完整藏文原文 · 德格版页 当前仅加载第 36 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་ཤིན་ཏུ་གསོས་པ། དགེ་བའི་རྩ་བ་ཐམས་ཅད་ལས་བྱུང་བ། སངས་རྒྱས་ཐམས་ཅད་ཀྱི་སྨོན་ལམ་གྱི་རྗེས་སུ་སོང་བ་སངས་རྒྱས་ཀྱི་ཆོས་ཐམས་ཅད་ཡོངས་སུ་སྤྱོད་པའི་སེམས་དང་ལྡན་པ། དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཀྱི་རྗེས་སུ་འབྲང་
D44.036.0095b01.01བ། རང་གི་སེམས་ཀྱི་གོ་སྐབས་རྙེད་པ། འདས་པ་དང་། མ་བྱོན་པ་དང་ད་ལྟར་བྱུང་བའི་སངས་རྒྱས་དང་འདྲ་བ། སངས་རྒྱས་ཀྱི་འཁོར་ཐམས་ཅད་དུ་ཡང་དག་པར་འབྱུང་བ། སངས་རྒྱས་ཐམས་ཅད་ཀྱི་ཕྱག་གི་སྟོབས་ཀྱིས་ཕྱུང་བ། སངས་རྒྱས་
D44.036.0095b02.01ཐམས་ཅད་ཀྱི་ཡོན་ཏན་གྱིས་ཡང་དག་པར་འཕགས་པ། མཐོ་རིས་ལ་ཆགས་པ་མེད་པ། སྐྱིད་པ་ལ་ཡོངས་སུ་འཛིན་པ་མེད་པ། མངོན་པར་འདུ་བྱེད་པ་ལ་ཆགས་པ་མེད་པ། དགེ་བའི་རྩ་བའི་དངོས་པོ་ཐམས་ཅད་ཡོངས་སུ་བསྔོ་བར་བྱེད་པ།
D44.036.0095b03.01འགྲོ་བ་ཐམས་ཅད་ཀྱི་བསོད་ནམས་ཀྱི་གཏེར་དུ་གྱུར་པ། ཐམས་ཅད་དང་ལྡན་པའི་ནན་ཏན་ལ་རབ་ཏུ་ཞུགས་པ། འགྲོ་བ་ཐམས་ཅད་དགབ་པའི་གདུགས་སུ་གྱུར་པ། འགྲོ་བ་ཐམས་ཅད་རབ་ཏུ་རྟེན་པའི་ལམ་གྱིས་མངོན་པར་འདོན་པ། སེམས་
D44.036.0095b04.01ཅན་ཐམས་ཅད་ཀྱི་དགེ་བའི་རྩ་བ་བརྟན་པར་བྱེད་པ། ཡུལ་ཐམས་ཅད་དུ་ཡོངས་སུ་བསྔོ་བ། ཐམས་ཅད་མཁྱེན་པའི་བྱང་ཆུབ་ཀྱི་སྒོ་རྒྱུན་མི་འཆད་པར་བྱེད་པ། ཡེ་ཤེས་ཀྱི་རྒྱལ་མཚན་ཡང་དག་པར་གཟུགས་པར་བྱེད་པ། ལམ་ཆེན་
D44.036.0095b05.01པོ་རྣམ་པར་སྤྱོད་པ་ལ་བརྩོན་པ། འགྲོ་བ་ཐམས་ཅད་ཀྱིས་བལྟ་ན་དོན་ཡོད་པ་ལ་ཞུགས་པ། འཇིག་རྟེན་ཐམས་ཅད་ཀྱི་དྲི་མ་སྦྱོང་བ། རབ་ཏུ་སྦྱིན་པའི་སེམས་དང་ལྡན་པ། དེ་བཞིན་གཤེགས་པའི་རིགས་སུ་རིགས་དང་ལྡན་པར་བྱུང་བ།
D44.036.0095b06.01སངས་རྒྱས་ཀྱི་རིགས་རྣམ་པར་དག་པར་རབ་ཏུ་སྐྱེས་པ། ཡོན་ཏན་གྱི་དཀྱིལ་འཁོར་ཆེན་པོས་སྦྱིན་པའི་གནས་སུ་གྱུར་པ། འཇིག་རྟེན་ཐམས་ཅད་ཀྱི་རྟེན་དུ་གྱུར་པ། འགྲོ་བ་ཐམས་ཅད་ཀྱི་གནས་སུ་གྱུར་པ། སེམས་ཅན་ཐམས་ཅད་རྣམ་པར་དག་
D44.036.0095b07.01