完整藏文原文 · 德格版页 当前仅加载第 4 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
ལོངས་ལོངས་ཉན་ཐོས་ཆེན་པོ་དག་གིས་ཁྱོད་ཀྱི་འཁོར་ཕྲོགས་སོ། །དེ་ནས་ཚེ་དང་ལྡན་པ་ཤཱ་རིའི་བུ་འདི་སྙམ་དུ་སེམས་ཏེ། གལ་ཏེ་ལྷ་སྦྱིན་གྱིས་འཁོར་མ་མཐོང་བར་ཁྲིད་ན་ཁྲག་དྲོན་དུ་སྐྱུགས་ནས་འཆི་བར་འགྱུར་བའི་གནས་གང་ཡིན་པ་འདི་ཡོད་ཀྱིས། མདོར་ན་མཐོང་བ་ཁོ་ནར་བྱས་
D1.004.0253b01.01ལ་བཀྲིའོ་སྙམ་ནས་དེ་དག་དལ་གྱིས་འགྲོ་བའི་སྤྱོད་ལམ་གྱིས་དགེ་སློང་གི་དགེ་འདུན་དང་ལྷན་ཅིག་དོང་བ་དང་། ལྷ་སྦྱིན་ཀུན་ནས་དཀྲིས་པ་དྲག་པོས་མིག་སྡོག་ཅིང་བསྙགས་པ་ལས་ཚེ་དང་ལྡན་པ་ཤཱ་རིའི་བུས་འོབས་མཆོག་ཏུ་འཇིགས་སུ་རུང་བ་སའི་གཏིང་མི་སྣང་བ་ཞིག་སྤྲུལ་པ་དང་ལྷ་སྦྱིན་ཀོ་
D1.004.0253b02.01ཀ་ལི་ཀ་དང་། ཁཎ་ཌ་དྲབ་བྱ་དང་། ཀ་ཏི་མོ་ར་ཀ་ཏི་ཥྱ་དང་། རྒྱ་མཚོས་བྱིན་རྣམས་དང་ལྷན་ཅིག་འོབས་དེའི་མཐར་ཀུན་དུ་བསྐོར་བར་བརྩམས་པ་ན་རྒལ་མ་ནུས་ནས་དེས་བསམས་པ། འཁོར་མི་འཐོབ་པར་མ་ཟད་ཚུལ་མ་ཡིན་པས་སྡུག་བསྔལ་བར་འགྱུར་རོ་སྙམ་དུ་བསམས་ནས་
D1.004.0253b03.01སླར་ལོག་གོ། །ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུས་ཀྱང་དགེ་སློང་གི་དགེ་འདུན་ཁྲིད་ནས་བཅོམ་ལྡན་འདས་གང་ན་བ་དེར་དོང་ངོ་། །དེ་ནས་དགེ་སློང་དེ་རྣམས་བདག་ཅག་གིས་བཅོམ་ལྡན་འདས་ཡོན་ཏན་ཚད་མེད་པ་དང་ལྡན་པ་སྤངས་ལ། ལྷ་སྦྱིན་སྡིག་པ་ཅན་ལ་
D1.004.0253b04.01རྟེན་པ་ཅི་ཐ་ཚིག་ཅེས་འགྱོད་པ་སྐྱེས། ཡིད་ལ་གཅགས་པ་སྐྱེས། ཡུལ་ཡུལ་པོར་བྱས། ཕྲག་པ་བཅུམ། མགོ་སྨད་དེ་བཅོམ་ལྡན་འདས་ཀྱི་སྤྱན་སྔར་དོང་ངོ་། །དེ་ནས་བཅོམ་ལྡན་འདས་ཀྱི་ཐུགས་ཀྱིས་དགེ་སློང་དེ་རྣམས་ཀྱི་སེམས་མཁྱེན་ནས་དགེ་སློང་རྣམས་ལ་
D1.004.0253b05.01བཀའ་སྩལ་པ། དགེ་སློང་དག་ཁྱེད་འོངས་པ་ལེགས་སོ། །རབ་ཏུ་བྱུང་བ་ལེགས་སོ། །ཁྱེད་ཀྱིས་མིའི་རྙེད་པ་ནི་ལེགས་པར་རྙེད་པ་ཡིན་ཏེ། བརྒྱ་ལམ་ན་ལན་འགའ་འཕགས་པའི་གནས་སུ་སྐྱེ་བ་དང་། དབང་པོ་མ་ཚང་བ་མ་ཡིན་པ་དང་། གླེན་པ་མ་ཡིན་པ་དང་།
D1.004.0253b06.01ལུག་ལྟར་ལྐུགས་པ་མ་ཡིན་པ་དང་། ལག་བརྡ་བྱེད་པ་མ་ཡིན་ཞིང་ལེགས་པར་སྨྲས་པ་དང་། ཉེས་པར་སྨྲས་པ་རྣམས་ཀྱིས་ཆོས་ཀྱི་དོན་ཤེས་པར་ནུས། བརྒྱ་ལམ་ན་ལན་འགའ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་དུ་འབྱུང་།
D1.004.0253b07.01