完整藏文原文 · 德格版页 当前仅加载第 4 函德格 256a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་གིས་མཐོང་ངམ། མ་མཐོང་རྟོགས་ཤིག །དེ་དེའི་དྲུང་དུ་སོང་སྟེ་བརྟགས་ན་སྔོན་མ་མཐོང་བ་ཡིན་ཞིང་སེང་གེ་རྣམས་མ་གཏོགས་པར་རྐང་བཞི་པ་ཐམས་ཅད་ཀྱིས་ཡོངས་སུ་བསྐོར་བར་གྱུར་ནས་དེ་དེའི་དྲུང་དུ་སོང་སྟེ་ཇི་ལྟར་མཐོང་བ་དག་སྨྲས་པ་དེས་ཐོས་
D1.004.0256a01.01ནས་སེང་གེའི་ཚོགས་ཀྱིས་ཡོངས་སུ་བསྐོར་ཏེ་དེའི་དྲུང་དུ་དོང་ངོ་། །དེ་ནི་རྐང་བཞི་པ་དུ་མས་ཡོངས་སུ་བསྐོར་ཅིང་གླང་པོ་ཆེ་ལ་ཞོན་ནས་རྒྱུ་བ་ན་དེ་སེང་གེ་རྣམས་ཀྱིས་ཡོངས་སུ་བསྐོར་ཅིང་། དེ་ནས་ནི་སྟག་རྣམས་སོ། །དེ་ནས་ནི་རྐང་བཞི་པ་རྣམས་སོ། །དེ་རྣམས་ཀྱི་ཕྱི་རིམ་རྒྱང་རིང་
D1.004.0256a02.01པོ་ནས་ནི་ཝ་རྣམས་འདོང་ངོ་། །དེའི་མ་རི་སུལ་ཞིག་ན་གནས་པ་དེ་ལ་དེས་ཝ་ཞིག་མངགས་ཏེ་བུས་རྒྱལ་སྲིད་ཉམས་སུ་མྱོང་གིས་ཚུར་སྤྱོན་ཅིག་ཅེས་སྤྲིང་བ་དང་། དེས་སྨྲས་པ། དེའི་འཁོར་ཅི་འདྲ་བ་ཞིག་དེས་སྨྲས་པ། དེའི་འཁོར་ནང་པ་ནི་སེང་གེ་དང་། སྟག་དང་། གླང་
D1.004.0256a03.01པོ་ཆེ་དག་ཡིན་ནོ། །ཕྱི་པ་ནི་བདག་ཅག་ཉིད་ཡིན་ནོ། །དེས་སྨྲས་པ། མ་རུང་ཟིན་གྱིས་སོང་ཤིག །དེས་ཚིགས་སུ་བཅད་པས་ཀྱང་སྨྲས་པ། བདག་ནི་རི་འདིའི་སུལ་ན་བདེར་གནས་ཤིང་། །བསིལ་བའི་ཆུ་ལ་བསོད་ཉམས་འཐུང་བར་བྱེད། །དེ་ནི་ཇི་སྲིད་ཝ་སྒྲ་མི་གྲག་པ། །
D1.004.0256a04.01དེ་སྲིད་གླང་པོ་ཆེ་ཡིས་བདེར་འགྲོ་འགྱུར། །དེ་སོང་སྟེ་དེས་ཝ་རྣམས་ལ་སྨྲས་པ། རྐང་བཞི་པ་རྣམས་ཀྱི་རྒྱལ་པོ་འདི་ནི་ཝ་ཁོ་ན་ཡིན་ཏེ། བདག་གིས་དེའི་མ་རི་སུལ་ག་གེ་མོ་ཞེས་བྱ་བ་ན་འདུག་པ་མཐོང་ངོ་། །དེ་རྣམས་ཀྱིས་སྨྲས་པ། གལ་ཏེ་དེ་ལྟ་ན་དེ་ཝ་ཡིན་ནམ་མ་ཡིན་
D1.004.0256a05.01པ་བདག་ཅག་གིས་བརྟག་གོ། །ཆོས་ཉིད་ཀྱིས་ཝ་རྣམས་ནི་གང་ཞིག་གིས་ཝ་སྐད་ཐོས་ནས་སྐད་མ་བྱུང་ན་དེའི་སྤུ་རྣམས་འབྱི་བར་འགྱུར་བས་ཝ་སྐད་དབྱུང་བར་བརྩམས་ནས་དེས་བསམས་པ། གལ་ཏེ་བདག་གིས་སྐད་མ་ཕྱུང་ན་ནི་གདོན་མི་ཟ་བར་བདག་གི་སྤུ་རྣམས་འབྱི་
D1.004.0256a06.01བར་འགྱུར་ལ། གལ་ཏེ་གླང་པོ་ཆེ་ལས་བབས་ནས་སྐད་ཕྱུང་ན་ནི་འདིས་བདག་བསད་དུ་འོང་གིས་འདི་ཉིད་དུ་སྐད་དབྱུང་ངོ་སྙམ་ནས་དེས་གླང་པོ་ཆེ་ལ་ཞོན་བཞིན་སྐད་དབྱུང་བར་བརྩམས་པ་དང་། གླང་པོ་ཆེས་ཤེས་ནས་ཝས་བདག་ལ་བཞོན་ནམ་ཞེས་དེས་དེ་བོར་ཏེ་རྐང་པས་
D1.004.0256a07.01