完整藏文原文 · 德格版页 当前仅加载第 36 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་རྒྱ་མཚོ་ཐམས་ཅད་ལ་རབ་ཏུ་ཞུགས་པའི་སེམས་བསྐྱེད་པ་དང་། ཁས་ལེན་པའི་ངང་ཚུལ་དང་། སློང་བ་ཐམས་ཅད་ལ་མངོན་པར་མོས་ཤིང་འདོད་པས་དགའ་བ་དང་། སྤྲོ་བ་
D44.036.0056b01.01དང་དང་བ་ཆེན་པོ་རབ་ཏུ་ཐོབ་པ་དང་། སློང་བ་འབོད་པར་སྟོན་པ་དང་། སངས་རྒྱས་ཀྱི་ཆོས་རྒྱ་མཚོ་ཐམས་ཅད་ཀྱི་རྗེས་སུ་ཞུགས་པའི་དེ་བཞིན་གཤེགས་པའི་དགེ་བའི་རྩ་བ་ཐམས་ཅད་དང་། རྒྱུད་ཀྱི་ཚུལ་གཅིག་ཏུ་གྱུར་བས་རྐ་ལག་ཡོངས་སུ་གཏོང་
D44.036.0056b02.01བ་བྱེད་ཅིང་འགྲོ་བ་ཐམས་ཅད་ཀྱི་བྱང་ཆུབ་ཚོལ་བའི་རྐ་ལག་ཡོངས་སུ་གཏོང་བས་ཡང་དག་པར་བསྡུས་པའི་དགེ་བའི་རྩ་བ་དེ་དག་འདི་ལྟར་ཐམས་ཅད་གཏོང་བའི་དོན་དུ་ཡོངས་སུ་བསྔོའོ། །འདི་ལྟར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་
D44.036.0056b03.01ཐམས་ཅད་མཁྱེན་པའི་བསམ་པ་དང་། སེམས་དང་ཡིད་དུ་ལྡན་པ་བྱང་ཆུབ་ཀྱི་སེམས་ཀྱིས་རབ་ཏུ་དགའ་བ། བྱང་ཆུབ་སེམས་དཔའི་སྤྱོད་པ་ལ་མངོན་པར་དད་པའི་སེམས་དང་ལྡན་པ། ཚོར་བས་དེངས་པར་མི་འགྱུར་བའི་སེམས་དང་ལྡན་པ།
D44.036.0056b04.01སློང་བ་ཐམས་ཅད་ལ་མངོན་པར་མོས་པའི་སེམས་དང་ལྡན་པ། ལེན་པ་ཐམས་ཅད་ལ་ཞེ་མི་སྡང་བའི་སེམས་དང་ལྡན་པ། བྱང་ཆུབ་སེམས་དཔའ་ཐམས་ཅད་ཀྱི་གཏོང་བའི་ལམ་དུ་རབ་ཏུ་ཞུགས་པའི་སེམས་དང་ལྡན་པ། བྱང་ཆུབ་
D44.036.0056b05.01སེམས་དཔའ་ཐམས་ཅད་ཀྱི་གཏོང་བས་སྦྱིན་པར་བྱ་བའི་རྗེས་སུ་སྲུང་བའི་སེམས་དང་ལྡན་པ། བྱང་ཆུབ་སེམས་དཔའི་སྦྱིན་པ་རྒྱ་ཆེན་པོས་བཏང་བ་ཤིན་ཏུ་གཏོང་བའི་སེམས་དང་ལྡན་པ། ཕྱིར་མི་ལྡོག་པའི་སེམས་རྒྱུན་མི་འཆད་པ་དང་ལྡན་པ།
D44.036.0056b06.01བདག་གི་ལུས་ལ་ཕངས་པར་མི་ལྟ་བའི་སེམས་དང་ལྡན་པ། དེ་ཇི་ལྟར་བྱང་ཆུབ་སེམས་དཔའ་ཆོས་ཀྱི་འབྱུང་གནས་དང་། རྒྱལ་པོ་ཡིད་བདེ་བར་སེམས་པ་དང་། དེ་མ་ཡིན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་གཞན་གྲངས་{མྱེད་,མེད་}པ་དག་ཀྱང་སྐྱེ་བའི་
D44.036.0056b07.01