完整藏文原文 · 德格版页 当前仅加载第 36 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་པའི་འཁོར་གྱི་དཀྱིལ་འཁོར་དུ་ཆོས་བསྟན་ཏེ། དེ་བཞིན་གཤེགས་པ་དེ་དག་རེ་རེས་ཀྱང་དེ་སྙེད་ཀྱི་སེམས་ཅན་ཚད་མེད་པ་ལ་ཆོས་རྣམ་པ་ཐ་དད་པར་ཤིན་ཏུ་བསྟན་ཏེ། སེམས་ཅན་གྱི་བསམ་པའི་རྒྱུད་རེ་རེ་ལའང་དེ་སྙེད་དུ་ཆོས་ཉེ་བར་བསྒྲུབ་པ་ཚད་
D44.036.0257b01.01{མྱེད་,མེད་}པ་ཉེ་བར་བསྒྲུབ་པར་གྱུར་ལ། དེ་བཞིན་གཤེགས་པ་གཅིག་གི་ཇི་ལྟ་བ་བཞིན་དུ་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་ཐམས་ཅད་དུ་སྟེ། སྐྲའི་རྩེ་མོའི་གོ་གཅིག་ལ་ཇི་ལྟ་བ་དེ་བཞིན་དུ་ཆོས་ཀྱི་དབྱིངས་ཐམས་ཅད་དུ་དེ་ལྟར་གྱུར་ཀྱང་དེ་དག་
D44.036.0257b02.01ཐམས་ཅད་ཟིན་པར་འགྱུར་ན། འཇིག་རྟེན་གྱི་ཁམས་དེ་ཙམ་དག་གི་སེམས་ཅན་རྣམས་ཀྱི་ལྟ་སྨོས་ཀྱང་ཅི་དགོས། དེ་དེ་ལྟར་བྱང་ཆུབ་སེམས་དཔའི་ས་ལེགས་པའི་བློ་གྲོས་འདི་ཐོབ་པའི་བྱང་ཆུབ་སེམས་དཔའ་ནི་ཉིན་མཚན་དུ་ཡིད་ལ་བསམ་པ་གཞན་མེད་པར་སངས་
D44.036.0257b03.01རྒྱས་ཀྱི་སྤྱོད་ཡུལ་ལ་ཞུགས་པས་དེ་བཞིན་གཤེགས་པ་དང་འགྲོགས་པ་རབ་ཏུ་ཐོབ་ཅིང་། བྱང་ཆུབ་སེམས་དཔའི་རྣམ་པར་ཐར་པ་ཟབ་མོ་རབ་ཏུ་ཐོབ་པ་ཡིན། དེ་དེ་ལྟ་བུའི་ཡེ་ཤེས་དང་ལྡན་ཞིང་མཉམ་པར་བཞག་ཀྱང་དེ་བཞིན་གཤེགས་པ་ལྟ་བ་ཡོངས་སུ་{མྱི་,མི་}སྤོང་
D44.036.0257b04.01སྟེ། བསྐལ་པ་རེ་རེ་ཞིང་ཡང་སངས་རྒྱས་དུ་མ་ནས། སངས་རྒྱས་བརྒྱ་སྟོང་བྱེ་བ་ཁྲག་ཁྲིག་ལྟ་ཞིང་མཐོང་ནས་ཀྱང་རིམ་གྲོ་དང་། བཀུར་སྟི་དང་། བསྟི་སྟང་དང་། མཆོད་པ་བྱེད་དེ། སངས་རྒྱས་མཐོང་ཞིང་མཆོད་པ་བྱ་བ་རྒྱ་ཆེན་པོ་ཡོངས་སུ་མི་གཏོང་ངོ་། །དེ་
D44.036.0257b05.01བཞིན་གཤེགས་པ་དེ་དག་ལ་ཞུ་བ་ཡོངས་སུ་ཞུ་བ་བྱེད་དེ། ཆོས་ཀྱི་གཟུངས་རབ་ཏུ་བསྟན་པ་ལས་ཤིན་ཏུ་འབྱུང་བ་ཡིན། དེའི་དགེ་བའི་རྩ་བ་དེ་དག་སྔོན་བས་ཀྱང་ཤིན་ཏུ་བྱང་ཞིང་{མྱི་,མི་}འཕྲོགས་པར་འགྱུར་ཏེ། ཀྱེ་རྒྱལ་བའི་སྲས་དག་འདི་ལྟ་སྟེ་དཔེར་ན། གསེར་གྱི་ས་ལེ་
D44.036.0257b06.01སྦྲམ་དེ་ཉིད་མགར་བ་མཁས་པས་རྒྱན་ཏུ་བྱས་ཏེ། ཡོངས་སུ་ཟིན་པ་འཁོར་ལོས་སྒྱུར་བའི་རྒྱལ་པོའི་ཡན་ལག་གི་དམ་པ་མགོ་འམ་མགུལ་དུ་བཏགས་ན། ཁམས་ཀྱི་རྒྱལ་པོ་ཐམས་ཅད་དང་། གླིང་བཞི་བའི་སེམས་ཅན་ཐམས་ཅད་ཀྱི་རྒྱན་གྱི་རྣམ་པས་{མྱི་,མི་}ཐུབ་ཅིང་
D44.036.0257b07.01