完整藏文原文 · 德格版页 当前仅加载第 4 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱེད་པ་ལས་དུས་གཞན་ཞིག་ན་ཆུང་མ་སེམས་ཅན་དང་ལྡན་པར་གྱུར་ཏོ། །དེ་ཟླ་བ་བརྒྱད་དམ་དགུ་ལོན་པ་ན་བུ་མོ་ཞིག་བཙས་ཏེ་བཙས་ནས་ཞག་བདུན་གསུམ་ཉི་ཤུ་གཅིག་ཏུ་དེའི་བཙས་པའི་བཙས་སྟོན་རྒྱ་ཆེར་བྱས་ནས་རིགས་དང་མཐུན་པའི་མིང་བཏགས་ཏེ་དེ་བསྐྱེད་
D1.004.0257b01.01བསྲིངས་ནས་ཆེན་མོར་གྱུར་ཏོ། །འཕོང་གི་སློབ་དཔོན་གྱིས་བསམས་པ། བུ་མོ་འདི་ནི་བདག་གིས་གཟུགས་དང་ལྡན་པའམ། ཚུལ་ཁྲིམས་དང་ལྡན་པའམ། ནོར་ཅན་སུ་ལ་ཡང་སྦྱིན་པར་མི་བྱ་སྟེ། འོན་ཀྱང་བདག་ལས་གནས་ལྔ་བསླབས་ཏེ་བྱང་བར་གྱུར་པ་གང་ཡིན་པ་
D1.004.0257b02.01དེ་ལ་བདག་གིས་འདི་སྦྱིན་ནོ་སྙམ་མོ། །དེ་ལས་བྲམ་ཟེའི་ཁྱེའུ་གཉིས་ཤིག་འཕོང་བསླབས་པ་ལས། དེ་ན་གཅིག་ནི་གནས་ལྔ་ལ་བྱང་བར་གྱུར་ཏོ། །ཅིག་ཤོས་ཀྱིས་ནི་གཅོད་པ་ལ་བྱང་བར་གྱུར་ཏོ། །དེ་གཉིས་ལས་གནས་ལྔ་ལ་བྱང་བར་གྱུར་པ་གང་ཡིན་པ་དེ་ལ་དེས་བུ་མོ་
D1.004.0257b03.01བྱིན་པ་དང་ཅིག་ཤོས་པོ་དེ་མི་བཟོད་པ་སྐྱེས་ནས་ཆོམ་རྐུན་པ་རྣམས་ཀྱི་ནང་དུ་ཞུགས་ཏེ། ཆོམ་རྐུན་ལྔ་བརྒྱའི་སྡེ་དཔོན་དུ་གྱུར་ནས་དེ་ཕྱོགས་གཅིག་ན་ལམ་བཅད་ནས་འཁོད་དོ། །སྔ་མ་པོ་དེས་བུ་མོ་དེ་བག་མར་བླངས་ནས་མདའ་ལྔ་བརྒྱ་ཤོང་བའི་དོང་པ་གཉིས་ཐོགས་ཏེ་ཤིང་
D1.004.0257b04.01རྟར་ཞུགས་ནས་རང་གི་ཁྱིམ་དུ་དོང་ངོ་། །ཇི་ཙམ་ན་ཚོང་པ་ཆོམ་རྐུན་གྱིས་འཇིགས་པ་མདུན་དུ་དོང་བ་སྡོད་པ་དང་དེས་སྨྲས་པ། ཤེས་ལྡན་དག་དེང་ཤིག་ཅི་སྡོད། དེ་རྣམས་ཀྱིས་སྨྲས་པ། ཆོམ་རྐུན་པ་རྣམས་ཀྱིས་ལམ་བཅད་དོ། །དེས་སྨྲས་པ། ཚུར་ཅི་ཞིག་བྱར་
D1.004.0257b05.01ཡོད་ཅེས་དེ་ཆས་པ་དང་ཚོང་པ་རྣམས་ཀྱིས་སྨྲས་པ། ཤེས་ལྡན་དག་རེ་ཞིག་སྡོད་ཅིག །འདི་ནི་འགྲོ་ལ་རག་སྟེ་འདི་བདག་ཉིད་འཆི་བ་དང་། ཆུང་མ་ཕྲོགས་པར་གྱུར་པའི་གནས་གང་ཡིན་པ་དེ་ཡོད་དོ། །རྐུན་པོ་རྣམས་ཤིང་ལྗོན་པ་ཞིག་ལ་འཛེགས་ནས་ཕྱོགས་སུ་ལྟ་
D1.004.0257b06.01བར་བྱེད་ཅིང་འདུག་པ་དང་། དེ་རྣམས་ཀྱིས་དེ་ཤིང་རྟར་ཞུགས་པ་མཐོང་ནས་དེ་རྣམས་ཀྱིས་སྨྲས་པ། ཤེས་ལྡན་དག་མི་ཞིག་ཤིང་རྟར་ཞུགས་ནས་སོང་ངོ་། ཆོམ་རྐུན་པའི་སྡེ་དཔོན་གྱིས་དེ་ལ་ཕོ་ཉ་ཞིག་བཏང་སྟེ་ཤིང་རྟ་སླར་བཟློག་པ་དང་། དེས་སྨྲས་པ། ཤེས་
D1.004.0257b07.01