完整藏文原文 · 德格版页 当前仅加载第 36 函德格 223b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་སེམས་ཅན་ཡོངས་སུ་སྨིན་པར་བྱ་བ་མ་གཏོགས་པར་འདོད་པ་གང་ཡང་མི་སྐྱེ་སྟེ་དེས་དེའི་སྨོན་པ་མེད་པའི་རྣམ་པར་ཐར་པའི་སྒོ་སྐྱེས་པ་ཡིན། དེ་རྣམ་པར་ཐར་པའི་སྒོ་གསུམ་པོ་འདི་དག་སྒོམ་པས་བདག་དང་ཕ་རོལ་གྱི་འདུ་ཤེས་དང་བྲལ་བ་
D44.036.0223b01.01དང་། བྱེད་པ་པོ་དང་། ཚོར་བ་པོའི་འདུ་ཤེས་དང་བྲལ་བ་དང་། ཡོད་པ་དང་མེད་པའི་འདུ་ཤེས་དང་བྲལ་བས། བྱང་ཆུབ་ཀྱི་ཡན་ལག་ཡོངས་སུ་མ་རྫོགས་པ་རྣམས་ཡོངས་སུ་རྫོགས་པར་བྱ་བའི་ཕྱིར་སྙིང་རྗེ་ཆེན་པོ་སྔོན་དུ་བཏང་སྟེ། དེ་བས་ཀྱང་
D44.036.0223b02.01ཤིན་ཏུ་བརྩོན་པར་བྱེད་དོ། །དེ་འདི་སྙམ་དུ་སེམས་ཏེ། འདུ་བ་ཡོད་པས་ནི་འདུས་བྱས་འཕེལ་བར་འགྱུར་རོ། །འདུ་བ་དང་བྲལ་བས་ནི་འཕེལ་བ་མེད་དོ། །རྒྱུ་རྐྱེན་དང་ལྡན་པས་ནི་འདུ་བྱེད་འཕེལ་བར་འགྱུར་རོ། །རྒྱུ་རྐྱེན་དང་མི་ལྡན་པས་ནི་
D44.036.0223b03.01འཕེལ་བ་མེད་དོ། །དེ་ལྟ་བས་ན་བདག་གིས་དེ་ལྟ་བུའི་འདུས་བྱས་ཉེས་པ་མང་པོའི་སྐྱོན་ཅན་ཤེས་པར་བྱས་ཏེ་འདུ་བ་དང་རྒྱུ་རྐྱེན་དང་ལྡན་པ་འདི་དག་རྒྱུན་གཅད་པར་བྱའོ། །སེམས་ཅན་ཡོངས་སུ་སྨིན་པར་བྱ་བའི་ཕྱིར་འདུ་བྱེད་རྣམས་
D44.036.0223b04.01ཤིན་ཏུ་ཞི་བ་འང་མངོན་དུ་མི་བྱའོ་ཞེས་ཏེ། ཀྱེ་རྒྱལ་བའི་སྲས་དག་དེ་དེ་ལྟར་འདུ་བྱེད་ཀྱི་རྣམ་པ་དེ་ལྟར་ཉེས་པ་མང་པོའི་སྐྱོན་ཅན་སྙིང་པོ་དང་རང་བཞིན་མེད་པ་སྐྱེ་བ་མེད་པ་འགག་པ་མེད་པའི་རང་བཞིན་དུ་རབ་ཏུ་རྟོག་པ་དང་སྙིང་རྗེ་ཆེན་པོ་རབ་ཏུ་བསྒྲུབ་
D44.036.0223b05.01པ་དང་། སེམས་ཅན་ཡོངས་སུ་མི་གཏོང་བས་ཆགས་པ་མེད་པའི་ཡེ་ཤེས་མངོན་སུམ་ཞེས་བྱ་བ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པ་སྣང་བའི་ཚུལ་དུ་མངོན་སུམ་དུ་འགྱུར་རོ། །དེ་དེ་ལྟ་བུའི་ཡེ་ཤེས་དང་ལྡན་ཞིང་ཤེས་རབ་(གྱི་,ཀྱི་)ཕ་རོལ་ཏུ་ཕྱིན་
D44.036.0223b06.01པ་ལ་གནས་པས་སྣང་བར་གྱུར་ནས་ཀྱང་། བྱང་ཆུབ་ཀྱི་ཡན་ལག་ཡོངས་སུ་སྡུད་པའི་རྐྱེན་ཉེ་བར་{སྩོགས་,སོགས་}ཤིང་ཡང་དག་པར་སྡུད་དོ། །འདུས་བྱས་དང་འགྲོགས་པར་ཡང་མི་གནས་སོ། །འདུ་བྱེད་རྣམས་རང་བཞིན་གྱིས་ཞི་བ་ཡང་རབ་
D44.036.0223b07.01