完整藏文原文 · 德格版页 当前仅加载第 4 函德格 31a 版页；藏文 NFD、目录标记与异常页序保留在来源切片中，重复版页行以稳定序号区分。
གི་བར་སྣང་ལ་མངོན་པར་འཕགས་ཏེ་ཕྱག་དར་གྱི་ཆར་དབབ་པར་བརྩམས་ན། དེ་ཡང་ལྷའི་མེ་ཏོག་མན་དཱ་ར་བ་རྣམས་སུ་གྱུར་ནས་བྱང་ཆུབ་སེམས་དཔའི་སྟེང་ནས་འབབ་པར་བརྩམས་སོ། །དེ་ནས་བདུད་ཀྱིས་གདུག་པའི་རླུང་དང་། རྡོའི་ཆར་ཕབ་པ་དང་། གནས་གཙང་མའི་རིས་
D1.004.0031a01.01ཀྱི་ལྷ་རྣམས་ཀྱིས་བྱང་ཆུབ་སེམས་དཔའི་སྟེང་དུ་ལོ་མ་ལས་མ་ཡིན་པའི་སྤྱིལ་པོ་མངོན་པར་སྤྲུལ་པས་རྡོའི་ཆར་དང་གདུག་པའི་རླུང་དུ་བཅས་པ་དེས་བྱང་ཆུབ་སེམས་དཔའ་ལ་{ཆུང་ཟད་,ཅུང་ཟད་}ཀྱང་གནོད་པར་མ་གྱུར་ཏོ། །བདུད་ཀྱིས་བསམས་པ། བདག་གིས་ནམ་དུ་ཡོངས་སུ་བསྐོར་ཏེ་འདུག །བསམ་
D1.004.0031a02.01གཏན་གྱི་ཚེར་མ་ནི་སྒྲ་ཡིན་གྱི། བྱང་ཆུབ་ཀྱི་ཤིང་ཤེལ་ལས་བྱས་པར་མངོན་པར་སྤྲུལ་ལ་སོང་བ་དང་། དེའི་ལོ་མ་རྣམས་རྟག་པར་སྒྲ་འབྱིན་པས་དེའི་སེམས་རྩེ་གཅིག་པར་མི་འགྱུར་རོ་སྙམ་དུ་བསམས་ནས་བྱང་ཆུབ་ཀྱི་ཤིང་ཤེལ་ལས་བྱས་པར་མངོན་པར་སྤྲུལ་ཏེ། རྣ་བ་གཏད་ནས་བསྒྲིམས་
D1.004.0031a03.01ཏེ་བསྡད་པ་ན་བྱང་ཆུབ་ཀྱི་ཤིང་གི་ལོ་མ་ཤེལ་ལས་བྱས་པ་རྣམས་མྱུར་བ་མྱུར་བར་སྒྲ་འབྱིན་པར་བརྩམས་པས་བསམ་གཏན་གྱི་ཚེར་མ་ནི་སྒྲ་ཡིན་པས། བྱང་ཆུབ་སེམས་དཔས་སེམས་རྩེ་གཅིག་པ་མ་ཐོབ་བོ། །གནས་གཙང་མའི་རིས་ཀྱི་ལྷ་རྣམས་ཀྱིས་བསམས་པ། ཤེལ་ལས་བྱས་
D1.004.0031a04.01པའི་བྱང་ཆུབ་ཀྱི་ཤིང་གི་ལོ་མ་ཤེལ་ལས་བྱས་པ་རྣམས་ཀྱི་སྒྲས་བྱང་ཆུབ་སེམས་དཔའ་སེམས་རྩེ་གཅིག་པ་མ་ཐོབ་ཀྱིས་ཐབས་ཤིག་བཤམ་པར་བྱའོ་སྙམ་སྟེ། དེ་ནས་དེ་རྣམས་ཀྱིས་ལོ་མ་རེ་རེ་བཟུང་ན། འོན་ཀྱང་བདུད་ཀྱི་དཔུང་དེ་བཞིན་དུ་གནས་ནས་གནས་གཙང་མའི་རིས་ཀྱི་ལྷ་
D1.004.0031a05.01རྣམས་ཀྱིས་བསམས་པ། བདུད་སྡིག་ཅན་འདི་ནི་རིང་མོ་ཞིག་ཏུ་བྱང་ཆུབ་སེམས་དཔའ་ལ་རྣམ་པར་འཚེ་བར་འགྱུར་རོ་སྙམ་དུ་བསམས་ནས་བདུད་ཀྱི་དཔུང་དེ་ཁོར་ཡུག་གི་ཕ་རོལ་དུ་འཕངས་སོ། །དེ་ནས་བྱང་ཆུབ་སེམས་དཔའ་བཅོམ་ལྡན་འདས་ལྟེང་རྒྱས་ནས་འབབ་ཆུ་ནཻ་རཉྫ་ནའི་འགྲམ་
D1.004.0031a06.01བྱང་ཆུབ་ཀྱི་ཤིང་དྲུང་དུ་བཞུགས་ཏེ་རྟག་ཏུ་བྱ་བ་དང་། འགྲུས་སྐྱོང་དང་ལྡན་ཞིང་བྱང་ཆུབ་ཀྱི་ཕྱོགས་དང་མཐུན་པའི་ཆོས་རྣམས་ལ་བསྒོམ་པའི་རྣལ་འབྱོར་གྱི་རྗེས་སུ་བརྩོན་པས་བཞུགས་སོ། །དེ་ནམ་གྱི་ཐུན་དང་པོ་ལ་རྫུ་འཕྲུལ་གྱི་ཡུལ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་
D1.004.0031a07.01