完整藏文原文 · 德格版页 当前仅加载第 4 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཏུ་གནག་པ་ཡིན་ལ་ཞེས་བྱ་བ་ནས་ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ་ཞེས་བྱ་བའི་བར་གོང་མ་བཞིན་དུའོ། །གང་གི་ཉི་མ་ལ་བྱང་ཆུབ་སེམས་དཔའ་ཕྱིར་བྱུང་བ་དེ་ཉིད་ཀྱི་ཉི་མ་ལ་གྲགས་འཛིན་མ་སེམས་ཅན་དང་ལྡན་
D1.004.0131b01.01པར་གྱུར་ཏོ། །གང་གི་ཚེ་བྱང་ཆུབ་སེམས་དཔའ་དཀའ་བ་སྤྱད་པ་དེའི་ཚེ་བཙུན་མོ་ཡང་དཀའ་བ་སྤྱད་པ་ལ་ཞུགས་པས་གྲགས་འཛིན་མ་མང་ལ་ཞུམ་པར་གྱུར་ཏོ། །གང་གི་ཚེ་བཅོམ་ལྡན་འདས་ཀྱིས་དཀའ་བ་སྤྱད་པ་དོན་མེད་པར་ཐུགས་སུ་ཆུད་ནས་ཅི་བདེར་དབུགས་འབྱིན་པ་དང་། ཅི་བདེར་
D1.004.0131b02.01དབུགས་རྔུབ་པ་དང་། འབྲས་ཆན་དང་ཟན་དྲོན་གྱི་ཞལ་ཟས་མང་པོ་གསོལ་ཞིང་། མར་དང་ཏིལ་མར་གྱིས་སྐུ་བྱུགས་ནས་ཆུ་འཇམ་པོས་སྐུ་འཁྲུ་བར་མཛད་པ་དེའི་ཚེ་བཙུན་མོ་ཡང་ཅི་བདེར་དབུགས་འབྱིན་པ་དང་། ཅི་བདེར་དབུགས་རྔུབ་པ་དང་། འབྲས་ཆན་དང་ཟན་དྲོན་གྱི་ཁ་ཟས་མང་པོ་ཟ་ཞིང་། མར་དང་ཏིལ་
D1.004.0131b03.01མར་གྱིས་ལུས་བྱུགས་ནས་ཆུ་འཇམ་པོས་ལུས་འཁྲུ་བར་བྱེད་པ་དེའི་ཚེ་མངལ་དེ་ཡང་སླར་རྒྱས་པར་གྱུར་ཏོ། །དེའི་མངལ་གྱི་མཚན་མ་སྐྱེས་པར་གྱུར་པ་དང་། ཤཱཀྱ་རྣམས་ཀྱིས་ཅོ་དྲི་བ་དང་བཅས་པར་སྨྲས་པ། བྱང་ཆུབ་སེམས་དཔའ་དཀའ་ཐུབ་ཀྱི་ནགས་སུ་བཞུད་ནས་ཁྱོད་ཀྱིས་བྱི་ཕྱིན་
D1.004.0131b04.01ཏོ། །དེས་སྨྲས་པ། ཁོ་མོའི་སྡིག་པ་ཞི་བས་བྱི་མ་ཕྱིན་ཏོ། །ཇི་མངོན་ཁྱོད་ཡིད་ཆེས་པར་བྱའོ། །ཇི་ཙམ་ཞིག་ན་དེ་ཁྱེའུ་ཞིག་བཙས་ཏེ། དེ་ཉི་མ་གང་ལ་བཙས་པའི་ཉི་མ་དེ་ཉིད་ལ་ཟླ་བ་སྒྲ་ཅན་གྱིས་ཟིན་ཏོ། །དེ་བཙས་པའི་བཙས་སྟོན་བྱས་ནས་ཁྱེའུའི་མིང་ཅིར་གདགས་ཞེས་མིང་
D1.004.0131b05.01འདོགས་པར་བྱེད་དོ། །དེའི་ཉེ་དུ་རྣམས་ཀྱིས་སྨྲས་པ། འདི་བཙས་པ་ན་ཟླ་བ་སྒྲ་ཅན་གྱིས་ཟིན་པས་དེ་བས་ན་ཁྱེའུའི་མིང་ནི་སྒྲ་ཅན་ཟིན་དུ་གདགས་སོ་ཞེས་བཏགས་སོ། །གཞོན་ནུ་བཙས་པ་ན་ཤཱཀྱ་རྣམས་ཡང་དང་ཡང་དུ་གླེང་བ་ཁོ་ནར་བྱེད་ནས། དེས་བདེན་པ་གསོལ་བ་བྱས་ཏེ།
D1.004.0131b06.01སྒྲ་ཅན་ཟིན་བཟང་པོ་བྱང་ཆུབ་སེམས་དཔའི་བང་ཚད་ཀྱི་རྡོ་ལ་ཞོན་ནས་རོལ་པ་རྫིང་གི་ནང་དུ་བཅུག་སྟེ། གལ་ཏེ་འདི་བྱང་ཆུབ་སེམས་དཔའ་ལས་སྐྱེས་པ་ཡིན་ན་འཕྱོ་བར་གྱུར་ཅིག་ཅེས་དེ་བཅུག་པ་དང་། དེ་ཕ་རོལ་དུ་བྱུང་ངོ་། །དེས་ཕ་རོལ་ནས་ཚུ་རོལ་དུ་འོང་བར་གྱུར་ཅིག་ཅེས་སྨྲས་པ་དང་།
D1.004.0131b07.01