完整藏文原文 · 德格版页 当前仅加载第 4 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
བཤེས་སུ་གྱུར་པའི་ལྷ་ཞིག་ཡོད་པ་འདི་སྙམ་དུ་སེམས་ཏེ། སངས་རྒྱས་བཅོམ་ལྡན་འདས་འདི་ལྟེང་རྒྱས་ན་ཆུ་ཀླུང་ནཻ་རཉྫ་ནའི་འགྲམ་བྱང་ཆུབ་ཀྱི་ཤིང་དྲུང་ན་བཞུགས་ཏེ་མངོན་པར་རྫོགས་པར་སངས་རྒྱས་ནས་རིང་པོ་མ་ལོན་པར་རྣམ་པར་གྲོལ་བའི་དགའ་བ་དང་བདེ་བ་སྐུ་ཉམས་སུ་
D1.004.0035b01.01བཏར་ནས། སྐྱིལ་མོ་ཀྲུང་གཅིག་གིས་ཞག་བདུན་འདས་པར་མཛད་པ་ན། དེ་ལ་སུས་ཀྱང་བསོད་སྙོམས་མ་ཕུལ་གྱིས། དེ་ལ་ཚོང་པ་ག་གོན་དང་། བཟང་པོ་གཉིས་ཀྱིས་དེར་ཐོག་མར་བསོད་སྙོམས་འབུལ་དུ་བཅུག་ན། དེ་ནི་ཚོང་པ་ག་གོན་དང་། བཟང་པོ་དེ་གཉིས་ཀྱི་ཡུན་
D1.004.0035b02.01རིང་པོའི་དོན་དང་ཕན་པ་དང་བདེ་བར་འགྱུར་གྱིས། མ་ལ་བདག་རང་གིས་འདི་གཉིས་འདི་ལྟ་སྟེ། བཅོམ་ལྡན་འདས་ལ་བསོད་སྙོམས་འབུལ་དུ་གཞུག་པའི་ཕྱིར་བརྩོན་པར་བྱའོ་སྙམ་ནས། དེ་ནས་ལྷ་དེས་ཤིང་རྟ་དང་ཚོང་པ་ཐམས་ཅད་སྣང་བ་རྒྱ་ཆེན་པོས་གསལ་བར་བྱས་ནས་ཚོང་པ་
D1.004.0035b03.01ག་གོན་དང་། བཟང་པོ་ལ་འདི་སྐད་ཅེས་སྨྲས་སོ། །ཚོང་པ་ཚོང་པ་དག་སངས་རྒྱས་བཅོམ་ལྡན་འདས་འདི་ལྟེང་རྒྱས་ན་ཆུ་ཀླུང་ནཻ་རཉྫ་ནའི་འགྲམ་བྱང་ཆུབ་ཀྱི་ཤིང་དྲུང་ན་བཞུགས་ཏེ་མངོན་པར་རྫོགས་པར་སངས་རྒྱས་ནས་རིང་པོ་མ་ལོན་པར་རྣམ་པར་གྲོལ་བའི་དགའ་བ་དང་། བདེ་བ་སྐུ་
D1.004.0035b04.01ཉམས་སུ་བཏར་བ་ན་སྐྱིལ་མོ་ཀྲུང་གཅིག་གིས་ཞག་བདུན་འདས་པར་མཛད་དེ། དེ་ལ་སུས་ཀྱང་བསོད་སྙོམས་མ་ཕུལ་གྱིས། དེ་ལ་ཁྱེད་ཀྱིས་དེར་ཐོག་མར་བསོད་སྙོམས་ཕུལ་ན་དེ་ནི་ཁྱེད་ཀྱི་ཡུན་རིང་མོའི་དོན་དང་ཕན་པ་དང་བདེ་བར་འགྱུར་རོ་ཞེས་སྨྲས་ནས་ལྷ་དེ་དེ་ཉིད་དུ་མི་སྣང་བར་
D1.004.0035b05.01གྱུར་ཏོ། །དེ་ནས་ཚོང་པ་ག་གོན་དང་བཟང་པོ་གཉིས་འདི་སྙམ་དུ་སེམས་ཏེ། སངས་རྒྱས་ནི་མཆོག་མ་ཡིན་པ་མ་ཡིན་ལ། ཆོས་བཤད་པ་ཡང་མཆོག་མ་ཡིན་པ་མ་ཡིན་ཏེ། གང་གི་ཕྱིར་འདི་ལྟར་ལྷས་ཀྱང་འདི་ལྟ་སྟེ། བཅོམ་ལྡན་འདས་དེ་ལ་བསོད་སྙོམས་དབུལ་བའི་ཕྱིར་བརྩོན་
D1.004.0035b06.01པར་བྱེད་དོ་སྙམ་དུ་བསམས་ནས་སྦྲང་རྩི་དང་ལྡེ་གུ་མང་དུ་ཁྱེར་ནས་བཅོམ་ལྡན་འདས་གང་ན་བ་དེར་སོང་ནས་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཚོང་པ་ག་གོན་དང་། བཟང་པོས་
D1.004.0035b07.01