完整藏文原文 · 德格版页 当前仅加载第 36 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ལོ་བསྐོར་བ་ལས་ཕྱིར་མི་ལྡོག་པའི་སེམས་ཀྱིས་ཡོངས་སུ་བསྔོའོ། །དེ་བཞིན་གཤེགས་པའི་ཆོས་ཀྱི་ཡེ་ཤེས་ཀྱི་ཉི་མ་རབ་དང་ཕུལ་ཁྱད་པར་དུ་འཕགས་པ་འོད་གཟེར་བརྒྱ་སྟོང་གིས་བརྒྱན་པའི་ཆོས་ཀྱི་དབྱིངས་ཀྱི་ཡེ་ཤེས་ཆེན་པོའི་སྣང་བ་འགྲོ་བ་ཐམས་ཅད་
D44.036.0149b01.01དུ་རབ་ཏུ་དགྱེ་བའི་སེམས་ཀྱིས་ཡོངས་སུ་བསྔོའོ། །འགྲོ་བ་ཐམས་ཅད་ཡོངས་སུ་སྨིན་པར་བྱ་ཞིང་གདུལ་བ་དང་། བསམ་པ་ཇི་ལྟ་བ་བཞིན་དུ་སེམས་ཀྱི་རྒྱུད་ཤིན་ཏུ་ཚིམ་པར་བྱ་བ་དང་། སྔོན་གྱི་སྨོན་ལམ་ཆེན་པོ་ནུབ་པ་མེད་པས་ཕྱི་མའི་མཐའི་མུར་
D44.036.0149b02.01སྤྱོད་པ་ཆེན་པོའི་རྒྱུད་རྒྱུན་མི་ཆད་ཅིང་རྣམ་པར་དག་པ་དང་སྣང་བ་དྲི་མ་མེད་པས་རྒྱགས་པ་དང་། དྲེགས་པ་དང་། ང་རྒྱལ་ཤིན་ཏུ་གཅད་པ་དང་། འགྲོ་བ་ཐམས་ཅད་ཀྱི་ཉོན་མོངས་པ་རྣམ་པར་གཏོར་བ་དང་། སྲིད་པའི་དྲ་བ་ཡང་དག་པར་གཏུབ་པ་དང་།
D44.036.0149b03.01མ་རིག་པའི་མུན་པ་ཐིབས་པོ་བསྩལ་བ་དང་། བསྒྲིབས་པ་མེད་ཅིང་དྲི་མ་དང་བྲལ་ལ་ཆགས་པ་མེད་པའི་ཆོས་ཀྱི། ལོ་ཤིན་ཏུ་ལེགས་པ་དང་། འགྲོ་བ་ཐམས་ཅད་དུ་བསྐལ་པའི་གྲངས་རྣམ་པར་ཆད་པ་མེད་པས་ཐམས་ཅད་མཁྱེན་པའི་ཡེ་ཤེས་རྣམ་པར་འཚང་རྒྱ་བ་
D44.036.0149b04.01དང་སྤྱོད་པ་རྒྱུད་ལས་ཕྱིར་མི་ལྡོག་པས་སེམས་ཅན་གྱི་ཚོགས་སོ་སོར་ཆགས་པ་མེད་པའི་ཡེ་ཤེས་རབ་དམ་པ་མཆོག་རྣམ་པར་འཚང་རྒྱ་བར་བྱ་བ་དང་། སེམས་ཅན་རེ་རེ་ལ་སངས་རྒྱས་ཀྱི་སྐུ་ཤིན་ཏུ་བསྟན་པའི་རྣམ་པར་འཕྲུལ་པ་ལས་ཕྱིར་མི་ལྡོག་པར་བྱ་བའི་ཕྱིར་
D44.036.0149b05.01ཡོངས་སུ་བསྔོའོ། །དེ་ལྟར་བྱང་ཆུབ་སེམས་དཔའ་དགེ་བའི་རྩ་བ་དེ་དག་ཡོངས་སུ་བསྔོ་ཡང་འདོད་པའི་ཡུལ་དང་ཁམས་གསུམ་པ་ལ་གནས་ཤིང་ཡོངས་སུ་མི་བསྔོ་སྟེ། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་ནི་དགེ་བའི་རྩ་བ་རྣམས་
D44.036.0149b06.01འདོད་མ་ཆགས་པས་ཡོངས་སུ་བསྔོ་བར་བྱའོ། །བྱང་ཆུབ་སེམས་དཔས་ནི་དགེ་བའི་རྩ་བ་རྣམས་ཞེ་མི་སྡང་བས་ཡོངས་སུ་བསྔོ་བར་བྱའོ། །བྱང་ཆུབ་སེམས་དཔས་ནི་དགེ་བའི་རྩ་བ་རྣམས་གཏི་མུག་མེད་པས་ཡོངས་སུ་བསྔོ་བར་བྱའོ། །བྱང་ཆུབ་སེམས་
D44.036.0149b07.01