完整藏文原文 · 德格版页 当前仅加载第 4 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ན་བྱི་བ་ལྔ་བརྒྱའི་ཚོགས་ཡོད་པར་ཤེས་ནས། དེ་བྱི་བ་དེ་རྣམས་ཀྱི་ཁུང་བུ་དང་ཧ་ཅང་ཡང་མི་རིང་བ་ཞིག་ཏུ་ངན་གཡོའི་དཀའ་ཐུབ་ཀྱིས་དཀའ་ཐུབ་བྱེད་པ་ན། བྱི་བ་རྣམས་ཕན་ཚུན་འཁྱམས་པས་སྤྱོད་ལམ་ཞི་བས་གནས་པ་དེ་མཐོང་ནས། དེ་རྣམས་ཀྱིས་རྒྱང་རིང་
D1.004.0248a01.01བོར་འདུག་ནས་སྨྲས་པ། ཞང་པོ་ཅི་བྱེད། དེས་སྨྲས་པ། ཁོ་བོ་གཞོན་པའི་གནས་སྐབས་ན་བསོད་ནམས་མ་ཡིན་པ་མང་དུ་བྱས་པས་དེ་ཟད་པར་བྱ་བའི་ཕྱིར་དཀའ་ཐུབ་སྤྱོད་དོ། །དེ་རྣམས་ཀྱིས་འདིས་དམ་པ་མ་ཡིན་པའི་ཆོས་སྡིག་པ་སྤངས་སོ་ཞེས་དེ་ལ་ཆོས་ཀྱི་རྒྱུ་ལས་བྱུང་བའི་དད་པ་
D1.004.0248a02.01སྐྱེས་པར་གྱུར་ཏོ། །དེ་རྣམས་དེ་ལ་ཉི་མ་རེ་རེ་ཞིང་བསྐོར་བ་བྱས་ནས་ཁུང་དུ་འཇུག་པ་ན། དེས་དེ་རྣམས་ཀྱི་ནང་གི་ཐ་མ་བཟུང་ཞིང་བཟུང་ཞིང་ཟའོ། །ཇི་ཙམ་ན་ཚོགས་དེ་འགྲིབས་ནས་ཚོགས་ཀྱི་དཔོན་པོས་བསམས་པ། བདག་གི་བྱི་བ་རྣམས་ནི་ཉུང་བར་གྱུར་ལ་བྱི་ལ་འདི་ནི་ཉམ་སྐྱེས་
D1.004.0248a03.01པར་གྱུར་པས་འདི་ལ་ནི་རྒྱུ་ཞིག་ཡོད་པར་འགྱུར་རོ་སྙམ་ནས། དེས་བྱི་ལ་དེ་ལ་བརྟག་པར་བརྩམས་པ་དང་། ཇི་ཙམ་ན་རྟུག་པ་སྤུ་ཅན་དུ་མཐོང་ནས་དེས་བསམས་པ། གདོན་མི་ཟ་བར་འདིས་བྱི་བ་རྣམས་བསད་པར་གྱུར་གྱིས། མ་ལ་བདག་གིས་ནི་མངོན་སུམ་དུ་བབ་པར་བྱའོ་
D1.004.0248a04.01སྙམ་ནས། དེས་དེ་མི་མངོན་པའི་ས་ནས་བརྟག་པ་ལྷུར་ལེན་ཅིང་གནས་པ་ན། ཇི་ཙམ་ན་དེས་དེ་ཐ་མའི་བྱི་བ་ཟ་བ་མཐོང་ནས་དེ་དེ་ལོགས་སུ་སོང་སྟེ་རྒྱང་རིང་པོར་འདུག་ནས་ཚིགས་སུ་བཅད་དེ་སྨྲས་པ། ཞང་པོའི་ཡན་ལག་རྒྱས་གྱུར་ཅིང་། །བདག་གི་ཚོགས་ནི་འགྲིབས་
D1.004.0248a05.01གྱུར་ལ། །འབྲས་བུ་རྩ་བ་ཟ་བ་ཡི། །རྟུག་པ་སྤུ་ཅན་མི་འབྱུང་བས། །དཀའ་ཐུབ་འདི་ཆོས་དཀའ་ཐུབ་མིན། །དཀའ་ཐུབ་འདི་ནི་དོན་ཕྱིར་ཏེ། །བྱི་བ་རྣམས་ནི་འགྲིབས་གྱུར་པས། །མེ་སྐྱེས་ཁྱོད་ནི་བཀྲ་ཤིས་ཤོག །དགེ་སློང་དག་ཇི་སྙམ་དུ་སེམས། དེའི་ཚེ་དེའི་
D1.004.0248a06.01དུས་ཀྱི་བྱི་ལ་མེ་སྐྱེས་ཞེས་བྱ་བ་གང་ཡིན་པ་དེ་ནི་དེའི་ཚེ་དེའི་དུས་ན་ལྷ་སྦྱིན་ཡིན་ཏེ། དེ་ན་ཡང་འདིས་ཆོས་ལྟ་བུའི་སྒོ་ནས་བྱི་བ་རྣམས་ཟོས་སོ། །ད་ལྟར་ཡང་འདིས་ཆོས་ལྟ་བུའི་སྒོ་ནས་འཇིག་རྟེན་བསླུས་སོ། །དགེ་སློང་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ་སངས་
D1.004.0248a07.01