完整藏文原文 · 德格版页 当前仅加载第 36 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་མཐའ་དང་དབུས་མེད་པ་དུལ་བར་གྱུར་པ་དེ་དག་ལ་རྗེས་སུ་ཡི་རང་བ་དང་ལྡན་པའི་སེམས་བསྐྱེད་པས་ཁོང་དུ་ཆུད་པར་བྱེད་པ་འམ། གང་ཡང་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་དེ་དག་དང་པོ་ཐུགས་བསྐྱེད་
D44.036.0013b01.01པ་ནས་བཟུང་སྟེ། བྱང་ཆུབ་སེམས་དཔའི་སྤྱོད་པ་ཐམས་ཅད་ལ་ཡང་དག་པར་བྱུང་བར་གྱུར་པ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འཚང་རྒྱ་བར་གྱུར་པ་དང་། མྱ་ངན་ལས་འདས་པ་ཡང་དག་པར་བསྟན་པའི་བར་གྱི་དགེ་བའི་རྩ་བ་དེ་དག་
D44.036.0013b02.01ཐམས་ཅད་སངས་རྒྱས་ཐམས་ཅད་དང་རྒྱུད་ཀྱི་ཚུལ་གཅིག་ཏུ་གྱུར་བའི་ཡེ་ཤེས་ཀྱི་བྱིན་གྱིས་བརླབས་ཀྱི་རྗེས་སུ་ཡི་རང་བའམ། དེ་བཞིན་གཤེགས་པ་དེ་དག་ཡོངས་སུ་མྱ་ངན་ལས་འདས་པའི་བསྟན་པ་ཡང་དག་པར་བཟུང་བ་ནས་ཉེ་བར་བཟུང་སྟེ། ཆོས་ཐམས་ཅད་
D44.036.0013b03.01ཀྱི་མཐར་ཐུག་པའི་བར་དུ་དགེ་བའི་རྩ་བ་ཇི་སྙེད་ཡང་དག་པར་བསྒྲུབ་པར་འགྱུར་བ་འམ། སངས་རྒྱས་ལ་{དམྱིགས་,དམིགས་}པའི་བསམ་པ་འབྱམ་ཀླས་པ་བརྗོད་དུ་མེད་པ་དང་། རང་གི་{དམྱིགས་,དམིགས་}པ་ལ་དགེ་བའི་རྩ་བ་གང་བསྩགས་པ་དེ་དག་བླ་ན་མེད་པ་ཡང་དག་པར་རྫོགས་པའི་བྱང་
D44.036.0013b04.01ཆུབ་ཏུ་བསྒྲིབས་པ་{མྱེད་,མེད་}པར་{དམྱིགས་,དམིགས་}པར་མཐར་ཕྱིན་པར་བྱེད་པར་ཡང་རུང་སྟེ། དགེ་བའི་རྩ་བ་རྣམ་པར་ཕྱེ་བ་ཚད་མེད་ཅིང་འབྱམ་ཀླས་པ། {དམྱིགས་,དམིགས་}པ་རྒྱ་ཆེན་པོ་གྲངས་མེད་པས་བསྩགས་པ་དེ་དག་ཐམས་ཅད་འདི་ལྟར་ཡོངས་སུ་བསྔོ་སྟེ། དགེ་བའི་རྩ་བ་གང་
D44.036.0013b05.01ཡང་དག་པར་བསྒྲུབས་པ་དང་། གང་མོས་པར་བྱས་པ་དང་། གང་རྗེས་སུ་ཡི་རང་བ་དང་། གང་ཡོངས་སུ་རྫོགས་པར་བྱས་པ་དང་། གང་ཡོངས་སུ་གྲུབ་པར་བྱས་པ་དང་། གང་སྤྱད་པ་དང་། གང་ཐོབ་པར་བྱས་པ་དང་། གང་སེམས་པ་དང་།
D44.036.0013b06.01གང་རྩོམ་པ་དང་། གང་མཐུ་དང་ལྡན་པར་བྱེད་པའི་དགེ་བའི་རྩ་བ་དེ་དག་གིས་གང་ཇི་སྙེད་དུ་སྔོན་གྱི་འདས་པའི་དུས་ཐམས་ཅད་འབྱམ་ཀླས་པའི་དུས་ལ་འཇུག་པ་དང་། འཇིག་རྟེན་གྱི་ཁམས་ཤིན་ཏུ་བསྟན་པ་གྲངས་ལས་འདས་པ་ཐམས་ཅད་དུ་
D44.036.0013b07.01