完整藏文原文 · 德格版页 当前仅加载第 4 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་མཐུན་པར་གྱུར་པ་གང་ཡིན་པ་དེ་དག་ནི་འཁོར་བའི་འཇིགས་པ་ཆེན་པོ་ལས་རབ་ཏུ་ཐར་ཏེ། ལྷ་སྦྱིན་གྱི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི་ཚུལ་མ་ཡིན་པས་མ་རུངས་པར་གྱུར་ཏོ། །གཞན་ཡང་ངའི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་
D1.004.0247a01.01དེ་དག་ནི་བདེ་ལེགས་སུ་དོང་བར་གྱུར་ཅིང་། ལྷ་སྦྱིན་གྱི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི་ཚུལ་མ་ཡིན་པས་སྡུག་བསྔལ་དུ་གྱུར་པ་དེ་ཉོན་ཅིག །དགེ་སློང་དག་སྔོན་བྱུང་བ་ཕྱོགས་ཤིག་ན་སྤྲེའུའི་ཚོགས་ཀྱི་དཔོན་པོ་འཁོར་ལྔ་བརྒྱ་ལྔ་བརྒྱ་པ་གཉིས་ཤིག་གནས་སོ། །
D1.004.0247a02.01དེ་ན་ཅིག་ཤོས་ཚོགས་དང་ལྷན་ཅིག་ལྗོངས་སུ་དོང་སྟེ་རིམ་གྱིས་རི་འོར་ཞིག་ཏུ་ཕྱིན་པ་དང་། རི་འོར་དེ་ན་ཤིང་ཀིམ་པ་ཀ་ཞེས་བྱ་བ་འབྲས་བུས་ཡལ་ག་གཡུར་ཟ་བར་འདུག་ནས་སྤྲེའུ་རྣམས་ཀྱིས་ཚོགས་ཀྱི་དཔོན་པོ་ལ་སྨྲས་པ། ཚོགས་ཀྱི་དཔོན་པོ་ལྗོན་ཤིང་ལྷག་པར་འབྲས་བུ་ཆགས་
D1.004.0247a03.01པ་འབྲས་བུས་ཡལ་ག་གཡུར་ཟ་བ་ཞིག་མཆིས་ཀྱིས་འོ་སྐོལ་དུབ་པ་འབྲས་བུ་རྣམས་གསོལ་ལོ། །ཚོགས་ཀྱི་དཔོན་པོས་ཤིང་དེ་ལ་བརྟགས་ནས་ཚིགས་སུ་བཅད་དེ་སྨྲས་པ། གྲོང་གི་དྲུང་ན་འདུག་ཀྱང་ནི། །བྱིས་པས་འདི་ལ་མ་ཟོས་པས། །རྗེས་སུ་དཔགས་ན་ཤིང་འདི་ཡི། །
D1.004.0247a04.01འབྲས་བུ་བཟར་མི་རུང་བར་ཤེས། །ཞེས་སྨྲས་ནས་དོང་ངོ་། །ཚོགས་ཀྱི་དཔོན་པོ་ཅིག་ཤོས་ཀྱང་ཚོགས་དེ་ཉིད་ཀྱི་རྗེས་བཞིན་འབྲངས་ནས་རིམ་གྱིས་རི་འོར་དེར་ཕྱིན་པ་དང་། སྤྲེའུ་རྣམས་ཀྱིས་ཀིམ་པ་ཀའི་ལྗོན་ཤིང་དེ་མཐོང་ནས་དེ་རྣམས་ཀྱིས་ཚོགས་ཀྱི་དཔོན་པོ་ལ་སྨྲས་པ། ཚོགས་
D1.004.0247a05.01ཀྱི་དཔོན་པོ་ལྗོན་ཤིང་གི་འབྲས་བུ་མཆིས་ཀྱིས་འོ་སྐོལ་དུབ་པ་འབྲས་བུ་རྣམས་ལ་གསོལ་ལ་བདེ་བར་བཞུད་དོ། །དེས་སྨྲས་པ། ལེགས་ཀྱིས་དེ་བཞིན་དུ་གྱིས་ཤིག །དེ་རྣམས་ཀྱིས་ཟོས་པ་དང་ཐམས་ཅད་ཚུལ་མ་ཡིན་པས་སྡུག་བསྔལ་བར་གྱུར་ཏོ། །དགེ་སློང་དག་ཇི་སྙམ་དུ་
D1.004.0247a06.01སེམས། དེའི་ཚེ་དེའི་དུས་ཀྱི་ཚོགས་ཀྱི་དཔོན་པོ་དང་པོ་པ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་དཔོན་པོ་གཉིས་པ་ཤོས་གང་ཡིན་པ་དེ་ལྷ་སྦྱིན་འདི་ཉིད་ཡིན་ཏེ། དེ་ན་ཡང་ངའི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི་བདེ་ལེགས་སུ་དོང་ངོ་། །ལྷ་སྦྱིན་གྱི་
D1.004.0247a07.01