完整藏文原文 · 德格版页 当前仅加载第 4 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
གོ། །དེ་ཡིད་ཆེས་པར་བྱ་བའི་ཕྱིར་དེས་དེའི་མདུན་དུ་རིལ་བ་བཅག་ནས། རེ་ཞིག་ལྷ་དང་བཅས་པའི་འཇིག་རྟེན་གྱིས་འདི་སླར་འབྱོར་པར་བྱོས་ཤིག །ཡེ་བག་མ་ཚ་ཤིག །འདི་ལ་བྱེད་པ་པོ་འམ། བྱེད་དུ་འཇུག་པ་པོ་ནི་འགའ་ཡང་
D1.004.0288a01.01མེད་དོ། །དེ་ལྟ་མོད་ཀྱི་སོང་ལ་སེར་སྐྱའི་གཞིར་སོན་ནས་རྒྱལ་སྲིད་བྱོས་ཤིག་དང་བདག་གིས་ཁྱོད་ཀྱི་བློན་པོའི་མཆོག་བགྱིའོ། །དེ་ན་ལྷ་སྦྱིན་འཕགས་པ་ལ་སྐུར་བ་འདེབས་པའི་ལོག་པའི་ལྟ་བ་ཐོབ་སྟེ། དེས་ན་ཐམས་ཅད་ཀྱི་ཐམས་ཅད་དུ་དགེ་བའི་རྩ་བ་
D1.004.0288a02.01རྣམས་ཆད་པར་གྱུར་ཏོ། །དེ་ན་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ལྷ་སྦྱིན་གྱིས་དགེ་བའི་རྩ་བ་རྣམས་བཅད་དེ། དགེ་སློང་དག་ངས་ཇི་སྲིད་ལྷ་སྦྱིན་ལ་དཀར་པོའི་ཆོས་གཟིགས་པ་དེའི་བར་དུ་ངས་འདི་ལྟར་ལྷ་སྦྱིན་ངན་
D1.004.0288a03.01སོང་སེམས་ཅན་དམྱལ་བར་བསྐལ་པར་གནས་པས་གསོར་མི་རུང་བའོ་ཞེས་ལྷ་སྦྱིན་ལུང་མ་བསྟན་ཏོ། །དཔེར་ན་གྲོང་ཁྱེར་རམ། གྲོང་རྡལ་དང་ཧ་ཅང་ཡང་མི་རིང་བ་ཞིག་ན་ཕྱི་ས་ཁུང་ཟབས་སུ་མི་གང་ལྷག་ཙམ་ཞིག་ཡོད་པ་དེར་མི་འགའ་ཞིག་མགོ་དང་།
D1.004.0288a04.01ལག་པ་དང་། རྐང་པ་དང་བཅས་པར་ནུབ་པར་གྱུར་པ་དེ་ལ་མི་ཡུན་རིང་པོར་དོན་དུ་འདོད་པ་ཕན་པར་འདོད་པ། བདེ་བར་འདོད་པ། གྲུབ་པ་དང་བདེ་བ་ལ་རེག་པར་འདོད་པ་འགའ་ཞིག་སོང་སྟེ། དེས་ཕྱིས་ཁུང་དེའི་ཉེ་འཁོར་ཀུན་ཏུ་བསྐོར་ཞིང་སོང་
D1.004.0288a05.01སྟེ། མི་དེའི་ཕྱི་སས་མ་རེག་པའི་ཕྱོགས་འགའ་ཞིག་རྙེད་ན་འདི་དེ་ནས་བཟུང་སྟེ་དབྱུང་བར་བྱའོ་སྙམ་ནས། དེས་དེའི་ཉེ་འཁོར་ཀུན་ཏུ་བསྐོར་ཏེ་སོང་ན་མི་དེ་ལ་དེས་བཟུང་སྟེ་དབྱུང་བའི་ཕྱོགས་ཆུང་ངུ་ན་ལག་མཐིལ་ཙམ་ཡང་མི་གཙང་བས་མ་རེག་པ་ཅུང་ཟད་
D1.004.0288a06.01ཀྱང་མེད་པ་དེ་བཞིན་དུ། དགེ་སློང་དག་ངས་ཇི་སྲིད་ལྷ་སྦྱིན་ལ་དཀར་པོའི་ཆོས་གང་ན་སྐྲའི་རྩེ་མོའི་ཆ་ཤས་ཙམ་ཡང་གཟིགས་པ་དེའི་བར་དུ་ནི་ངས་འདི་ལྟར་ལྷ་སྦྱིན་ངན་སོང་སེམས་ཅན་དམྱལ་བར་བསྐལ་པར་གནས་པས་གསོར་མི་རུང་བའོ་ཞེས་ལྷ་སྦྱིན་ལུང་མ་
D1.004.0288a07.01