完整藏文原文 · 德格版页 当前仅加载第 36 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
འཐོབ་བོ། སེམས་ཅན་གཅིག་གི་ལུས་ལ་སངས་རྒྱས་ཀྱི་ཡུལ་ཐམས་ཅད་མངོན་པར་འཚང་རྒྱ་བ་ཡོངས་སུ་བསྟན་པའི་ཕྱིར་དེ་བཞིན་གཤེགས་པའི་རྣམ་པར་ཐར་པ་མཐའ་དང་དབུས་མེད་པ་ཐམས་ཅད་རབ་ཏུ་འཐོབ་བོ། །ཏིང་ངེ་འཛིན་གཅིག་ལ་ཏིང་ངེ་འཛིན་ཐམས་
D44.036.0119a01.01ཅད་མངོན་པར་བསྒྲུབ་པ་ལ་མཁས་པའི་ཕྱིར། དེ་བཞིན་གཤེགས་པའི་ཏིང་ངེ་འཛིན་མཐའ་དང་དབུས་མེད་པ་ཐམས་ཅད་ཡོངས་སུ་རྫོགས་པ་རབ་ཏུ་འཐོབ་བོ། །ཕྱི་མའི་མཐའི་མུར་ཐུག་པར་ཆོས་གཅིག་གི་ཚིག་ཤིན་ཏུ་བསྟན་པས། སེམས་ཅན་ཐམས་ཅད་ཀྱི་ཐེ་
D44.036.0119a02.01ཙོམ་གཅད་པ་ཟད་མི་ཤེས་པའི་ཕྱིར། དེ་བཞིན་གཤེགས་པ་ཐ་དད་པ་ཡང་དག་པར་ཤེས་པ་མཐའ་དང་དབུས་མེད་པ་ཐམས་ཅད་ཡོངས་སུ་རྫོགས་པ་རབ་ཏུ་འཐོབ་བོ། །སེམས་ཅན་གྱི་ཁམས་མ་ལུས་པར་སྟོབས་བཅུའི་ཐམས་ཅད་མཁྱེན་པ་ཉིད་མངོན་པར་
D44.036.0119a03.01འཚང་རྒྱ་བ་བསྟན་པའི་ཕྱིར། དེ་བཞིན་གཤེགས་པའི་དཔའ་བ་རླབས་པོ་ཆེ་མཐའ་དང་དབུས་མེད་པ་ཡོངས་སུ་རྫོགས་པ་རབ་ཏུ་འཐོབ་བོ། །དེ་ནས་བྱང་ཆུབ་སེམས་དཔའ་རྡོ་རྗེའི་རྒྱལ་མཚན་གྱིས་སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་
D44.036.0119a04.01རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །དེ་དག་བསམ་པ་བརྟན་པའི་སེམས་ལྡན་པ། །དྲན་པ་གསལ་བས་རྨོངས་པ་མེད་གྱུར་ཅིང་། །བརྟན་ཞིང་དེས་ལ་ཡོངས་སུ་གདུང་མེད་པ། །མཚུངས་མེད་དེ་དག་བསོད་ནམས་
D44.036.0119a05.01ཡང་དག་{སྩོགས,སོགས}། །དེ་དག་མི་མཐུན་མེད་པའི་ཡིད་ལྡན་ཞིང་། །བསམ་པ་ཤིན་ཏུ་རྣམ་པར་དག་པ་རྣམས། །ཇི་སྙེད་སྣ་ཚོགས་འཇིག་རྟེན་སྐྱེ་བ་ཡི། །ལས་ཀྱི་རྣམ་པ་ཐམས་ཅད་རྨོངས་མེད་མཁས། །དེ་དག་ལས་ཀྱི་རྣམ་པ་སྣ་ཚོགས་
D44.036.0119a06.01པ། །རྣམ་པ་ཐ་དད་ཡངས་ལ་རྗེས་སུ་སེམས། །དེས་ནི་འཇིག་རྟེན་མ་ལུས་བདེ་བར་བྱེད། །དེ་ལ་ཡིད་ཀྱིས་རྟག་ཏུ་མངོན་པར་བརྩོན། །དེ་དག་འགྲོ་བ་ཀུན་དང་འགལ་མེད་ཡིད། །དགའ་བར་བྱེད་པའི་སེམས་དང་ལྡན་པ་དེ། །
D44.036.0119a07.01