完整藏文原文 · 德格版页 当前仅加载第 4 函德格 139b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གྲགས་འཛིན་མ་འདི་ཉིད་ཀྱིས་སྔོན་གྱི་ཚེ་རབས་གཞན་རྣམས་སུ་ལས་བྱས་ཤིང་བསགས་པ་དག་ནི་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་
D1.004.0139b01.01བྱུང་བ་གནག་ལྷས་ཞིག་ན་ཕྱུགས་རྫི་མ་དང་། བུ་མོ་མ་སྨད་གཉིས་ཞིག་གནས་ཏེ། དེ་གཉིས་དར་བའི་བུམ་པ་ཐོགས་ཏེ། རྒྱུན་དུ་གྲོང་མཐར་འགྲོ་བ་ན། དེ་གཉིས་ལས་བུ་མོ་ནི་ངན་གཡོའི་རང་བཞིན་ཅན་ཡིན་ནོ། །མ་ནི་དྲང་བ་ཞིག་ཡིན་ནོ། །བུ་མོས་སྨྲས་པ།
D1.004.0139b02.01ཡུམ་རེ་ཞིག་དར་བའི་བུམ་པ་སྣོམས་ཤིག་བཤང་བ་ཞིག་བགྱིད་དོ། །དེས་ཐོགས་ཏེ་སོང་ངོ་། །དེ་ནི་ངན་གཡོའི་རང་བཞིན་ཅན་ཡིན་པས་ཕྱིན་སྡོད་ཅིང་དེའི་རྗེས་སླེབས་པར་མ་སོང་སྟེ། དེ་དེ་ལྟར་བྱེད་པ་ན་མ་དེས་དར་བའི་བུམ་པ་རྒྱང་གྲགས་དྲུག་གི་བར་དུ་ཁྱེར་རོ། །
D1.004.0139b03.01དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཕྱུགས་རྫི་བུ་མོ་གང་ཡིན་པ་དེ་ནི་གྲགས་འཛིན་མ་འདི་ཉིད་ཡིན་ཏེ། དེ་ན་འདིས་མ་ལ་ངན་གཡོའི་སྤྱོད་པས་རྒྱང་གྲགས་དྲུག་ཏུ་དར་བའི་བུམ་པ་བསྐུར་རོ། །ལས་དེའི་རྣམ་པར་སྨིན་པས་འདིས་སྒྲ་ཅན་ཟིན་ལོ་དྲུག་ཏུ་
D1.004.0139b04.01མངལ་དུ་བཟུང་ངོ་། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ་ཞེས་བྱ་བ་ནས་དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ་ཞེས་བྱ་བའི་བར་གོང་མ་བཞིན་དུའོ། །དགེ་སློང་རྣམས་ཐེ་ཚོམ་སྐྱེས་
D1.004.0139b05.01ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་སྒྲ་ཅན་ཟིན་གྱིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ལོ་དྲུག་ཏུ་མའི་མངལ་ན་མཆིས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྒྲ་ཅན་
D1.004.0139b06.01ཟིན་འདི་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་པས། སྒྲ་ཅན་ཟིན་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར།
D1.004.0139b07.01