完整藏文原文 · 德格版页 当前仅加载第 4 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པར་དབྱར་བཞུགས་པར་ཞལ་གྱིས་བཞེས་སོ། །དེའི་ཚེ་མུ་གེ་ཉམ་ང་བ་དགོན་པ་སློང་མོ་པས་ཟས་རྙེད་པར་དཀའ་བ་བྱུང་ངོ་། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་
D1.004.0250b01.01ང་དབྱར་གྱི་ཟླ་བ་གསུམ་པོ་འདི་ལ་ནང་དུ་ཡང་དག་པར་འཇོག་པར་བཞེད་ཀྱིས། བསོད་སྙོམས་སྟོབས་པ་དང་། གསོ་སྦྱོང་དེ་ཉིད་ཀྱི་ཚེ་མ་གཏོགས་པར་དགེ་སློང་སུ་ཡང་ངའི་སྤྱན་སྔར་མ་འོངས་ཤིག །དགེ་སློང་གི་དགེ་འདུན་གྱིས་ཀྱང་ཁྲིམས་སུ་བཅས་པ། ཚེ་དང་ལྡན་པ་དག་
D1.004.0250b02.01དབྱར་གྱི་ཟླ་བ་གསུམ་པོ་འདི་ལ་བསོད་སྙོམས་སྟོབས་པ་དང་། གསོ་སྦྱོང་དེ་ཉིད་ཀྱི་ཚེ་མ་གཏོགས་པར་བཅོམ་ལྡན་འདས་ལ་བལྟ་བའི་ཕྱིར་བདག་ཅག་སུ་ཡང་འགྲོ་བར་མི་བྱའོ་ཞེས་བཅས་སོ། །དེའི་ཚེ་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་གཉིས་ནི་ལྷོ་ཕྱོགས་ཀྱི་རི་ལ་
D1.004.0250b03.01དབྱར་གནས་པར་དམ་བཅས་སོ། །ལྷ་སྦྱིན་གྱིས་ཟླ་བ་གསུམ་དུ་དགེ་སློང་གི་དགེ་འདུན་ལ་ཆོས་གོས་དང་། བསོད་སྙོམས་དང་། གནས་མལ་དང་། ནད་ཀྱི་རྐྱེན་སྨན་གྱི་ཡོ་བྱད་རྣམས་ཀྱིས་བསྟབས་ཏེ་ཟླ་བ་གསུམ་འདས་པ་དང་། དེས་དགེ་སློང་རྣམས་ལ་སྨྲས་པ། ཚེ་
D1.004.0250b04.01དང་ལྡན་པ་དག་དགེ་སྦྱོང་གཽ་ཏ་མ་ནི་ཉན་ཐོས་རྣམས་ལ་འདི་སྐད་ཅེས་དགེ་སློང་དགོན་པ་པ་ཉིད་ཀྱིས་ནི་དག་པ་དང་། གྲོལ་བ་དང་། ངེས་པར་འབྱུང་བ་དང་། བདེ་བ་དང་སྡུག་བསྔལ་བ་ལས་འདའ་བ་དང་། བདེ་བ་དང་སྡུག་བསྔལ་ལས་འདས་པ་ཡང་ཐོབ་པར་འགྱུར་རོ། །བསོད་
D1.004.0250b05.01སྙོམས་པ་ཉིད་དང་། ཕྱག་དར་ཁྲོད་པ་ཉིད་དང་། ཆོས་གོས་གསུམ་པ་ཉིད་དང་། བླ་གབ་མེད་པ་ཉིད་ཀྱིས་ནི་དག་པ་དང་། གྲོལ་བ་དང་། ངེས་པར་འབྱུང་བ་དང་། བདེ་བ་དང་སྡུག་བསྔལ་ལས་འདའ་བ་དང་། བདེ་བ་དང་སྡུག་བསྔལ་ལས་འདས་པ་ཐོབ་པར་འགྱུར་
D1.004.0250b06.01རོ་ཞེས་ཆོས་འཆད་ཀྱིས། ཚེ་དང་ལྡན་པ་དག་གང་སུ་དག་བརྟུལ་ཞུགས་ཀྱི་གཞི་ལྔ་པོ་འདི་དག་མི་འདོད་པ་དང་། མི་བཟོད་པ་དང་། ཡིད་ལ་མི་འབབ་པ་དེ་ནི་དགེ་སྦྱོང་གཽ་ཏ་མ་ལས་རིང་དུ་འགྱུར། ཐག་རིང་དུ་འགྱུར་གྱིས་དེ་ཚུལ་ཤིང་ལོང་ཤིག་ཅེས་བྱས་པ་དང་། དགེ་
D1.004.0250b07.01