完整藏文原文 · 德格版页 当前仅加载第 4 函德格 293b 版页；藏文 NFD、目录标记与异常页序保留在来源切片中，重复版页行以稳定序号区分。
བོང་བུས་སྐད་ཕྱུང་བ་རྒྱལ་པོའི་མི་རྣམས་ཀྱིས་ཐོས་ནས་བཟུང་སྟེ། ཤེས་ལྡན་དག་བོང་བུ་འདིས་ནི་རྒྱལ་པོའི་མོན་སྲན་གྲེའུའི་ཞིང་འདི་ཐམས་ཅད་ཟོས་ཀྱིས་ཆད་པས་གཅད་པར་བྱའོ་ཞེས་དེ་རྣམས་ཀྱིས་རྣ་བ་བཅད་དེ་མགུལ་དུ་གཏུན་ཅིག་བཏགས་ནས་བཏང་
D1.004.0293b01.01ངོ་། །དེ་ཕན་ཚུན་འཁྱམ་པ་ཁྱུ་མཆོག་གིས་མཐོང་ནས་དེས་དེ་ལ་ཚིགས་སུ་བཅད་དེ་སྨྲས་པ། ལེགས་པར་གླུ་བླངས་གླུ་རབ་བླངས། །ཁྱོད་ཀྱིས་གླུ་ཡི་འབྲས་བུ་ཐོབ། །ཁྱོད་ཀྱི་གླུ་ཡིས་བདག་གི་ཡང་། །རྣ་བ་དེའུ་ནི་ཡལ་བར་གྱུར། །ཚིག་
D1.004.0293b02.01མི་སྲུང་བ་གང་ཡིན་པ། །དེ་ལ་འདི་འདྲ་འབྱུང་འགྱུར་གྱིས། །རྣ་རྡུམ་གཏུན་གྱིས་རྣམ་བརྒྱན་པ། །ད་ནི་འཁྱམ་པར་བྱེད་ལ་རག །དེས་ཀྱང་ཚིགས་སུ་བཅད་དེ་སླར་སྨྲས་པ། སོ་ཆག་ཁྱོད་ནི་ཁ་རོག་ཤིག །གླང་རྒན་ཁྱོད་ནི་ཁ་རོག་ཤིག །
D1.004.0293b03.01ལག་ན་དབྱུག་ཐོགས་མི་གསུམ་པོ། །ཁྱོད་ཉིད་ཀྱང་ནི་ཚོལ་བར་བྱེད། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཁྱུ་མཆོག་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་བོང་བུ་གང་
D1.004.0293b04.01ཡིན་པ་དེ་ནི་ལྷ་སྦྱིན་འདི་ཉིད་ཡིན་ཏེ། དེ་ན་ཡང་འདིས་ངའི་ཚིག་ཚིག་ཏུ་མ་བྱས་པས་ཚུལ་མ་ཡིན་པས་སྡུག་བསྔལ་བར་གྱུར་ཏོ། །ད་ལྟར་ཡང་འདིས་པའི་ཚིག་ཚིག་ཏུ་མ་བྱས་པས་འདི་ཚུལ་མ་ཡིན་པས་སྡུག་བསྔལ་བར་གྱུར་ཏོ། །གཞན་ཡང་ཇི་ལྟར་འདིས་
D1.004.0293b05.01ངའི་ཚིག་ཚིག་ཏུ་མ་བྱས་པས་ཚུལ་མ་ཡིན་པས་སྡུག་བསྔལ་བར་གྱུར་པ་དེ་ཉོན་ཅིག །དགེ་སློང་དག་སྔོན་བྱུང་བ་རི་འོར་ཞིག་ན་ཁྱིམ་བདག་ཅིག་གནས་པ་དེ་ལ་གླང་མཚན་དང་ལྡན་པ་ཞིག་ཡོད་ནས། དེས་དེ་དགེ་སྦྱོང་དང་། བྲམ་ཟེ་དང་། རང་
D1.004.0293b06.01གི་སྐྱེ་བོ་དང་། ཕོངས་པ་དང་། མགོན་མེད་པ་དང་། བཀྲེན་པ་དང་། ནད་པ་རྣམས་ཟན་བྱིན་ནས་ཅི་དགར་སྤྱོད་དུ་བཏང་ངོ་། །དེ་དུས་གཞན་ཞིག་ན་ཕན་ཚུན་དུ་རྒྱུ་རྒྱུ་བ་ལས་འདམ་དུ་སོང་ནས་ཁྱིམ་བདག་གིས་ཉི་མ་ནུབ་ཙམ་ན་ཐོས་ཏེ་
D1.004.0293b07.01