完整藏文原文 · 德格版页 当前仅加载第 4 函德格 130a 版页；藏文 NFD、目录标记与异常页序保留在来源切片中，重复版页行以稳定序号区分。
རྫོགས་པའི་སངས་རྒྱས་འོད་སྲུང་གི་གཙུག་ལག་ཁང་དེར་ཐོག་མར་ལྷས་ཆར་ཕབ་པས་ཟགས་པར་གྱུར་ནས། ཁོ་བོ་ཅག་རྫ་མཁན་དགའ་སྐྱོང་གི་ལས་བྱེད་པའི་ཁང་པ་གཡོགས་པ་རྩྭ་སར་པ་བཤུས་ནས་ཡང་དག་པར་རྫོགས་པའི་སངས་རྒྱས་འོད་སྲུང་གི་གཙུག་ལག་ཁང་
D1.004.0130a01.01གཡོག་གོ། །དེ་རྣམས་ལ་འདི་སྐད་ཅེས་སྨྲས་སོ། །ཁྱེད་ལ་བསྙེན་བཀུར་བགྱིད་པ་ནི་སླད་རོལ་དུ་མཆིས་ལགས་ཀྱིས། འཕགས་པ་དག་སྣོམས་ཤིག །བཞིན་{བཟངས་,བཟང་}དག་སྣོམས་ཤིག །དེ་རྣམས་ཀྱིས་དེ་བཤུས་ཏེ་ངའི་གཙུག་ལག་ཁང་གཡོགས་སོ།། །།འདུལ་བ་གཞི།
D1.004.0130a02.01བམ་པོ་དགུ་བཅུ་རྩ་བཞི་པ། དེ་ནས་ཕྱི་ནས་རྫ་མཁན་དགའ་སྐྱོང་འོངས་ནས་རྫ་མཁན་དགའ་སྐྱོང་གིས་ལས་ཀྱི་ཁང་པ་གཡོགས་པའི་རྩྭ་སར་པ་བཤུས་པར་མཐོང་ངོ་། །མཐོང་ནས་ཀྱང་ཕ་མ་ལོང་བ་གཉིས་ལ་འདི་སྐད་ཅེས་སྨྲས་སོ། །ཡབ་ཡུམ་ལས་ཀྱི་ཁང་པ་གཡོགས་པའི་རྩྭ་སར་
D1.004.0130a03.01པ་དེ་རྣམས་སུ་ཞིག་གིས་བཤུས་ལགས། དེ་གཉིས་ཀྱིས་འདི་སྐད་ཅེས་སྨྲས་སོ། །དེས་པ་དགའ་སྐྱོང་ཁྱོད་སོང་ནས་རིང་པོ་མ་ལོན་པར་འདིར་ལས་ཀྱི་ཁང་པ་གཡོགས་པའི་རྩྭ་སར་པ་འཆུ་བ་ཐོས་སོ། །ཐོས་ནས་ཀྱང་འདི་སྐད་ཅེས་ལས་ཀྱི་ཁང་པ་གཡོགས་པའི་རྩྭ་སར་པ་འཆུ་བའི་
D1.004.0130a04.01འཕགས་པ་དེ་སུ་ཞིག །བཞིན་{བཟངས་,བཟང་}དེ་སུ་ཞིག་ཅེས་སྨྲས་པ་དང་། དེ་དག་གིས་འདི་སྐད་ཅེས། ཁོ་བོ་ཅག་ནི་ཡང་དག་པར་རྫོགས་པའི་སངས་རྒྱས་འོད་སྲུང་གི་ཞབས་འབྲིང་བ་དགེ་སློང་རྣམས་ཡིན་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གི་གཙུག་ལག་ཁང་དེར་ཐོག་
D1.004.0130a05.01མར་ལྷས་ཆར་ཕབ་པས་ཟགས་པར་གྱུར་ནས་ཁོ་བོ་ཅག་རྫ་མཁན་དགའ་སྐྱོང་གི་ལས་ཀྱི་ཁང་པ་གཡོགས་པའི་རྩྭ་སར་པ་བཤུས་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གི་གཙུག་ལག་ཁང་གཡོག་གོ་ཞེས་སྨྲས་ནས་དེ་དག་ལ་འདི་སྐད་ཅེས། ཁྱེད་ལ་བསྙེན་བཀུར་བགྱིད་བ་
D1.004.0130a06.01ནི་སླད་རོལ་དུ་མཆིས་ལགས་ཀྱི་འཕགས་པ་དག་སྣོམས་ཤིག །བཞིན་{བཟངས་,བཟང་}དག་སྣོམས་ཤིག་ཅེས་སྨྲས་པས་དེ་རྣམས་ཀྱིས་ལས་ཀྱི་ཁང་པའི་རྩྭ་དེ་དག་བཤུས་པར་གྱུར་གྲང་། དེ་ནས་རྫ་མཁན་དགའ་སྐྱོང་འདི་སྙམ་དུ་སེམས་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གིས་
D1.004.0130a07.01