完整藏文原文 · 德格版页 当前仅加载第 36 函德格 214a 版页；藏文 NFD、目录标记与异常页序保留在来源切片中，重复版页行以稳定序号区分。
ས་ལྔ་པ་ཤིན་ཏུ་རྒྱལ་བར་དཀའ་བ་འདི་ལ་གནས་པའི་བྱང་ཆུབ་སེམས་དཔའ་དེ་ནི། དེ་བས་ཀྱང་ཉམས་པར་མི་འགྱུར་བའི་ཆོས་ཉིད་ཀྱིས་དྲན་པ་དང་ལྡན་པ་ཡིན། ཤིན་ཏུ་ངེས་པར་རྟོགས་པའི་ཡེ་ཤེས་ཀྱི་བློ་གྲོས་དང་
D44.036.0214a01.01ལྡན་པ་ཡིན། མདོའི་དོན་དང་ཚུལ་དང་ལྡེམ་པོའི་ངག་ཁོང་དུ་ཆུད་པས་རིག་པ་དང་ལྡན་པ་ཡིན། བདག་དང་གཞན་གྱི་རྗེས་སུ་སྲུང་བས་ངོ་ཚ་ཤེས་ཤིང་ཁྲེལ་ཡོད་པ་ཡིན། སྡོམ་པ་དང་ཚུལ་མ་བོར་བས་དགའ་བ་དང་ལྡན་པ་ཡིན། གནས་དང་གནས་མ་
D44.036.0214a02.01ཡིན་པ་ལ་མཁས་ཤིང་ཤིན་ཏུ་བརྟགས་པས་བློ་དང་ལྡན་པ་ཡིན། གཞན་གྱི་དྲིང་མི་འཇོག་པས་ཡེ་ཤེས་དང་ལྡན་པ་ཡིན། དོན་དང་དོན་མ་ཡིན་པའི་ཚིག་ཡང་དག་པར་དབྱེ་བ་ལ་མཁས་པས་ཤེས་རབ་དང་ལྡན་པ་ཡིན། བསྒོམ་པ་མངོན་པར་བསྒྲུབ་
D44.036.0214a03.01པ་ལ་མཁས་པས་མངོན་པར་ཤེས་པ་བསྒྲུབ་པ་ཐོབ་པ་ཡིན། འཇིག་རྟེན་གྱི་རྗེས་སུ་འབྲང་བས་ཐབས་ལ་མཁས་པ་ཡིན། བསོད་ནམས་ཀྱི་ཚོགས་ཉེ་བར་{སྩོགས་,སོགས་}པས་ངོམས་མི་ཤེས་པ་ཡིན། ཡེ་ཤེས་ཀྱི་ཚོགས་ཡོངས་སུ་ཚོལ་བས་བརྩོན་
D44.036.0214a04.01འགྲུས་རྒྱུན་མི་འཆད་པ་ཡིན། བྱམས་པ་དང་སྙིང་རྗེ་ཆེན་པོའི་ཚོགས་ཡང་དག་པར་སོགས་པས་སྐྱོ་བ་མེད་པའི་བསམ་པ་དང་ལྡན་པ་ཡིན། དེ་བཞིན་གཤེགས་པའི་སྟོབས་དང་མི་འཇིགས་པ་དང་། སངས་རྒྱས་ཀྱི་ཆོས་མ་འདྲེས་པ་ཡོངས་སུ་ཚོལ་བས་
D44.036.0214a05.01སྙོམ་ལས་མེད་པར་ཡོངས་སུ་ཚོལ་བ་ལ་བརྩོན་པ་ཡིན། སངས་རྒྱས་ཀྱི་ཞིང་བསྒྲུབ་པ་དང་། རྒྱན་མངོན་པར་ཤོམ་པས་མངོན་པར་བསྒྲུབ་པའི་ཡིད་དང་ལྡན་པ་ཡིན། མཚན་དང་དཔེ་བྱད་བཟང་པོ་ཡང་དག་པར་བསྒྲུབ་པས་དགེ་བ་རྣམ་པ་སྣ་ཚོགས་ལ་
D44.036.0214a06.01བརྩོན་པ་ཡིན། དེ་བཞིན་གཤེགས་པའི་སྐུ་དང་གསུང་དང་ཐུགས་ཀྱི་རྒྱན་ཡོངས་སུ་ཚོལ་བས། རྟག་ཏུ་རྒྱུན་མི་འཆད་པར་བརྩོན་པ་ཡིན། བྱང་ཆུབ་སེམས་དཔའ་དང་ཆོས་སྨྲ་བ་ཐམས་ཅད་ལ་རིམ་གྲོ་བྱེད་པས་བསྙེན་བཀུར་དང་། སྲི་ཞུ་ཆེན་པོའི་དང་
D44.036.0214a07.01