完整藏文原文 · 德格版页 当前仅加载第 4 函德格 174b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བདག་གིས་འདི་ལ་བརྗེད་བྱང་ཅིག་བྱིན་ཏེ་གཏང་ངོ་སྙམ་དུ་བསམས་ནས་བྲིས་པ། གྲོང་ཁྱེར་གྱི་ནི་གྲོང་རྡལ་རྟ་རྣའི་དྲུང་། །ས་ཡི་ཤར་དུ་དཔག་ཚད་ཀྱིས་བཅད་པར། །མཁས་པས་བག་ཡོད་པར་ནི་བརྐོ་བྱས་ན། །བདག་གི་ནོར་གྱི་སྐལ་བ་འཐོབ་འགྱུར་གྱིས། །མགུལ་ཆིངས་གང་
D1.004.0174b01.01ཡིན་དེ་ནི་གདུབ་ཅན་བྱིན། །དེས་བརྗེད་བྱང་དེ་ཁྱེར་ཏེ་སོང་བ་དང་ལམ་ཀར་མས་དབྱེན་གྱི་སྤུན་རྣམས་ཀྱིས་བཟུང་ནས་སྨྲས་པ། ཁྱོད་ཀྱིས་ཡབ་ལས་ཅི་ཐོབ། དེས་སྨྲས་པ། འདི་ནི་བརྗེད་བྱང་ཡིན་ཏེ་ཅི་ཡང་མེད་དོ། །དེ་རྣམས་ཀྱིས་བསམས་པ། ཕས་འདི་བྲིད་ནས་བཏང་ངོ་
D1.004.0174b02.01ཞེས་དེ་རྣམས་ཀྱིས་དེ་བཏང་ངོ་། །རིམ་གྱིས་རང་གི་ཁྱིམ་དུ་ཕྱིན་ནས་ལམ་གྱིས་དུབ་པ་ངལ་སོས་པ་དང་མས་སྨྲས་པ། ཁྱོད་ཀྱིས་ཕ་ལས་{ཆུང་ཟད་,ཅུང་ཟད་}ཅི་ཐོབ། དེས་སྨྲས་པ། འདི་ནི་བརྗེད་བྱང་ཡིན་ཏེ་ཅི་ཡང་མེད་དོ། །དེས་སྨྲས་པ། བུ་ཁྱོད་དེས་བསླུས་ཏེ་ལམ་གྱི་ཚེགས་ཕྱུང་
D1.004.0174b03.01བར་ཟད་ཀྱི་{ཆུང་ཟད་,ཅུང་ཟད་}ཀྱང་མ་རྙེད་དོ། །དེས་སྨྲས་པ། ཡུམ་བདག་ཉིད་ཆེན་པོ་དེ་བདག་ལ་མི་འདྲིད་དོ་ཞེས་བྱས་ནས་དེས་བརྗེད་བྱང་དེ་དཔྱད་པར་བརྩམས་ཏེ། གྲོང་ཁྱེར་ཞེས་བྱ་བ་ནི་གང་དུ་བཙས་པ་དེ་ནི་གྲོང་ཁྱེར་དུ་འདོད་དོ། །གྲོང་རྡལ་ཞེས་བྱ་བ་ནི་གང་དུ་རོ་བསྲེགས་པའོ། །རྟ་
D1.004.0174b04.01རྣའི་དྲུང་ཞེས་བྱ་བ་ལ་རྟ་ཞེས་བྱ་བ་ན་རྟ་རྣམས་ཏེ་དེའི་རྣ་བ་ཞེས་བྱ་བའི་ཤིང་ནི་རྟ་རྣ་སྟེ། དེའི་དྲུང་ན་ཞེས་སྨྲས་པ་ཡིན་ནོ། །སའི་ཤར་དུ་ཞེས་བྱ་བ་ནི་ཤར་ཕྱོགས་སུའོ། །དཔག་ཚད་ཀྱིས་བཅད་པར་ཞེས་བྱ་བ་ནི་གཉའ་ཤིང་གང་ཙམ་གྱིས་བཅད་པར་རོ། །དེས་དེ་ལྟར་ཚིགས་
D1.004.0174b05.01བཅད་ཀྱི་དོན་དཔྱད་ནས་མུན་ཚབ་ཚུབ་ཙམ་ན་དུར་ཁྲོད་དུ་སོང་སྟེ་དེའི་ཉེ་འཁོར་དུ་དེས་བལྟས་ན་ཤིང་རྟ་རྣ་ཞིག་ཡོད་པ་དེའི་ཤར་གྱི་ངོས་སུ་གཉའ་ཤིང་གང་གཅལ་ཏེ་བརྐོས་པ་དང་། ཅི་ཙམ་ན་གསེར་གྱི་བུམ་པ་མགུལ་མུ་ཏིག་གི་ཕྲེང་བས་བཅིངས་པ་ཞིག་མཐོང་ནས། དེ་མགུ་བས་དེ་
D1.004.0174b06.01བླངས་ནས་ཁྱིམ་དུ་སོང་སྟེ་མུ་ཏིག་གི་ཕྲེང་བ་ནི་བཀྲོལ་ཏེ་གདུ་བུ་ཅན་ལ་བྱིན་ནོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཁྱིམ་བདག་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་དེའི་བུ་གང་ཡིན་པ་དེ་ནི་འཚོ་བྱེད་འདི་ཉིད་ཡིན་ཏེ། དེ་ན་ཡང་འདིས་ངའི་བསམས་ཏེ་
D1.004.0174b07.01