完整藏文原文 · 德格版页 当前仅加载第 4 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་དག་སྔོན་བྱུང་བ་གྲོང་ཁྱེར་བཱ་རཱ་ཎ་སཱི་ན་རྒྱལ་པོ་ཚངས་སྦྱིན་ཞེས་བྱ་བ་འབྱོར་བ་དང་། ཞེས་བྱ་བ་ནས་སྐྱེ་བོ་དང་། མི་མང་པོས་རབ་ཏུ་གང་བས་རྒྱལ་སྲིད་བྱེད་དུ་འཇུག་གོ་ཞེས་བྱ་བའི་བར་དུ་སྟེ། དེ་ལ་རིག་སྔགས་དང་གསང་སྔགས་འཆང་གདོལ་པ། རིག་
D1.004.0171a01.01སྔགས་དང་གསང་སྔགས་སུ་མཁས་པ་ཞིག་ཡོད་དེ། དེས་ས་འཛིན་གྱི་རིག་སྔགས་སྦྱར་ནས་རྫུ་འཕྲུལ་གྱིས་རི་བོ་སྤོས་ཀྱི་ངད་ལྡང་ལས་དུས་མ་ཡིན་པ་དང་། དུས་ཚིགས་མ་ཡིན་པའི་མེ་ཏོག་དང་འབྲས་བུ་དག་བླངས་ནས་རྒྱལ་པོ་ཚངས་སྦྱིན་ལ་འབུལ་བ་བྱེད་དོ། །རྒྱལ་པོ་ཚངས་
D1.004.0171a02.01སྦྱིན་དེ་ལ་མངོན་པར་དགའ་ནས་བྱ་དགའ་སྦྱིན་པར་བྱེད་དོ། །ཇི་ཙམ་ན་བྲམ་ཟེའི་ཁྱེའུ་ཞིག་གསང་སྔགས་དོན་དུ་གཉེར་ཞིང་གསང་སྔགས་ཚོལ་བ་ན་བརྒྱུད་པ་ལས་ཐོས་ནས་ཡུལ་ནས་བཱ་རཱ་ཎ་སཱིར་སོན་ཏེ། དེ་ནས་ལམ་གྱིས་དུབ་པ་ངལ་སོས་ནས་རིག་སྔགས་དང་གསང་སྔགས་འཆང་
D1.004.0171a03.01གདོལ་པ་དེའི་དྲུང་དུ་སོང་སྟེ་ཕྱིན་ནས་སྨྲས་པ། མཁན་པོ་ལ་བདག་བསྙེན་བཀུར་བགྱིད་པར་འཚལ་ལོ། །ཅིའི་ཕྱིར། རིག་སྔགས་ཀྱི་སླད་དུའོ། །དེས་ཚིགས་སུ་བཅད་པས་སྨྲས་པ། རིག་སྔགས་སུ་ལའང་མི་སྦྱིན་ཏེ། །རིག་སྔགས་དང་ནི་ལྷན་ཅིག་འཆི། །ཡང་ན་རིག་
D1.004.0171a04.01དང་བསྙེན་བཀུར་དང་། ནོར་གྱིས་རིག་སྔགས་སྦྱིན་པར་བྱ། །དེས་སྨྲས་པ། མཁན་པོ་གལ་ཏེ་དེ་ལྟ་ལགས་ན་བདག་ཅག་བསྙེན་བཀུར་བགྱིད་ན་དུས་ཇི་ཙམ་གྱི་བར་དུ་བགྱི། དེས་སྨྲས་པ། ལོ་བཅུ་གཉིས་ཀྱི་བར་དུ་བསྙེན་བཀུར་བྱས་ན་སྦྱིན་ནམ་མི་སྦྱིན་དུ་ཟད་དོ། །དེ་ཤིན་ཏུ་
D1.004.0171a05.01རིག་སྔགས་དོན་དུ་གཉེར་བ་ཞིག་པས་ཁས་བླངས་སོ། །དེ་ནས་མགུ་བར་བྱ་བ་ལྷུར་བླངས་ནས་གུས་པར་བྱས་ཏེ་བསྙེན་བཀུར་བྱ་བར་བརྩམས་སོ། །ཇི་ཙམ་དུས་གཞན་ཞིག་ན་གདོལ་པ་དེ་ཆང་གིས་མྱོས་ནས་ཁྱིམ་དུ་འོངས་སོ། །བྲམ་ཟེའི་ཁྱེའུ་དེས་བསམས་པ། མཁན་པོ་འདི་མ་
D1.004.0171a06.01འོས་པར་ཆང་གིས་མྱོས་ཀྱིས་འདིའི་གློར་ཉལ་བར་བྱའོ་སྙམ་མོ། །ཇི་ཙམ་ན་གདོལ་པ་དེ་མལ་ནས་འགྲེ་བར་བརྩམས་ཏེ་དེ་འགྲེས་པ་དང་ཁྲིའི་ངོས་ཆག་པ་བྲམ་ཟེའི་ཁྱེའུ་ཡིས་ཐོས་ནས་སད་དེ་དེས་བསམས་པ། མཁན་པོ་སྡུག་བསྔལ་ཞིང་ཉལ་བར་འགྱུར་གྱིས། མལ་བདག་གིས་
D1.004.0171a07.01