完整藏文原文 · 德格版页 当前仅加载第 4 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ལ་བྱ་བ་དེ་བཞིན་དུ་རེགས་ཤིག །དེས་བསམས་པ། ཞང་པོས་ཇི་སྐད་སྨྲས་པ་ལས་ན་གདོན་མི་ཟ་བར་འདི་ལ་བསོད་ནམས་ཡོད་དོ་སྙམ་ནས། དེས་གུས་པར་བྱས་ཏེ་དེའི་སྐྲ་དང་ཁ་སྤུ་བྲེགས་སོ། །རང་སངས་རྒྱས་ཀྱིས་བསམས་པ། སེམས་ཅན་འདིས་བསོད་ནམས་མང་དུ་བསྐྱེད་
D1.004.0144b01.01ཀྱིས་འདི་དགེ་བ་བསྐྱེད་པར་བྱའོ་སྙམ་དུ་བསམས་ནས་དེ་ལ་རྗེས་སུ་སྙིང་བརྩེ་བའི་ཕྱིར་སྟེང་གི་བར་སྣང་ལ་འཕགས་ཏེ་འབར་བ་དང་། གསལ་བ་དང་། ཆར་འབེབས་པ་དང་། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་
D1.004.0144b02.01གཏོད་པ་ཡིན་པས་དེ་ཤིང་རྩ་བ་ནས་བཅད་པ་བཞིན་དུ་རྐང་པ་གཉིས་ལ་གཏུགས་ཏེ་སྨོན་ལམ་གདབ་པར་བརྩམས་པ། དགེ་བའི་རྩ་བ་འདིས་ཇི་ལྟར་བདག་གི་ཞང་པོ་རྒྱལ་པོའི་འབྲེག་མཁན་བྱེད་པ་དེ་བཞིན་དུ་བདག་ཀྱང་རྒྱལ་པོའི་འབྲེག་མཁན་དུ་གྱུར་ཅིག་ཅེས་བྱས་སོ། །དགེ་
D1.004.0144b03.01སློང་དག་ཇི་སྙམ་དུ་སེམས། རྒྱལ་པོའི་འབྲེག་མཁན་གྱི་ཚ་བོ་གང་ཡིན་པ་དེ་ནི་དགེ་སློང་ཉེ་བ་འཁོར་འདི་ཉིད་ཡིན་ཏེ། དེ་ན་འདིས་རང་སངས་རྒྱས་ཀྱི་སྐྲ་དང་ཁ་སྤུ་བྲེགས་ནས་སྨོན་ལམ་བཏབ་པ་དེའི་ལས་ཀྱི་རྣམ་པར་སྨིན་པས་རྒྱལ་པོའི་འབྲེག་མཁན་དུ་གྱུར་ཏོ། །གཞན་ཡང་འདིས་
D1.004.0144b04.01སྨོན་ལམ་བཏབ་པ་གང་ཡིན་པ་དེ་ཉོན་ཅིག །དགེ་སློང་དག་སྔོན་བྱུང་བ་རི་འོར་ཞིག་ན་ཁྱིམ་བདག་ཅིག་གནས་ཏེ། དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད།
D1.004.0144b05.01དགའ་མགུར་སྤྱོད་པར་བྱེད་པ་ལས་ཁྱེའུ་ཞིག་བཙས་སོ། །ཡང་དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་ཁྱེའུ་ཞིག་བཙས་སོ་ཞེས་བྱ་བ་ནས། རིམ་གྱིས་ཁྱེའུ་བདུན་བཙས་སོ་ཞེས་བྱ་བའི་བར་དུའོ། །དེའི་ནེའུ་ཟླ་རྒྱལ་པོའི་འབྲེག་མཁན་ཞིག་ཡོད་པ་
D1.004.0144b06.01དེ་བུ་མེད་པས་ལག་པ་ལ་འགྲམ་པ་གཏད་དེ། བདག་ལ་བུ་ཕོ་ཡང་མེད། བུ་མོ་ཡང་མེད་པས་བདག་ཤི་ན་བདོག་བ་ཐམས་ཅད་བུ་མེད་དོ་ཞེས་རྒྱལ་པོས་མངའ་མཛད་པར་འགྱུར་རོ་སྙམ་དུ་སེམས་ཁོང་དུ་ཆུད་ཅིང་འདུག་པ་དེ་ཁྱིམ་བདག་དེས་མཐོང་ནས་སྨྲས་པ། ནེའུ་ཟླ་ཅིའི་ཕྱིར་སེམས་
D1.004.0144b07.01