完整藏文原文 · 德格版页 当前仅加载第 4 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ན་ཅི་ཡོད་རེ་ཞིག་བལྟའོ་སྙམ་པ་ལས། ཇི་ཙམ་ན་རྒྱན་དེ་མཐོང་ནས་དེས་རྒྱན་བླངས་ཏེ་ཁྱིམ་དུ་འོངས་སོ། །ལྷའི་ཆུང་མ་ཡང་སྡུག་བསྔལ་ཞིང་ཡིད་མི་བདེ་བས་གདུངས་ནས་ཁྱིམ་ཕྱག་དར་བྱེད་པ་ན་འདི་ལྟར་སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང་ལྷ་རྣམས་ཀྱི་ལྷའི་མཐུས་ཇི་ཙམ་ན་
D1.004.0054b01.01གསེར་གྱི་བུམ་པ་འཚེར་བག་ཅན་ཞིག་མཐོང་ངོ་། །ལྷས་དེ་ལ་དྲིས་པ། བཟང་མོ་འོ་ནི་ཅི་ཡིན། དེས་སྨྲས་པ། རྗེའི་སྲས་བདག་གིས་གསེར་གྱི་བུམ་པ་ཞིག་མཐོང་ངོ་། །དེས་ཀྱང་སྨྲས་པ། བཟང་མོ་ཁོ་བོས་ཀྱང་རྒྱན་དེ་མཐོང་ངོ་། །དེ་གཉིས་ཀྱིས་ལྷག་པར་ཡང་བཅོམ་ལྡན་
D1.004.0054b02.01འདས་ལ་དད་པ་བསྐྱེད་དོ། །དེ་ལྟར་མངོན་པར་དད་པ་དང་བཅོམ་ལྡན་འདས་ཀྱིས་དེ་གཉིས་ཇི་ལྟར་འཕགས་པའི་བདེན་པ་བཞི་རྟོགས་པར་འགྱུར་བ་དེ་ལྟ་བུའི་ཆོས་བཤད་པ་མཛད་པས་བྲམ་ཟེ་ལྷ་ཆུང་མ་དང་བཅས་ཏེ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་
D1.004.0054b03.01ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ། །དེ་ནས་བཅོམ་ལྡན་འདས་དེའི་ནུབ་མོ་འདས་ནས་སྔ་དྲོ་ན་བཟའ་ཤམ་ཐབས་མནབས། ལྷུང་བཟེད་དང་ཆོས་གོས་བསྣམས་ཏེ་གྲོང་ཁྱེར་སྡེ་ཅན་དུ་བསོད་སྙོམས་ལ་ཞུགས་སོ། །དེ་ནས་བཅོམ་ལྡན་འདས་གྲོང་ཁྱེར་སྡེ་ཅན་དུ་བསོད་
D1.004.0054b04.01སྙོམས་ལ་ཞུགས་པ་ན་འདི་སྙམ་དུ་དགོངས་ཏེ། མ་ལ་ངས་གྲོང་ཁྱེར་སྡེ་ཅན་དེར་ཐོག་མར་སུ་ཞིག་ལ་ཆོས་བཤད་སྙམ་པ་ལས། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ངས་གྲོང་པའི་བུ་མོ་དགའ་མོ་དང་། དགའ་སྟོབས་མ་ལ་ཐོག་མར་ཆོས་བཤད་པར་བྱ་སྟེ། དེ་དག་
D1.004.0054b05.01གིས་ང་སྔོན་གྱི་སྡུག་བསྔལ་སྤོང་བའི་རྣལ་འབྱོར་ལ་རྗེས་སུ་བརྩོན་པས་གནས་པ་ན་འདིས་མར་གསར་དང་འོ་ཐུག་སྦྲང་རྩི་ལྟར་མངར་བས་བསྙེན་བཀུར་བྱས་སོ་སྙམ་མོ། །དེ་ནས་བཅོམ་ལྡན་འདས་གྲོང་པའི་བུ་མོ་དགའ་མོ་དང་། དགའ་སྟོབས་མའི་ཁྱིམ་གང་ན་བ་དེར་གཤེགས་སོ། །
D1.004.0054b06.01གྲོང་པའི་བུ་མོ་དགའ་མོ་དང་། དགའ་སྟོབས་མས་བཅོམ་ལྡན་འདས་རྒྱང་རིང་པོ་ནས་མཐོང་ངོ་། །མཐོང་ནས་ཀྱང་བཅོམ་ལྡན་འདས་ཀྱི་ཆེད་དུ་གདན་བཤམས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་ཚུར་སྤྱོན། བཅོམ་ལྡན་འདས་བྱོན་པ་ལེགས་སོ། །བཅོམ་ལྡན་འདས་
D1.004.0054b07.01