完整藏文原文 · 德格版页 当前仅加载第 4 函德格 174a 版页；藏文 NFD、目录标记与异常页序保留在来源切片中，重复版页行以稳定序号区分。
པ་གཞན་དང་ལྷན་ཅིག་ཆུད་གསོན་པར་བྱེད་པར་འགྱུར་བའི་གནས་གང་ཡིན་པ་དེ་ཡོད་ཀྱིས་མ་ལ་བདག་གིས་འདི་ལ་ཀཱར་ཥཱ་པ་ཎ་ཉུང་ཞིག་བྱིན་ལ་འགྲོའོ་སྙམ་ནས། དེས་དེ་ལ་ཀཱར་ཥཱ་པ་ཎ་ཉུང་ཞིག་བྱིན་ནས་ལྷག་མ་རྣམས་གསེར་གྱི་བུམ་པའི་ནང་དུ་བླུགས་ཏེ། དེའི་
D1.004.0174a01.01མགྲིན་པ་མུ་ཏིག་གི་ཕྲེང་བས་བཅིངས་ནས་དུར་ཁྲོད་ཀྱི་ཤིང་རྟ་རྣ་ཞེས་བྱ་བའི་དྲུང་དུ་སྦས་ནས་ཟོང་ཐོགས་ཏེ་ཡུལ་གྱི་མཐར་སོང་ངོ་། །དེ་དེ་ན་རྙེད་པ་མང་པོ་དང་ལྡན་པས་དེས་དེ་ཉིད་དུ་བུད་མེད་གཅིག་བླངས་ཏེ་འདུག་ནས་དེ་ལ་བུ་ཡང་མང་དུ་བཙས་སོ། །ད་ནས་ཆུང་མ་སྔ་མ་དེས་གདུ་བུ་
D1.004.0174a02.01ཅན་དང་ཁྱེའུ་གཉིས་ལག་ལས་དང་གཉེན་གྱི་མཐུས་གསོས་བསྐྱེད་དོ། །དེ་གཉིས་ཀྱིས་སྨྲས་པ། བདག་ཅག་གི་ཕ་གར་མཆིས། དེས་སྨྲས་པ། བུ་ཡུལ་ཆེ་གེ་མོ་ཞེས་བྱ་བའི་གྲོང་ག་གེ་མོ་ཞེས་བྱ་བ་དེ་ན་དེ་ནོར་ཆེན་པོ་དང་ལྡན་ཞིང་འདུག་གོ་ཞེས་ཐོས་ཀྱིས་སོང་དང་གལ་ཏེ་
D1.004.0174a03.01ཅུང་ཟད་བྱིན་ན་ཁྱེད་ཀྱི་འཚོ་བའི་རྐྱེན་དུ་འགྱུར་རོ།། །།འདུལ་བ་གཞི། བམ་པོ་དགུ་བཅུ་རྩ་བརྒྱད་པ། དེ་ཕ་ཚོལ་ཞིང་རིམ་གྱིས་དེའི་དྲུང་དུ་ཕྱིན་ནས་དེ་སྲང་ན་འཁྱམ་པ་ན་ཕས་བཞིན་རས་ལས་ངོ་ཤེས་ནས་བོས་ཏེ་སྨྲས་པ། ཁྱོད་གང་ནས་འོངས། གང་དུ་འགྲོ་
D1.004.0174a04.01འདོད། དེས་རྒྱས་པར་སྨྲས་པ་དང་དེས་བསམས་པ། བདག་གི་བུ་དེ་ནི་འདི་ཁོ་ན་ཡིན་ནོ་ཞེས་དེས་དེ་བཟུང་སྟེ། བུ་ཁྱོད་སུ་ལ་ཡང་འདི་བདག་གི་ཕ་ཡིན་ནོ་ཞེས་མ་སྨྲ་ཤིག་ཅེས་སྨྲས་ནས་དེ་དེ་ལ་ཤིན་ཏུ་སྡུག་པར་བྱེད་དོ། །དེ་ནས་བུ་གཞན་རྣམས་ཀྱིས་སྨྲས་པ། ཡབ་ཁྱེའུ་འདི་
D1.004.0174a05.01སུའི་ལགས། དེས་སྨྲས་པ། འདི་ངའི་གྲོགས་པོ་ཞིག་གི་བུ་ཡིན་ནོ། །དེ་རྣམས་ཀྱིས་བསམས་པ། ཇི་ལྟར་འདི་ལ་ཤིན་ཏུ་སྡུག་པར་བྱེད་པ་ལས་ན་གདོན་མི་ཟ་བར་འདི་ཉིད་ཀྱི་བུ་ཡིན་ནོ་སྙམ་ནས་དེ་རྣམས་ཀྱིས་ཕན་ཚུན་གྲོས་བྱ་བར་བརྩམས་པ། འདི་ནི་མས་དབྱེན་གྱི་སྤུན་
D1.004.0174a06.01ཡིན་ནོ་སྙམ་མོ། །དེས་བསམས་པ། ཤ་འཁོན་རྣམས་ཀྱི་ནང་ན་ནི་འདི་ལྟ་སྟེ། ཆེན་ཆུན་ནི་ཐ་ཆད་ཡིན་པས་འདི་བསད་པར་འགྱུར་པའི་གནས་གང་ཡིན་པ་འདི་ཉིད་ཡོད་ཀྱིས་གཏང་ངོ་། །གལ་ཏེ་ཅུང་ཟད་བརྫངས་ན་ནོར་ལ་སོགས་པའི་ཕྱིར་ལམ་ཀར་བསད་པར་འགྱུར་གྱིས། །མ་
D1.004.0174a07.01