完整藏文原文 · 德格版页 当前仅加载第 4 函德格 45b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་མ་ཡིན། བདག་ནི་དེ་མ་ཡིན། དེ་ནི་བདག་གི་བདག་མ་ཡིན་ནོ་ཞེས་ཇི་ལྟ་བ་དེ་བཞིན་དུ་ཡང་དག་པའི་ཤེས་རབ་ཀྱིས་བལྟ་བར་བྱའོ། །དགེ་སློང་དག་དེ་ལྟ་བས་ན་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཇི་སྙེད་པ་གང་ཅི་ཡང་རུང་འདས་པའམ། མ་འོངས་
D1.004.0045b01.01པའམ། ད་ལྟར་བྱུང་བའམ། ནང་གིའམ། ཕྱིའིའམ། རགས་པའམ། ཕྲ་བའམ། ངན་པའམ། གྱ་ནོམ་པའམ། གང་དག་ཐག་རིང་བའམ། གང་དག་ཐག་ཉེ་བ་དེ་དག་ཐམས་ཅད་ནི་བདག་མ་ཡིན། བདག་ནི་དེ་མ་ཡིན། དེ་ནི་བདག་གི་བདག་མ་ཡིན་ནོ་ཞེས་ཇི་ལྟ་བ་དེ་
D1.004.0045b02.01བཞིན་དུ་ཡང་དག་པའི་ཤེས་རབ་ཀྱིས་བལྟ་བར་བྱའོ། །དགེ་སློང་དག་འདི་ལྟར་འཕགས་པའི་ཉན་ཐོས་ཐོས་པ་དང་ལྡན་པ་ནི་ཉེ་བར་ལེན་པའི་ཕུང་པོ་ལྔ་པོ་འདི་བདག་མ་ཡིན། བདག་གི་མ་ཡིན་པར་ལྟ་བ་སྟེ། དེ་དེ་ལྟར་བལྟ་བ་ན་འཇིག་རྟེན་ཅི་ཡང་ལེན་པ་མེད་དོ། །ལེན་པ་མེད་ན་ཡོངས་
D1.004.0045b03.01སུ་གདུང་བ་མེད་དོ། །ཡོངས་སུ་གདུང་བ་མེད་ན་བདག་ཉིད་ཡོངས་སུ་མྱ་ངན་ལས་འདས་ཏེ་བདག་གི་སྐྱེ་བ་ཟད་དོ། །ཚངས་པར་སྤྱོད་པ་ལ་བསྟེན་ཏོ། །བྱ་བ་བྱས་སོ། །སྲིད་པ་འདི་དག་ལས་གཞན་མི་ཤེས་སོ་ཞེས་བྱ་བར་འགྱུར་རོ། །ཆོས་ཀྱི་རྣམ་གྲངས་འདི་བཤད་པ་ན། ལྔ་སྡེའི་དགེ་
D1.004.0045b04.01སློང་ལྷག་མ་རྣམས་ཀྱིས་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །དེའི་ཚེ་དགྲ་བཅོམ་པ་ལྔ་དང་དྲུག་པ་ནི་བཅོམ་ལྡན་འདས་སོ། །དེ་ནས་བཅོམ་ལྡན་འདས་བཱ་རཱ་ཎ་སཱིའི་འབབ་ཆུ་གནོད་པ་ཅན་གྱི་འགྲམ་ན་བཞུགས་སོ། །དེའི་ཚེ་བཱ་རཱ་ཎ་སཱི་ན་རིགས་ཀྱི་གཙོ་བོ་ཞེས་བྱ་
D1.004.0045b05.01བའི་བུ་གྲགས་པ་ཞེས་བྱ་བ་ཞིག་གནས་ཏེ། དེ་ཉི་མ་རེ་རེ་ཞིང་བུད་མེད་ཀྱིས་བྱས་པའི་རོལ་མོས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པས་ལུས་སྙོམ། ལུས་དུབ། ལུས་རྒུད་པས་མྱུར་དུ་གཉིད་ཀྱིས་ལོག་པར་གྱུར་ཏོ། །བུད་མེད་དེ་རྣམས་ཀྱང་ལུས་སྙོམ།
D1.004.0045b06.01ལུས་དུབ། ལུས་རྒུད་པས་མྱུར་དུ་གཉིད་ཀྱིས་ལོག་པར་གྱུར་ཏོ། །རིགས་ཀྱི་གཙོ་བོའི་བུ་གྲགས་པ་མཚན་མོ་གཉིད་སད་པ་ན་བུད་མེད་དེ་དག་ཐམས་ཅད་རྡོལ་ཞིང་སྒྲེན་མོར་བྱུང་ལ་སྐྲ་ཞིག་ལག་པ་བརྐྱང་སྟེ་བྱུང་རྒྱལ་དུ་བླ་བ་མཐོང་ངོ་། །མཐོང་ནས་ཀྱང་དེ་རང་གི་ཆུང་མ་ལ་དུར་ཁྲོད་ཀྱི་འདུ་
D1.004.0045b07.01