完整藏文原文 · 德格版页 当前仅加载第 36 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
བར་གྱུར་ཅིག །ཇི་ལྟར་དེ་བཞིན་ཉིད་སྔོན་གྱི་མཐས་ཟད་པར་མ་གྱུར་པ་དང་ཕྱི་མའི་མཐས་རྒྱས་པར་འགྱུར་བ་མེད་ཅིང་ད་ལྟར་བྱུང་བས་རྣམ་པ་ཐ་དད་པར་མ་གྱུར་པ་དེ་བཞིན་དུ་དགེ་བའི་རྩ་བ་འདིས་འཁོར་བ་ཐམས་ཅད་ལས་རྣམ་པར་འདའ་བའི་ཕྱིར་བྱང་ཆུབ་
D44.036.0118a01.01ཀྱི་སེམས་སར་པ་གསར་པའི་སྨོན་ལམ་གྱིས་འགྲོ་བ་ཐམས་ཅད་རྣམ་པར་དག་པ་དང་ལྡན་པར་གྱུར་ཅིག །ཇི་ལྟར་དེ་བཞིན་ཉིད་དུས་གསུམ་དུ་རྣམ་པར་རྟོག་པ་མེད་པ་དེ་བཞིན་དུ་དགེ་བའི་རྩ་བ་འདིས་ད་ལྟར་བྱུང་བའི་དུས་ལ་སྐད་ཅིག་རྣམ་པར་དག་པའི་ཕྱིར། སྔོན་གྱི་མཐའ་དང་
D44.036.0118a02.01ཕྱི་མའི་མཐའ་རྣམ་པར་དག་པར་གྱུར་ཅིག །ཇི་ལྟར་དེ་བཞིན་ཉིད་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཡོངས་སུ་གྲུབ་པའི་རྒྱུ་ཡིན་པ་དེ་བཞིན་དུ་དགེ་བའི་རྩ་བ་འདིས་ཤིན་ཏུ་བརྩོན་པའི་བརྩོན་འགྲུས་ཐོབ་པའི་ཕྱིར་སེམས་ཅན་ཐམས་ཅད་ཀྱིས་སངས་རྒྱས་ཀྱི་ཡེ་ཤེས་རབ་ཏུ་
D44.036.0118a03.01གྲུབ་པར་གྱུར་ཅིག །ཇི་ལྟར་དེ་བཞིན་ཉིད་ནམ་ཡང་ཀུན་ནས་ཉོན་མོངས་པར་མི་འགྱུར་ཞིང་ཤིན་ཏུ་རྣམ་པར་དག་པ་དེ་བཞིན་དུ་དགེ་བའི་རྩ་བ་འདིས་ཐམས་ཅད་མཁྱེན་པ་ཉིད་རྣམ་པར་དག་པ་ཡོངས་སུ་རྫོགས་པར་འགྱུར་བའི་ཕྱིར་འགྲོ་བ་ཐམས་ཅད་ཀྱི་ཀུན་ནས་
D44.036.0118a04.01ཉོན་མོངས་པ་ཤིན་ཏུ་སྤངས་པར་གྱུར་ཅིག་ཅེས །དེ་ལྟར་ཡོངས་སུ་བསྔོ་བའི་བྱང་ཆུབ་སེམས་དཔའ་ནི་འཇིག་རྟེན་ཐམས་ཅད་ཡོངས་སུ་དག་པར་བྱ་བའི་ཕྱིར་ཞིང་ཐམས་ཅད་མཉམ་པ་ཉིད་འཐོབ་བོ། །ཆོས་ཀྱི་འཁོར་ལོ་ཐོགས་པ་མེད་ཅིང་ཕྱིར་{མྱི་,མི་}ལྡོག་པའི་ཕྱིར་
D44.036.0118a05.01འཇིག་རྟེན་ཐམས་ཅད་མཉམ་པ་ཉིད་འཐོབ་བོ། །ཐམས་ཅད་མཁྱེན་པར་སྨོན་པས་ཤིན་ཏུ་འབྱུང་བའི་ཕྱིར་བྱང་ཆུབ་སེམས་དཔའ་ཐམས་ཅད་དང་མཉམ་པ་ཉིད་འཐོབ་བོ། །དུས་གསུམ་གྱི་སངས་རྒྱས་ཐམས་ཅད་དང་མཉམ་པ་ཉིད་ཀྱི་ཕྱིར། སངས་རྒྱས་ཐམས་ཅད་
D44.036.0118a06.01དང་མཉམ་པ་ཉིད་འཐོབ་བོ། །རང་བཞིན་འཁྲུགས་པ་མེད་པའི་ཕྱིར་ཆོས་ཐམས་ཅད་དང་མཉམ་པ་ཉིད་འཐོབ་བོ། །ཚིག་གི་ཚུལ་ཐམས་ཅད་ལ་མཁས་པའི་རྒྱུས་ཡོངས་སུ་ཤེས་པའི་ཕྱིར་དུས་ཐམས་ཅད་མཉམ་པ་ཉིད་འཐོབ་བོ། །ཇི་ལྟར་བསྐྱེད་པའི་དགེ་བའི་
D44.036.0118a07.01