完整藏文原文 · 德格版页 当前仅加载第 36 函德格 334a 版页；藏文 NFD、目录标记与异常页序保留在来源切片中，重复版页行以稳定序号区分。
ནོར་བུ་རིན་པོ་ཆེའི་རང་བཞིན་ནི་འགྱུར་བ་མེད་དོ། །དེ་བཞིན་དུ་བྱང་ཆུབ་སེམས་དཔའ་ཡང་ཏིང་ངེ་འཛིན་རིན་པོ་ཆེ་ཐོབ་པའི་ཡེ་ཤེས་ཀྱི་སྒོས་ཐམས་ཅད་མཁྱེན་པ་ཉིད་ལ་ཡོངས་སུ་ལྟ་ཞིང་། བྱང་ཆུབ་སེམས་
D44.036.0334a01.01དཔའ་ཀུན་ཏུ་བཟང་པོའི་སྤྱོད་པ་འང་རྒྱུན་མི་གཅོད་དོ། །ཇི་ལྟར་ནོར་བུ་རིན་པོ་ཆེ་དེ་ཁ་དོག་ཐམས་ཅད་སྟོན་ཀྱང་ནོར་བུའི་རང་བཞིན་ཡོངས་སུ་མི་སྤོང་བ་དེ་བཞིན་དུ། བྱང་ཆུབ་སེམས་དཔའ་ཡང་བྱང་ཆུབ་སེམས་དཔའི་སྤྱོད་པའི་རང་
D44.036.0334a02.01བཞིན་ཐམས་ཅད་མཁྱེན་པའི་ཡོན་ཏན་ཅན་ཡོངས་སུ་མི་སྤང་ངོ་། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་དེ་ནི་འགྲོ་བ་ཐམས་ཅད་ཀྱི་དོན་དུ་ཡང་དག་པར་ཞུགས་པའི་ཕྱིར་རོ། །འགྲོ་བ་ཐམས་ཅད་དགྲོལ་བར་སྨོན་པའི་ཕྱིར་རོ། །
D44.036.0334a03.01སངས་རྒྱས་ཐམས་ཅད་མཉེས་པར་བྱེད་པ་ལས་ཕྱིར་མི་ལྡོག་པའི་ཕྱིར་རོ། །འཇིག་རྟེན་གྱི་ཁམས་ཐམས་ཅད་རྣམ་པར་སྦྱོང་བས་སྒྱིད་ལུག་པ་མེད་པའི་ཕྱིར་རོ། །འགྲོ་བ་ཐམས་ཅད་དུ་རྒྱུན་མི་ཆད་པར་སྤྱོད་པས་སྐྱོ་བ་མེད་པའི་
D44.036.0334a04.01ཕྱིར་རོ། །ཆོས་རྒྱ་མཚོ་མཐའ་དང་དབུས་མེད་ཅིང་ཚད་མེད་པས་ཡོངས་སུ་ཡི་ཆད་པ་མེད་པའི་ཕྱིར་རོ། །སེམས་ཅན་རྣམ་པར་དག་པར་བྱ་བའི་དམིགས་པས་རྣམ་པར་འཕེལ་བ་ཐམས་ཅད་སྟོན་པའི་ལས་ཕྱིར་འགྱེད་པ་མེད་པའི་
D44.036.0334a05.01ཕྱིར་རོ། །འགྲོ་བ་ཐམས་ཅད་ལ་རིམ་གྲོ་བྱ་བས་སྙོམ་པ་མེད་ཅིང་སྒྱིད་ལུག་པ་མེད་པའི་ཕྱིར་རོ། །འགྲོ་བ་ཐམས་ཅད་སྣང་བར་བྱ་བས་སྐྱོ་བ་མེད་པའི་ཕྱིར་རོ། །ཆོས་ཀྱི་སྒོ་མཐའ་ཡས་པ་ལ་འཇུག་པ་ལས་ཕྱིར་མི་ལྡོག་ཅིང་
D44.036.0334a06.01ཡོངས་སུ་སྐྱོ་བ་མེད་པའི་ཕྱིར་རོ། །འདི་ལྟ་སྟེ་དཔེར་ན། ནམ་མཁའི་རང་བཞིན་ནི་འཇིག་རྟེན་གྱི་ཁམས་ཐམས་ཅད་ཡོངས་སུ་འཛིན་ཅིང་རྟེན་ཀྱང་ངལ་བ་མེད་ཅིང་དུབ་པ་མེད་ལ་ཉམ་ཆུང་བར་མི་འགྱུར་ཞིང་དགའ་བར་མི་འགྱུར།
D44.036.0334a07.01