完整藏文原文 · 德格版页 当前仅加载第 4 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཁོ་ནས་ཁྱིམ་མེད་པར་རབ་ཏུ་བྱུང་བ་སྟེ། ལྷ་འདི་ནི་རབ་ཏུ་བྱུང་བ་ཞེས་བགྱིའོ། །དེ་འདི་སྐད་ཅེས་གསུངས་ཏེ། ཁ་ལོ་སྒྱུར་བ་དེའི་ཕྱིར་ཤིང་རྟ་འདི་རབ་ཏུ་བྱུང་བ་གང་ན་བ་དེ་ལོགས་སུ་སྒྱུར་ཅིག །ལྷ་བཀའ་བཞིན་འཚལ་ཞེས་བྱང་ཆུབ་སེམས་དཔའ་ཤཱཀྱ་ཐུབ་པའི་ལྟར་མཉན་ནས་
D1.004.0005b01.01ཤིང་རྟ་དེ་རབ་ཏུ་བྱུང་བ་གང་ན་བ་དེ་ལོགས་སུ་བསྒྱུར་བ་དང་། བྱང་ཆུབ་སེམས་དཔའ་ཤཱཀྱ་ཐུབ་པས་རབ་ཏུ་བྱུང་བ་དེ་ལ་འདི་སྐད་ཅེས་གསུངས་ཏེ། ཀྱེ་མི་ཁྱོད་ཅིའི་ཕྱིར་སྐྲ་བྲེགས་ལ་ལག་པ་ན་ལྷུང་བཟེད་ཐོགས་ནས་ཁྱིམ་ནས་ཁྱིམ་དང་། ཁང་པ་ནས་ཁང་པར་རྒྱུ་ཞིང་འགྲོ་ལ་ཁྱོད་ཀྱི་
D1.004.0005b02.01གོས་ཀྱང་ཁ་དོག་མི་མཚུངས་ཏེ། ཇི་ལྟར་ཡང་མི་གཞན་དག་དང་མི་འདྲ་བ་ཡིན། དེས་འདི་སྐད་ཅེས་གསོལ་ཏོ། །གཞོན་ནུ་བདག་ནི་རབ་ཏུ་བྱུང་བ་ཞེས་བྱའོ། །བྱང་ཆུབ་སེམས་དཔས་གསུངས་པ། ཀྱེ་མི་ཁྱོད་ཇི་ལྟར་རབ་ཏུ་བྱུང་བ་ཞེས་བྱ། དེས་འདི་སྐད་ཅེས་གསོལ་ཏོ། །
D1.004.0005b03.01གཞོན་ནུ་བདག་གིས་དུལ་བ་ལེགས་པ་དང་། ཡང་དག་པར་སྡོམ་པ་ལེགས་པ་དང་། དོན་སྤྱོད་པ་ལེགས་པ་དང་། ཆོས་སྤྱོད་པ་ལེགས་པ་དང་། དགེ་བ་སྤྱོད་པ་ལེགས་པ་དང་། དགེ་ལེགས་སྤྱོད་པ་ལེགས་པར་རིག་ནས་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་
D1.004.0005b04.01དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་ལྟར་ན་བདག་རབ་ཏུ་བྱུང་བ་ཞེས་བྱའོ། །བྱང་ཆུབ་སེམས་དཔས་གསུངས་པ་ཀྱེ་མི་ཁྱོད་ཀྱིས་དུལ་བ་ལེགས་པ་དང་། ཡང་དག་པར་སྡོམ་པ་ལེགས་པ་དང་། དོན་སྤྱོད་པ་ལེགས་པ་དང་། ཆོས་སྤྱོད་པ་
D1.004.0005b05.01ལེགས་པ་དང་། དགེ་བ་སྤྱོད་པ་ལེགས་པ་དང་། དགེ་ལེགས་སྤྱོད་པ་ལེགས་པར་རིག་ནས་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་ལེགས་སོ། །ལྷ་དེ་ནས་གཞོན་ནུས་གསུངས་པ། ཁ་ལོ་སྒྱུར་བ་དེའི་
D1.004.0005b06.01ཕྱིར་ཤིང་རྟ་ཕྱིར་སྒྱུར་ཅིག་ཕོ་བྲང་ཉིད་དུ་འདོང་ངོ་། །འདི་ལྟར་ང་ཕོ་བྲང་དུ་ཕྱིན་ནས་དོན་འདི་བསམ་པར་བྱའོ། །བདག་གིས་དེ་ནས་ཤིང་རྟ་བསྒྱུར་ནས་གཞོན་ནུ་ཕོ་བྲང་དུ་ཞུགས་སོ། །རྒྱལ་པོས་བསམས་པ། མཚན་མཁན་དང་ལྟས་མཁན་གྱི་བྲམ་ཟེ་དེ་རྣམས་ཀྱི་ཚིག་ཡང་
D1.004.0005b07.01