完整藏文原文 · 德格版页 当前仅加载第 4 函德格 153a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དུ་སངས་རྒྱས་བཅོམ་ལྡན་འདས་རྣམས་ཀྱང་བསྙེན་པར་དཀའ་ཞིང་བཟོད་པར་དཀའ་བ་ཡིན་ནོ། །འདི་ལྟ་སྟེ་དཔེར་ན་མ་ཏང་གའི་གླང་པོ་ཆེའི་རྒྱལ་པོ་ལོ་དྲུག་བཅུ་ལོན་པ་དར་ལ་བབ་པ། གྲགས་པ། མཆེ་བ་གཤོལ་མདའ་ཙམ་ཡོད་པ། བྲང་གི་
D1.004.0153a01.01ཕེལ་ཀ་ཆེ་བ། གཡུལ་མྱོང་བ། གཡུལ་ངོར་སོན་པའི་མཆེ་བའི་ཕྲག་ནི་བསྙེན་པར་དཀའ་ཞིང་བཟོད་པར་དཀའ་བ་ཡིན་ནོ། །དེ་བཞིན་དུ་སངས་རྒྱས་བཅོམ་ལྡན་འདས་རྣམས་ཀྱང་བསྙེན་པར་དཀའ་ཞིང་བཟོད་པར་དཀའ་བས་ཚེ་དང་ལྡན་པ་ཤཱ་རིའི་བུ་བཅོམ་ལྡན་འདས་ཀྱི་
D1.004.0153a02.01རིམ་གྲོ་པར་བདག་མི་སྤྲོའོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤེས་པར་གྱིས་ཤིག །བཅོམ་ལྡན་འདས་ནི་ངའི་རིམ་གྲོ་དགེ་སློང་ཀུན་དགའ་བོས་བྱས་ན་ཐུགས་ལ་མི་འཐད་པ་མ་ཡིན་གྱི་
D1.004.0153a03.01ཐུགས་ལ་འཐད་པ་དང་། བཀའ་སྩལ་པ་འཛིན་པ་དང་། རང་གི་དོན་ཡང་ཉམས་པར་མི་འགྱུར་རོ་ཞེས་ཚེ་དང་ལྡན་པ་ཀུན་དགའ་བོ་ལ་ཐུགས་གཏད་དེ་དཔེར་ན་ཁང་པ་བརྩེགས་པའམ། ཁང་པ་བརྩེགས་པའི་ཁྱམས་བྱང་ཕྱོགས་སུ་རིང་བ་ཤར་ཕྱོགས་སུ་སྐར་ཁུང་བཏོད་པ་ཤར་
D1.004.0153a04.01ཕྱོགས་ཀྱི་སྐར་ཁུང་ནས་ཉི་མའི་འོད་ཟེར་ཤར་བ་ནུབ་ཕྱོགས་ཀྱི་རྩིག་པའི་ངོས་ལ་འབབ་པ་དེ་བཞིན་དུ་བཅོམ་ལྡན་འདས་ནི་ངའི་རིམ་གྲོ་དགེ་སློང་ཀུན་དགའ་བོས་བྱས་ན་ཐུགས་ལ་མི་འཐད་པ་མ་ཡིན་གྱི་ཐུགས་ལ་འཐད་པ་དང་། བཀའ་སྩལ་པ་འཛིན་པ་དང་། རང་གི་དོན་ཡང་ཉམས་
D1.004.0153a05.01པར་མི་འགྱུར་རོ་ཞེས་ཚེ་དང་ལྡན་པ་ཀུན་དགའ་བོ་ལ་ཐུགས་གཏད་ན་ཚེ་དང་ལྡན་པ་ཀུན་དགའ་བོ་ཁྱོད་བཅོམ་ལྡན་འདས་ཀྱི་རིམ་གྲོ་པར་སྤྲོའམ། བདེ་བར་གཤེགས་པ་ལ་བསྙེན་བཀུར་བྱ་བ་ནི་ཁྱོད་ལ་དོན་ཆེན་པོར་འགྱུར་རོ། །ཚེ་དང་ལྡན་པ་མཽད་གལ་གྱི་བུ་བདག་གིས་དེ་བཞིན་དུ་བགྱི་
D1.004.0153a06.01སྟེ། བཅོམ་ལྡན་འདས་ཀྱི་རིམ་གྲོ་བགྱི་བར་སྤྲོ་བར་བགྱིད་ན། གལ་ཏེ་བཅོམ་ལྡན་འདས་ཀྱིས་བདག་ལ་མཆོག་གསུམ་པོ་བཅོམ་ལྡན་འདས་ཀྱི་ན་བཟའ་སྨད་གཡོགས་དང་ཆོས་གོས་བདག་གིས་མི་བཅང་བ་དང་། བཅོམ་ལྡན་འདས་ཀྱི་ཕྱིར་གང་ཟག་པའི་མགྲོན་དུ་འབོད་ན་
D1.004.0153a07.01