་རྣམ་པར་གདགས་པ་དང་། བརྡ་ཐམས་
D44.036.0297b07.01