完整藏文原文 · 德格版页 当前仅加载第 36 函德格 244b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའི་ལུས་དང་། དེ་བཞིན་གཤེགས་པའི་སྐུ་དང་། ཡེ་ཤེས་ཀྱི་ལུས་དང་། ཆོས་ཀྱི་ལུས་ཀྱང་ནམ་མཁའི་ལུས་སུ་བྱིན་གྱིས་རློབ་བོ། །དེས་སེམས་ཅན་རྣམས་ཀྱི་སེམས་དང་བསམ་པ་མངོན་པར་བསྒྲུབ་པ་ཡོངས་སུ་ཤེས་པས་སེམས་ཅན་གྱི་ལུས་
D44.036.0244b01.01རང་གི་ལུས་སུ་བྱིན་གྱིས་རློབ་བོ། །དེ་བཞིན་དུ་ཞིང་གི་ལུས་དང་ལས་རྣམ་པར་སྨིན་པའི་ལུས་དང་། ཉན་ཐོས་ཀྱི་ལུས་དང་། རང་སངས་རྒྱས་ཀྱི་ལུས་དང་། བྱང་ཆུབ་སེམས་དཔའི་ལུས་དང་། དེ་བཞིན་གཤེགས་པའི་སྐུ་དང་། ཡེ་ཤེས་ཀྱི་ལུས་དང་
D44.036.0244b02.01ཆོས་ཀྱི་ལུས་དང་ནམ་མཁའི་ལུས་ཀྱང་རང་གི་ལུས་སུ་བྱིན་གྱིས་རློབ་བོ། །དེས་སེམས་ཅན་རྣམས་ཀྱི་སེམས་དང་བསམ་པ་མངོན་པར་བསྒྲུབ་པ་ཡོངས་སུ་ཤེས་པས། ལུས་གང་དང་གང་། ལུས་གང་དང་གང་དུ་འདོད་པ་དེ་དང་དེའི་ལུས་སུ་ལུས་དེ་དང་དེ་དག་བྱིན་གྱིས་རློབ་བོ། །དེས་
D44.036.0244b03.01སེམས་ཅན་ཀྱི་ལུས་རྣམས་ཀྱི་ལས་ཀྱི་ལུས་ཀྱང་རབ་ཏུ་ཤེས་སོ། །རྣམ་པར་སྨིན་པའི་ལུས་དང་། ཉོན་མོངས་པའི་ལུས་དང་། གཟུགས་ཀྱི་ལུས་དང་། གཟུགས་མེད་པའི་ལུས་ཀྱང་རབ་ཏུ་ཤེས་སོ། །ཞིང་གི་ལུས་རྣམས་ཀྱི་ཆུང་བའི་རང་བཞིན་ཡང་རབ་ཏུ་
D44.036.0244b04.01ཤེས་སོ། །ཆེ་བ་དང་ཚད་མེད་པ་དང་། ཀུན་ནས་ཉོན་མོངས་པ་དང་། རྣམ་པར་དག་པ་དང་། སྣྲེལ་ཞི་དང་། སྤྱིའུ་ཚུགས་དང་། གཞི་མཉམ་པར་ཡང་དག་པར་འཇུག་པ་དང་། ཕྱོགས་ཀྱི་དྲ་བ་རྣམ་པར་དབྱེ་བ་ཡང་རབ་ཏུ་ཤེས་སོ། །ལས་རྣམ་པར་སྨིན་
D44.036.0244b05.01པའི་ལུས་རྣམ་པར་ཕྱེ་བའི་བརྡ་ཡང་རབ་ཏུ་ཤེས་སོ། །དེ་བཞིན་དུ་ཉན་ཐོས་ཀྱི་ལུས་རྣམ་པར་ཕྱེ་བའི་བརྡ་དང་། རང་སངས་རྒྱས་ཀྱི་ལུས་རྣམ་པར་ཕྱེ་བའི་བརྡ་དང་། བྱང་ཆུབ་སེམས་དཔའི་ལུས་རྣམ་པར་ཕྱེ་བའི་བརྡ་ཡང་རབ་ཏུ་ཤེས་སོ། །དེ་བཞིན་གཤེགས་པའི་
D44.036.0244b06.01སྐུ་རྣམས་ཀྱི་མངོན་པར་འཚང་རྒྱ་བའི་ལུས་ཀྱང་རབ་ཏུ་ཤེས་སོ། །སྨོན་ལམ་གྱི་ལུས་དང་སྤྲུལ་པའི་ལུས་དང་། བྱིན་གྱི་རླབས་ཀྱི་ལུས་དང་། གཟུགས་དང་མཚན་དང་དཔེ་བྱད་བཟང་པོའི་རྒྱན་གྱི་ལུས་དང་། འོད་ཀྱི་ལུས་དང་ཡིད་ཀྱི་རང་བཞིན་གྱི་ལུས་དང་།
D44.036.0244b07.01