完整藏文原文 · 德格版页 当前仅加载第 4 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་གཙུག་ལག་ཁང་མ་རྩིག་ཤིག །ཅིའི་ཕྱིར་ཁོ་བོ་ཅག་གིས་གྲོང་ཁྱེར་བགོས་ཏེ་དགེ་སྦྱོང་གཽ་ཏ་མའི་རྒྱལ་པོའི་ཁབ་ཡིན་ནོ། །ཁོ་བོ་ཅག་གི་ནི་མཉན་ཡོད་ཡིན་ནོ། །དེས་སྨྲས་པ། ཁྱེད་ཅག་གིས་གྲོང་ཁྱེར་རྣམས་བགོས་ཀྱི། བདག་གི་ནོར་མ་བགོས་པས་གང་
D1.004.0084a01.01ལ་མངོན་པར་དགའ་བ་དེའི་ཆོས་ཀྱི་ཕུང་པོ་བརྩིག་གོ། །དེ་རྣམས་རྒྱལ་པོའི་དྲུང་དུ་དོང་བ་དང་། དེར་ཡང་ཁྱིམ་བདག་མགོན་མེད་ཟས་སྦྱིན་གྱིས་ཕམ་པར་བྱས་པ་དང་། མུ་སྟེགས་སྤྱི་བརྟོལ་ཅན་མུ་ཅོར་སྨྲ་བ་རྣམས་ཀྱིས་སྨྲས་པ། ཁྱིམ་བདག་ཁྱོད་དགའ་མགུར་བྱེད་དུ་མི་
D1.004.0084a02.01གཞུག་སྟེ། དགེ་སྦྱོང་གཽ་ཏ་མའི་ཉན་ཐོས་ཀྱི་མཆོག་ཅིག་འོངས་ནས། གལ་ཏེ་དེའི་ཤགས་ཀྱིས་ཁོ་བོ་ཅག་ཕམ་པར་གྱུར་ན་གཙུག་ལག་ཁང་རྩིགས་ཤིག །དེས་སྨྲས་པ། རུང་གིས་རེ་ཞིག་འཕགས་པ་ཤཱ་རིའི་བུ་ལ་བརྟག་གོ། །དེ་ནས་ཁྱིམ་བདག་མགོན་མེད་ཟས་སྦྱིན་ཚེ་
D1.004.0084a03.01དང་ལྡན་པ་ཤཱ་རིའི་བུ་གང་ན་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཤཱ་རིའི་བུའི་རྐང་པ་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཁྱིམ་བདག་མགོན་མེད་ཟས་སྦྱིན་གྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །བཙུན་
D1.004.0084a04.01པ་ཤཱ་རིའི་བུ་མུ་སྟེགས་ཅན་རྣམས་འདི་སྐད་ཅེས་ཁྱིམ་བདག་ཁྱོད་དགའ་མགུར་བྱེད་དུ་མི་གཞུག་སྟེ། དགེ་སྦྱོང་གཽ་ཏ་མའི་ཉན་ཐོས་ཀྱི་མཆོག་འོངས་ནས། གལ་ཏེ་དེའི་ཤགས་ཀྱིས་ཁོ་བོ་ཅག་ཕམ་པར་གྱུར་ན་གཙུག་ལག་ཁང་རྩིགས་ཤིག་ཅེས་མཆི་ན། དེ་ལ་ཇི་ལྟར་བསྒྲུབ་
D1.004.0084a05.01པར་བགྱི། ཚེ་དང་ལྡན་པ་ཤཱ་རིའི་བུས་བསམས་པ། ཇི་འདི་རྣམས་ལ་དགེ་བའི་རྩ་བ་{ཆུང་ཟད་,ཅུང་ཟད་}ཡོད་དམ་འོན་ཏེ་མེད་ཅེས་བསམས་པ་ལས་ཡོད་པར་མཐོང་ངོ་། །སུ་ཞིག་ལ་རག་ལས་པར་འགྱུར་སྙམ་ན་བདག་ཁོ་ན་ལའོ། །ཡང་བསམས་པ་ཇི་འདི་སྙེད་ཅིག་ཁོ་ན་བདག་ལ་རག་
D1.004.0084a06.01ལས་པའི་ཚིག་གིས་འདུལ་བར་འགྱུར་རམ། འོན་ཏེ་གཞན་ཡང་ཚིག་གིས་འདུལ་བ་ཡོད་སྙམ་པ་ལས་ཡོད་པར་མཐོང་ངོ་། །དུས་ཇི་སྲིད་ཀྱིས་ཚོགས་པར་འགྱུར་སྙམ་ན་ཞག་བདུན་ལོན་ནས་སོ། །བསམས་ནས་སྨྲས་པ། ཁྱིམ་བདག་དེ་བཞིན་དུ་བྱ་སྟེ། འོན་ཀྱང་ཞག་
D1.004.0084a07.01