完整藏文原文 · 德格版页 当前仅加载第 4 函德格 2a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་ཞིག་ཅེས་མི་དགྱེས་ཤིང་ཐུགས་ངན་དགོངས་སོ། །འདིར་སྨྲས་པ། མི་ནི་ལུས་རིད་སྐྱ་བོ་རྦབ་རྦབ་པོ། །རང་དབང་མེད་པའི་ནད་ཐེབས་འདིར་གཟིགས་ནས། ནད་ལས་བདག་མ་འདས་པ་ལྟ་ཞིག་ཅེས། །དེ་ནས་མི་དགྱེས་ཐུགས་ངན་
D1.004.0002a01.01དགོངས་པར་མཛད། །དེ་ནས་རྒྱལ་པོ་ཟས་གཙང་གིས་ཁ་ལོ་སྒྱུར་བ་ལ་སྨྲས་པ། ཁ་ལོ་སྒྱུར་བ་ཅི་གཞོན་ནུ་ཡིད་དགའ་བ་དང་མགུ་བས་སྐྱེད་མོས་ཚལ་གྱི་གཞིར་བྱུང་ངམ། སྐྱེད་མོས་ཚལ་ལ་མངོན་པར་དགའ་བར་གྱུར་ཏམ། ལྷ་མ་ལགས་སོ། །དེ་ཅིའི་སླད་དུ་ཞེ་
D1.004.0002a02.01ན། ལྷ་གཞོན་ནུ་སྐྱེད་མོས་ཚལ་གྱི་གཞིར་བྱུང་བ་ན་མི་སྐྱ་བོ་རྦབ་རྦབ་པོ་རིད་པ། ཉམ་ཆུང་བ། དབང་པོ་ཉམས་པ། སྐྱེ་བོ་མང་པོའི་མིག་གིས་ལྟ་མི་ཕོད་པ་ཞིག་གཟིགས་སོ། །གཟིགས་ནས་ཀྱང་བདག་ལ་བཀའ་སྩལ་པ། ཁ་ལོ་སྒྱུར་བ་མི་སྐྱ་བོ་རྦབ་རྦབ་པོ་རིད་པ།
D1.004.0002a03.01ཉམ་ཆུང་བ། དབང་པོ་ཉམས་པ། སྐྱེ་བོ་མང་པོའི་མིག་གིས་ལྟ་མི་ཕོད་པ་འདི་ཅི་ཡིན། དེ་ལ་བདག་གིས་འདི་སྐད་ཅེས་གསོལ་ཏོ། །ལྷ་འདི་ནི་བྲོས་ཐེབས་པ་ཞེས་བགྱིའོ། །དེ་འདི་སྐད་ཅེས་གསུངས་ཏེ། ཁ་ལོ་སྒྱུར་བ་ནད་ཀྱིས་ཐེབས་པ་ཞེས་བྱ་བ་འདི་ཅི་ཡིན། དེ་
D1.004.0002a04.01ལ་བདག་གིས་འདི་སྐད་ཅེས་གསོལ་ཏོ། །མི་འདི་གང་གནོད་པ་འདིས་འགུམ་པར་འགྱུར་བའི་གནས་དེ་མཆིས་ཏེ། ལྷ་དེ་ནི་བྲོས་ཐེབས་པ་ཞེས་བགྱིའོ། །དེ་འདི་སྐད་ཅེས་གསུངས་ཏེ། ཁ་ལོ་སྒྱུར་བ་ང་ཡང་ནད་ཀྱི་ཆོས་དང་ནད་ཀྱི་ཆོས་ཉིད་ལས་མ་འདས་སམ། དེ་
D1.004.0002a05.01ལ་བདག་གིས་འདི་སྐད་ཅེས་གསོལ་ཏོ། །ལྷ་ཡང་སྙུན་གྱི་ཆོས་དང་སྙུན་གྱི་ཆོས་ཉིད་ལས་མ་འདས་སོ། །དེ་འདི་སྐད་ཅེས་གསུངས་ཏེ། ཁ་ལོ་སྒྱུར་བ་དེའི་ཕྱིར་ཤིང་རྟ་ཕྱིར་སྒྱུར་ཅིག་ཕོ་བྲང་ཉིད་དུ་འདོང་ངོ་། །འདི་ལྟར་ང་ཕོ་བྲང་ཉིད་དུ་ཕྱིན་ནས་ང་ནད་ལས་མ་འདས་
D1.004.0002a06.01