完整藏文原文 · 德格版页 当前仅加载第 4 函德格 248b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱི་གཟིགས་པའི་རྗེས་སུ་མཐུན་པར་གྱུར་པ་གང་ལགས་པ་དེ་དག་བདེ་བ་དང་ལེགས་པར་འཁོར་བའི་འབྲོག་དགོན་པ་ལས་རྒལ་ཅིང་། ལྷ་སྦྱིན་གྱི་ལྟ་བའི་རྗེས་སུ་མཐུན་པར་གྱུར་པ་གང་ལགས་པ་དེ་དག་ནི་ཚུལ་མ་
D1.004.0248b01.01ལགས་པར་སྡུག་བསྔལ་བར་གྱུར་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་ཀྱི་ཇི་ལྟར་འདས་པའི་དུས་ན་ཡང་ངའི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི་བདེ་བ་དང་ལེགས་པར་འབྲོག་དགོན་པ་
D1.004.0248b02.01ནས་ཐར་ལ། ལྷ་སྦྱིན་གྱི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི་ཚུལ་མ་ཡིན་པས་སྡུག་བསྔལ་བར་གྱུར་པ་གང་ཡིན་པ་དེ་ཉོན་ཅིག །དགེ་སློང་དག་སྔོན་བྱུང་བ་ཚོང་དཔོན་གཉིས་ཤིག་ཤིང་རྟ་ལྔ་བརྒྱ་ལྔ་བརྒྱ་དང་ལྷན་ཅིག་ཚོང་སྒྱུར་ཞིང་དགོན་པའི་ལམ་ཞིག་ཏུ་ཞུགས་ཏེ།
D1.004.0248b03.01དེ་གཉིས་དགོན་པའི་ལམ་དུ་ཞུགས་ནས་གླང་རྣམས་རེས་འགའ་ནི་རྩྭ་ཉུང་། རེས་འགའ་ནི་ཆུ་ཉུང་། རེས་འགའ་ནི་མེད་དོ། །དེ་ནས་ཚོང་པ་དེ་གླང་རྣམས་དང་བཅས་ཏེ་ལྷག་པར་དུབ་པར་སྡུག་བསྔལ་གྱིས་དགོན་པའི་ལམ་དུ་ཞུགས་པ་ལས་ཕྱོགས་ཤིག་ན་གསིང་མ་དང་ཆུ་ཕུན་
D1.004.0248b04.01སུམ་ཚོགས་པ་མཐོང་ནས་ཚོང་པ་རྣམས་ཀྱིས་དེར་གླང་རྣམས་གཏང་རང་རང་ཁྲུས་བྱས་ནས་ཆུ་མང་དུ་འཐུངས་སོ། །དེ་ནས་གླང་ཆུ་ཉུངས་པ་དང་། རྩྭ་ཉུངས་པས་ཡོངས་སུ་དུབ་པ་དེ་རྣམས་ཀྱིས་རྩྭ་འགྲངས་པར་ཟོས་ཆུ་འཐུངས་ཏེ་ངལ་སོས་པ་དང་། དེ་རྣམས་ཀྱི་ནང་ན་གླང་གཙོ་
D1.004.0248b05.01བོ་གང་ཡིན་པ་དེས་དེ་རྣམས་ལ་ཤེས་པར་བྱས་པ། ཤེས་ལྡན་དག་བདག་ཅག་རྩྭ་ཉུང་ངུ་དང་། ཆུ་ཉུང་ངུས་ཡོངས་སུ་དུབ་པ་ལས་ཕྱོགས་འདི་ནི་གསིང་མ་དང་། ཆུ་ཕུན་སུམ་ཚོགས་པ་ཡིན་གྱིས། གལ་ཏེ་ཁྱེད་ཅག་འདོད་ན་འདི་ཉིད་དུ་འཐེན་ཏེ་འདུག་པར་བྱའོ། །གླང་
D1.004.0248b06.01གཙོ་བོ་ཅིག་ཤོས་ཀྱིས་རང་གི་ཚོགས་རྣམས་ལ་སྨྲས་པ། ཤེས་ལྡན་དག་མི་རྣམས་ནི་མཐུ་དང་ལྡན་ཞིང་གདུལ་དཀའ་བ་འདུལ་བར་བྱེད་པ་ཡིན་གྱིས་གནོད་པ་འཐོབ་པར་འགྱུར་དུ་འོང་བས་བདག་ཅག་ཁལ་ཇི་ལྟར་བཀལ་བ་དེ་བཞིན་དུ་ཁྱེར་ཅིག །དེ་སྐད་ཅེས་སྨྲས་པ་དང་། གླང་
D1.004.0248b07.01