完整藏文原文 · 德格版页 当前仅加载第 4 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་དགུམ་ལགས་སོ། །རྒྱལ་པོས་སྨྲས་པ། ཤེས་ལྡན་དག་སྐྱེས་བུ་འདི་ལྟ་བུའི་དཔའ་བོ་ག་ལ་གསད། འདི་ལ་སྤྱན་རས་ཀྱིས་བཙའ་བར་བྱའོ་ཞེས་དེས་བུ་མོ་རྒྱན་ཐམས་ཅད་ཀྱིས་བརྒྱན་ནས་དེ་ལ་ཆུང་མར་བྱིན་ཏེ། རྒྱལ་སྲིད་ཕྱེད་ཀྱང་བགོས་སོ། །དགེ་སློང་དག་ཇི་
D1.004.0135b01.01སྙམ་དུ་སེམས། དེའི་ཚེ་དེའི་དུས་ཀྱི་རྐུན་པོ་ཅིག་ཤོས་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་དེའི་བུ་གང་ཡིན་པ་དེ་ནི་སྒྲ་ཅན་ཟིན་འདི་ཉིད་ཡིན་ཏེ། དེ་ན་ཡང་ང་ལ་འདིས་མེ་ཏོག་གི་ཕྲེང་བས་ངོ་ཤེས་སོ། །ད་ལྟར་ཡང་འདིས་ང་ལ་དུས་ངོ་ཤེས་པར་བྱས་སོ། །
D1.004.0135b02.01དགེ་སློང་དག་དེ་ལྟ་བས་ན་སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་ནི་བསམ་གྱིས་མི་ཁྱབ་པས་ལས་ཀྱི་གནས་པ་ལ་གོམས་པར་བྱའོ། །གྲགས་འཛིན་མས་བསམས་པ། གལ་ཏེ་སྒྲ་ཅན་ཟིན་གྱི་ཡབ་ཕོ་བྲང་དུ་གཤེགས་དང་། ཇི་ལྟར་ཡང་སླར་གཤེགས་པར་མི་
D1.004.0135b03.01འགྱུར་བ་དེ་ལྟ་བུར་སྤྱད་པར་བྱའོ་སྙམ་ནས། དེ་ནས་བདག་ཉིད་དང་། ས་འཚོ་མ་དང་། {རི་དགས་,རི་དྭགས་}སྐྱེས་ལ་སོགས་པ་བུད་མེད་དྲུག་ཁྲི་རྒྱན་སྣ་ཚོགས་ཀྱིས་བརྒྱན་ཅིང་ཤིན་དུ་དྲི་ཞིམ་པོའི་མེ་ཏོག་གི་ཕྲེང་བ་དང་། བདུག་པས་བསྒོས་པའི་གོས་རྣམས་ཀྱིས་བཀླུབས་སོ། །དེ་ནས་
D1.004.0135b04.01བཅོམ་ལྡན་འདས་ཀྱིས་སྔ་དྲོ་ན་བཟའ་ཤམ་ཐབས་མནབས་ལྷུང་བཟེད་དང་ཆོས་གོས་བསྣམས་ཏེ། དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང་། དགེ་སློང་གི་དགེ་འདུན་གྱིས་མདུན་དུ་བདར་ཏེ་འདུལ་བའི་སྐྱེ་བོ་ལ་གཟིགས་ནས་ཕོ་བྲང་གི་ནང་དུ་ཞུགས་སོ། །དེ་ནས་གྲགས་
D1.004.0135b05.01འཛིན་མ་དང་། {རི་དགས་,རི་དྭགས་}སྐྱེས་དང་། ས་འཚོ་མ་ལ་སོགས་ཏེ་བུད་མེད་དྲུག་ཁྲི་གཟུགས་དང་། ལང་ཚོ་དང་། དྲེགས་པའི་རྒྱགས་པས་ཟིན་ཅིང་ཡིད་ལ་གཅགས་པས་གཡེན་སྤྱོ་ཞིང་བསྐྱོད་པ་ན་གསེར་གྱི་འོག་བག་ལྷོད་པར་བཅིངས་པ་མང་པོ་འཁྲོལ་ཞིང་སྒྲ་འབྱིན་
D1.004.0135b06.01ལ། འཛུམ་པའི་གླུ་དབྱངས་སྙན་པ་དང་། མིག་དང་སྨིན་མ་སྐྱོད་ཅིང་ནུ་མ་དང་། ཡན་ལག་རྣམས་གསལ་བར་སྟོན་པ། བུད་མེད་ཀྱི་ཚུལ་གྱི་སྟེག་ཆོས་རྣམས་བསྟན་ཏོ། །དེ་ནས་བཅོམ་ལྡན་འདས་ཀྱིས་འདི་སྙམ་དུ་དགོངས་ཏེ། གལ་ཏེ་གདུགས་ཚོད་གསོལ་
D1.004.0135b07.01