完整藏文原文 · 德格版页 当前仅加载第 4 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
བོ་གཙོ་བོ་དག་གིས་སྲིད་པར་བྱེད་སྐྱེད་པར་བྱེད་ཅིང་རྫིང་ན་གནས་པའི་པད་མ་བཞིན་དུ་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ། ཡི་གེ་དང་། གྲངས་དང་། རྩིས་དང་། ལག་རྩིས་ལ་ཉེ་བར་ཞུགས་ཤིང་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ཡུལ་དང་
D1.004.0233b01.01དབང་ཕྱུག་དང་མཐུ་ཐོབ་པ་སའི་དཀྱིལ་འཁོར་ཆེན་པོ་མངོན་པར་ཟིལ་གྱིས་མནན་ནས་གནས་པ་རྣམས་ཀྱི་བཟོའི་གནས་དང་ལས་ཀྱི་གནས་ཐ་དད་པར་གྱུར་པ་གང་དག་ཡིན་པ་འདི་ལྟ་སྟེ། གླང་པོ་ཆེའི་གཉར་ཞོན་པ་དང་། རྟ་ལ་ཞོན་པ་དང་། ཤིང་རྟའི་ཐབས་དང་། རལ་གྲིའི་
D1.004.0233b02.01ཐབས་དང་། འཕོང་དང་། ཕྱིར་བསྣུར་བ་དང་། མདུན་དུ་བསྣུར་བ་དང་། ལྕགས་ཀྱུས་སྒྱུར་ཐབས་དང་། མདའ་བོ་ཆེ་འཕེན་པ་དང་། ཞགས་པ་གདབ་པ་དང་། བཅད་པ་དང་། དྲལ་བ་དང་། དབུག་པ་དང་། འཛིན་སྟངས་དང་། གོམ་སྟངས་དང་། ཐོར་ཚུགས་
D1.004.0233b03.01དང་། རྒྱང་ནས་ཕོག་པ་དང་། སྒྲ་གྲག་པར་ཕོག་པ་དང་། གནད་དུ་ཕོག་པ་དང་། མི་འཆོར་བར་ཕོག་པ་དང་། ཚབས་ཆེར་ཕོག་པ་སྟེ་བཟོའི་གནས་དང་། ལས་ཀྱི་གནས་ལྔ་པོ་དེ་དག་ལ་ཡང་བྱང་བར་གྱུར་ནས་ཕས་དེ་རྒྱལ་ཚབ་ཏུ་བཅུག་གོ། །རྒྱལ་པོ་སྲ་རྩི་ལྡན་གྱི་བཙུན་
D1.004.0233b04.01མོ་དམ་པ་ནི་ཆོས་ལྡན་ཞེས་བྱའོ། །བློན་པོའི་མཆོག་ནི་ཕྱུགས་འདུག་ཅེས་བྱ་སྟེ། དེ་ལ་རྒྱལ་པོ་ལྷག་པར་སྙིང་འཇོག་གོ། །ཇི་ཙམ་དུས་གཞན་ཞིག་ན་རྒྱལ་པོ་སྲ་རྩི་ལྡན་ཆོས་ལྡན་མ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་
D1.004.0233b05.01བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་ཆོས་ལྡན་མ་སེམས་ཅན་དང་ལྡན་པར་གྱུར་ཏོ། །དེ་མཚན་མཁན་རྣམས་ཀྱིས་ཁྱེའུ་ཞིག་བཙའ་བར་འགྱུར་ཏེ། དེས་རྒྱལ་པོ་སྲོག་དང་ཕྲལ་ནས་རང་ཉིད་ཅོད་པན་བཅིངས་ཏེ་རྒྱལ་སྲིད་ཀྱི་དབང་ཕྱུག་ལ་དབང་བྱེད་པར་འགྱུར་རོ། །
D1.004.0233b06.01ཞེས་ལུང་བསྟན་ཏོ། །ཇི་ཙམ་ན་རྒྱལ་པོ་སྲ་རྩི་ལྡན་ནད་ཀྱིས་ཐེབས་པར་གྱུར་ནས་དེ་ལ་རྩ་བ་དང་། སྡོང་བུ་དང་། འདབ་མ་དང་། མེ་ཏོག་དང་། འབྲས་བུའི་སྨན་རྣམས་ཀྱིས་བསྙེན་བཀུར་བྱས་ཀྱང་དེའི་ནད་ཞི་བར་མ་གྱུར་ཏེ། དེས་ལུས་ཀྱི་གནས་སྐབས་རིག་པར་བྱས་ནས་དེས་
D1.004.0233b07.01