完整藏文原文 · 德格版页 当前仅加载第 4 函德格 260a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་སོ། །ལྷ་ཁྱོད་ལ་བདག་དགྲོངས་པར་འཚལ་བའམ། བསླུ་བར་འཚལ་བའམ། སྨྲར་གཞུག་པར་འཚལ་བའམ། གཤེད་མ་པའམ། ཕྱིར་རྒོལ་བའམ། མི་མཛའ་བ་དག་ལ་གཏད་པར་འཚལ་བ་མ་ལགས་སོ། །དེ་ནས་ལུས་འཕགས་
D1.004.0260a01.01མའི་བུ་མ་ག་དྷཱའི་རྒྱལ་པོ་མ་སྐྱེས་དགྲས་འཚོ་བྱེད་གཞོན་ནུས་བསྐྱེད་ལ་འདི་སྐད་ཅེས་སྨྲས་སོ། །འཚོ་བྱེད་བཅོམ་ལྡན་འདས་དེ་ལ་འཁོར་ཇི་སྙེད་ཡོད། དགེ་སློང་སྟོང་ཉིས་བརྒྱ་ལྔ་བཅུ་ལྷག་ཙམ་མོ། །ཨེ་མའོ་འཚོ་བྱེད་ཁྱོད་ཀྱིས་ང་ཇི་ལྟར་བསད་པར་མི་འདོད། བསླུ་བར་
D1.004.0260a02.01མི་འདོད། སྨྲར་གཞུག་པར་མི་འདོད། གཤེད་མ་པའམ། ཕྱིར་རྒོལ་བའམ། མི་མཛའ་བ་དག་ལ་གཏོད་པར་མི་འདོད། ད་ལྟར་བཅོམ་ལྡན་འདས་དེ་ལ་འཁོར་དེ་སྙེད་ཡོད་ན་ལུ་བའི་སྒྲ་ཡང་མི་གྲག །སྦྲིད་པའི་སྒྲ་ཡང་མི་གྲག་གོ །ལྷ་བཅོམ་ལྡན་འདས་དེ་ནི་སྒྲ་ཆུང་
D1.004.0260a03.01བ་བཞེད། སྒྲ་ཆུང་བ་ལ་དགྱེས། སྒྲ་ཆུང་བས་འདུལ། སྒྲ་ཆུང་བའི་བསྔགས་པ་མཛད་པས་འཁོར་ཡང་སྒྲ་ཆུང་བ་ཉིད་དོ། །ལྷ་དེ་ལྟ་བས་ན་མྱུར་བ་མྱུར་བར་གླང་པོ་ཆེ་དམ་པ་ཆེན་པོ་ཐོབ་ཤིག །འདི་ལྟར་འཁོར་གྱི་ཁྱིམ་ན་འབྲུ་མར་གྱི་ཞུགས་མར་གྱི་འོད་གདའོ། །
D1.004.0260a04.01དེ་ནས་ལུས་འཕགས་མའི་བུ་མ་ག་དྷཱའི་རྒྱལ་པོ་མ་སྐྱེས་དགྲས་མྱུར་བ་མྱུར་བར་གླང་པོ་ཆེའི་དམ་པ་ཆེན་པོ་བཏབ་ནས་དེས་ཇི་ཙམ་བཞོན་པས་རུང་བའི་སའི་བར་དུ་བཞོན་པས་སོང་སྟེ་བཞོན་པ་ལས་བབས་ནས་རྐང་པ་ཁོ་ནས་ཀུན་དགའ་ར་བའི་ནང་དུ་ཞུགས་སོ། །དེའི་ཚེ་བཅོམ་
D1.004.0260a05.01ལྡན་འདས་དགེ་སློང་གི་དགེ་འདུན་གྱི་གུང་ལ་མཚོ་ལྟར་དང་ཞིང་གསལ་ལ་རྙོག་པ་མེད་པས་བཞུགས་སོ། །དེ་ནས་ལུས་འཕགས་མའི་བུ་མ་ག་དྷཱའི་རྒྱལ་པོ་མ་སྐྱེས་དགྲ་འཁོར་གྱི་ཁྱམས་དང་ཉེ་བར་སོང་ནས་འཚོ་བྱེད་གཞོན་ནུས་བསྐྱེད་ལ་སྨྲས་པ། འཚོ་བྱེད་བཅོམ་ལྡན་
D1.004.0260a06.01འདས་དེ་གང་ན་བཞུགས། ལྷ་བཅོམ་ལྡན་འདས་དེ་ནི་དགེ་སློང་གི་དགེ་འདུན་གྱི་གུང་ལ་མཚོ་ལྟར་དང་ཞིང་གསལ་ལ་རྙོག་པ་མེད་པར་བཞུགས་པ་ཕ་བི་ཁོ་ན་ལགས་སོ། །དེ་ནས་ལུས་འཕགས་མའི་བུ་མ་ག་དྷཱའི་རྒྱལ་པོ་མ་སྐྱེས་དགྲ་བཅོམ་ལྡན་འདས་གང་ན་བ་དེར་སོང་
D1.004.0260a07.01