完整藏文原文 · 德格版页 当前仅加载第 4 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་སྨྲས་པ། ཤེས་ལྡན་དག་བག་ཚ་བ་བོར་ལ་ཁོ་བོའི་རྒྱབ་ཏུ་ཞོན་ཅིག་དང་ཁོ་བོས་བསྒྲལ་བར་བྱའོ། །དེ་ནས་ཚོང་པ་དེ་རྣམས་ཤི་བ་ལས་སོས་པ་བཞིན་དུ་ཐམས་ཅད་རུས་སྦལ་གྱི་རྒྱབ་ཏུ་ཞོན་ཏེ། དེས་དེ་རྣམས་ཁྱེར་ནས་རྒྱ་མཚོའི་འགྲམ་དུ་ཕྱོགས་ཏེ་ཆས་པ་
D1.004.0121a01.01ན་ཁུར་གྱིས་ཤིན་ཏུ་བཙིར་ཀྱང་བརྩོན་འགྲུས་ལ་གནས་ཤིང་སྙོམ་པ་མ་བསྐྱེད་དེ། དེ་ལུས་དུབ་པས་དེ་རྣམས་ལེགས་པར་བསྒྲལ་ཏེ་མགྲིན་པ་བརྐྱང་ནས་གཉིད་ལོག་གོ། །དེ་དང་ཧ་ཅང་ཡང་མི་རིང་བ་ཞིག་ན་སྲིན་བུ་ཀི་ཏ་ཀ་རྣམས་ཀྱི་ཚང་ཡོད་པས་དེ་ནས་ཀི་ཏ་ཀ་གཅིག་རྒྱུ་ཞིང་སོང་
D1.004.0121a02.01བ་ན་དྲི་ཚོར་ཏེ་དེའི་དྲུང་དུ་སོང་བ་དང་། དེ་ནས་ལུས་ཆེན་པོ་དེ་གཉིད་ལོག་པར་མཐོང་ནས་རིངས་པའི་འགྲོས་ཀྱིས་སྲིན་བུ་ཀི་ཏ་ཀའི་ཚང་དུ་སོན་ཏེ། རང་རང་གི་བརྡས་ཀི་ཏ་ཀ་རྣམས་ལ་གོ་བར་བྱས་ནས་སྲིན་བུ་ཀི་ཏ་ཀ་བརྒྱད་ཁྲི་དེད་དེ་རུས་སྦལ་གྱི་དྲུང་དུ་དོང་ངོ་། །དེ་ནས་དེ་གཉིད་
D1.004.0121a03.01ལོག་སྟེ་ཤི་བ་བཞིན་དུ་སེམས་མེད་པ་ལ་བཟའ་བར་བརྩམས་ཏེ། གང་གི་ཚེ་དེའི་ཤ་ཆེན་པོ་རྣམས་ལས་ཟོས་ནས་ངལ་བས་དུབ་སྟེ་གཉིད་སྟུག་པོས་ནོན་པས་མ་ཚོར་རོ། །ཇི་ཙམ་གནད་རྣམས་ཀྱི་ཤ་རྣམས་ཟ་བ་དེའི་ཚེ་སད་ན་སྲིན་བུ་ཀི་ཏ་ཀ་ཐམས་ཅད་ཀྱིས་ལུས་ཡོག་པར་མཐོང་
D1.004.0121a04.01ནས་དེས་བསམས་པ། གལ་ཏེ་ལུས་བསྒུལ་ལམ་བསྒྱུར་ན་གདོན་མི་ཟ་བར་འདི་རྣམས་འཆི་བར་འགྱུར་ཏེ། སྲོག་ཆགས་གཞན་ལ་གནོད་པར་བྱེད་པ་བས་ནི་སྲོག་དང་བྲལ་ཡང་བླའོ་སྙམ་དུ་བསམས་ནས། གནད་རྣམས་སུ་ཕུག་ཅིང་ཚིགས་རྣམས་ཕྲལ་བ་ན་སྨོན་ལམ་གདབ་
D1.004.0121a05.01པར་བརྩམས་པ། ཇི་ལྟར་སྲིན་བུ་ཀི་ཏ་ཀ་བརྒྱད་ཁྲི་པོ་འདི་རྣམས་ལ་ཤ་དང་ཁྲག་གིས་ཚིམ་པར་བྱས་པ་དེ་བཞིན་དུ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ན་ཡང་དེ་རྣམས་ཆོས་ཀྱི་རོས་ཚིམ་པར་བྱེད་པར་
D1.004.0121a06.01གྱུར་ཅིག་ཅེས་བཏབ་བོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་རུས་སྦལ་གྱི་གཙོ་བོ་གང་ཡིན་པ་དེ་ནི་ང་ཉིད་ཡིན་ནོ། །སྲིན་བུ་ཀི་ཏ་ཀ་དེ་རྣམས་ལ་ལམ་སྟོན་པ་གང་ཡིན་པ་དེ་ནི་དགེ་སློང་ཀཽཎྜི་ནྱ་འདི་ཉིད་ཡིན་ནོ། །དེ་ལ་བརྟེན་ནས་ཤ་དང་ཁྲག་གིས་ཚིམ་
D1.004.0121a07.01