完整藏文原文 · 德格版页 当前仅加载第 4 函德格 190a 版页；藏文 NFD、目录标记与异常页序保留在来源切片中，重复版页行以稳定序号区分。
མ་དང་། རྗེས་སུ་མཐུན་པའི་ལྕུག་མ་དང་ས་གའོ། །དེ་རྣམས་བསྲིངས་བསྐྱེད་དེ་ཆེན་པོར་གྱུར་ནས་ཡུལ་གཞན་གྱི་རྒྱལ་པོའི་བུ་མོ་དག་ལས་ཆུང་མ་བླངས་པ་དང་། དེ་རྣམས་རྒྱལ་པོ་ལ་བརྙས་ཐབས་བྱེད་པར་བརྩམས་པ་དང་། དེ་ནས་རྒྱལ་པོས་
D1.004.0190a01.01སྤྱུགས་ཏེ་རང་རང་གི་ཆུང་མ་ཁྲིད་དེ་དོང་བ་ལས་ཇི་ཙམ་ན་དགོན་པའི་ལམ་ཞིག་ཏུ་ཕྱིན་པ་ན་དེ་རྣམས་ལམ་རྒྱགས་ཆད་ནས་དེ་རྣམས་ལ་ཕན་ཚུན་དུ་ནང་ཁྲིམས་བཅས་ཏེ། ཆུང་མ་རེ་རེ་བསད་ལ་དེའི་ཤས་དགོན་པའི་ལམ་རྒལ་བར་བྱའོ་ཞེས་བྱས་སོ། །ས་གས་བསམས་པ།
D1.004.0190a02.01གཞན་གྱི་སྲོག་གཅོད་པ་བས་རང་གི་སྲོག་ཆུད་ཟོས་པ་བླའི་འདིར་ཡོང་ཅིའི་དུས་ལ་བབ་ཅེ་ན་ཆུང་མ་ཁྲིད་དེ་བྲོས་ཏེ་འགྲོའོ་སྙམ་ནས། དེས་ཆུང་མ་ཁྲིད་དེ་བྲོས་པ་ལས་དེའི་ཆུང་མ་བཟའ་བ་དང་བཏུང་བ་དང་བྲལ་བ་དང་ལམ་གྱི་དུབ་པས་བློང་བློང་པོར་གྱུར་ཏེ་སྨྲས་པ། རྗེའི་སྲས་སྲོག་
D1.004.0190a03.01དང་བྲལ་བར་འགྱུར་རོ། །ས་གས་བསམས་པ། བདག་གིས་འདི་སྲིན་པོ་རྣམས་ཀྱི་ནང་ནས་ཡོངས་སུ་བསྐྱབས་ནས་ད་གལ་ཏེ་ཤི་བར་གྱུར་ནམ་ལེགས་སོ་སྙམ་ནས་དེས་བརླའི་ཤ་ལས་བཅད་དེ་ཟར་བཅུག་ཅིང་། ལག་པ་གཉིས་ཀྱི་རྩ་གཏུབས་པའི་ཁྲག་བླུད་དེ་དེས་དེ་ཁྲིད་དེ་
D1.004.0190a04.01རིམ་གྱིས་རི་ཞིག་གི་དྲུང་དུ་ཕྱིན་ནས། དེ་ན་རྩ་བ་དང་འབྲས་བུས་འཚོ་བར་བྱེད་དོ། །རི་དེའི་དྲུང་ན་འབབ་ཆུ་ཞིག་འབབ་པ་དེ་ལ་མི་ཞིག་དགྲས་ལག་པ་དང་རྐང་པ་གཏུབས་ནས་ཆུར་བསྐྱུར་ཏེ་དེ་ཆུས་ཁྱེར་བ་ན་ཉམ་ཐག་པའི་ང་རོའི་སྐད་འབྱིན་ཏོ། །ས་གཡང་ཕྱོགས་གཞན་ཞིག་ན་རྩ་བ་
D1.004.0190a05.01དང་འབྲས་བུ་རྐོ་བ་ལས་དེས་མི་དེའི་འོ་དོད་འབོད་པ་ཐོས་ནས། དེ་སེམས་ཀྱི་རྒྱུད་སྙིང་རྗེས་བརླན་པས་རི་དེ་ལ་འཛེགས་ཏེ་ཀུན་ཏུ་བལྟ་བར་བརྩམས་པ་ལས། ཇི་ཙམ་ན་མི་ཆུས་ཁྱེར་བ་དེ་མཐོང་ནས་དེས་མྱུར་བ་མྱུར་བར་རི་ལས་བབས་ཏེ་འབབ་ཆུའི་ནང་དུ་ཞུགས་ནས་མི་དེ་
D1.004.0190a06.01ཁུར་དུ་བླངས་ཏེ་འབབ་ཆུའི་འགྲམ་དུ་ཕྱུང་སྟེ་བཞག་ནས་དེའི་སྡུག་བསྔལ་གྱིས་སྙིང་གདུངས་ནས་སྨྲས་པ། བུ་འདི་ཅི་ལས་གྱུར། དེས་ཇི་ལྟར་གྱུར་པ་ཐམས་ཅད་སྨྲས་ནས་དེ་ནས་དེས་དེ་དབུགས་ཕྱུང་སྟེ། རྩ་བ་དང་འབྲས་བུས་ཚིམ་པར་བྱས་ནས་ཆུང་མ་ལ་གཏད་དེ། དེས་
D1.004.0190a07.01