完整藏文原文 · 德格版页 当前仅加载第 4 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱིན་གྱིས་བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་ཕྱེ་བར་མཐོང་ནས་དེ་གཉིས་འདི་སྙམ་དུ་སེམས་ཏེ། སོང་ལ་བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་དང་སླར་སྡུམས་བྱའོ་སྙམ་མོ། །དེ་ནས་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་ཆེན་པོ་གཉིས་ཀྱིས་དབྱར་གྱི་
D1.004.0251b01.01ཟླ་བ་གསུམ་པོ་དག་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ནས་ཆོས་གོས་དང་ལྷུང་བཟེད་ཐོགས་ཏེ། རྒྱལ་པོའི་ཁབ་གང་ན་བ་དེར་རྒྱུ་ཞིང་དོང་ནས་རིམ་གྱིས་རྒྱུ་ཞིང་དོང་བ་དང་རྒྱལ་པོའི་ཁབ་ཏུ་ཕྱིན་ཏོ། །དེ་ནས་ཚེ་དང་ལྡན་པ་ཤཱ་རིའི་བུ་དང་། མཽད་གལ་
D1.004.0251b02.01གྱི་བུས་ཆོས་གོས་དང་ལྷུང་བཟེད་མཁོས་སུ་ཕབ་ནས་རྐང་པ་གཉིས་བཀྲུས་ཏེ་བཅོམ་ལྡན་འདས་གང་ན་བ་དེར་དོང་ངོ་། །དེའི་ཚེ་ཚེ་དང་ལྡན་པ་སྒྲ་ཅན་ཟིན་སྒོ་ན་འདུག་གོ། །དེ་ནས་ཚེ་དང་ལྡན་པ་སྒྲ་ཅན་ཟིན་གྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །མཁན་པོ་ལྷ་སྦྱིན་
D1.004.0251b03.01གྱིས་བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་ཕྱེའོ། །དེས་སྨྲས་པ། ཚེ་དང་ལྡན་པ་བདག་ཅག་དོན་འདི་ཁོ་ནའི་ཕྱིར་འོངས་ཀྱིས། ཁྱོད་སེམས་ལས་ཆུང་ངུར་མཛོད་ཅིག །སླར་སྡུམས་བྱའོ་ཞེས་སྨྲས་ནས། བཅོམ་ལྡན་འདས་ཀྱི་སྤྱན་སྔར་དོང་སྟེ་ལྷགས་ནས་བཅོམ་ལྡན་
D1.004.0251b04.01འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུས་འདི་སྐད་ཅེས་གསོལ་ཏོ། །བཙུན་པ་བདག་ཅག་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་
D1.004.0251b05.01བྱེ་བ་སླར་སྡུམས་བགྱིད་དུ་མཆིའོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་དང་མཽད་གལ་གྱི་བུ་དག་ལེགས་སོ་ལེགས་སོ། །གང་ཞིག་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་བྱེ་བ་སླར་སྡུམས་བྱེད་པ་དེ་ནི་བསོད་ནམས་མང་པོ་ཚད་མེད་ཅིང་གྲངས་མེད་པ་
D1.004.0251b06.01སྐྱེད་པར་འགྱུར་རོ། །དཔེར་ན་འགའ་ཞིག་གི་སྐྲ་དུམ་བུ་བརྒྱར་གཏུབས་པ་འཕྲོ་དང་འཕྲོར་སྦྱོར་བར་བྱེད་པ་དེ་བཞིན་དུ་གང་ཞིག །དེ་བཞིན་གཤེགས་པའི་ཉན་ཐོས་ཀྱི་དགེ་འདུན་བྱེ་བ་སླར་སྡུམས་བྱེད་ན་དེ་ནི་བསོད་ནམས་མང་པོ་ཚད་མེད་ཅིང་གྲངས་མེད་པ་སྐྱེད་པར་འགྱུར་རོ། །ཤཱ་
D1.004.0251b07.01