完整藏文原文 · 德格版页 当前仅加载第 4 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གིས་བདག་གིར་མི་བྱ་བ་དང་། བདག་བཅོམ་ལྡན་འདས་བལྟ་བ་དང་། བཀུར་སྟི་བྱ་བའི་ཕྱིར་ཉེ་བར་འགྲོ་བ་ལ་དུས་མ་ཡིན་པ་ཅུང་ཟད་ཀྱང་མེད་པར་གནང་ངམ། ཚེ་དང་ལྡན་པ་མཽད་གལ་གྱི་བུ་ཆེན་པོ་གལ་ཏེ་བཅོམ་ལྡན་འདས་ཀྱིས་བདག་ལ་མཆོག་གསུམ་གནང་བ་
D1.004.0153b01.01ལྟ་ན་བདག་དེ་བཞིན་དུ་བཅོམ་ལྡན་འདས་ཀྱི་རིམ་གྲོ་བགྱིད་པར་སྤྲོའི་གཞན་དུ་ན་མ་ལགས་སོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོ་དང་། ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་རིམ་གྲོ་པར་སྤྲོ་བ་བསྐྱེད་ནས། བཅོམ་ལྡན་འདས་གང་ན་
D1.004.0153b02.01བ་དེར་དོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས་བཅོམ་ལྡན་འདས་ལ་ཚེ་དང་ལྡན་པ་མཽད་གལ་གྱི་བུ་ཆེན་པོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱི་རིམ་
D1.004.0153b03.01གྲོ་བགྱིད་པའི་དགེ་སློང་བདག་ཅག་གིས་སྤྲོ་བ་བསྐྱེད་པ་ནི་འདི་ལྟ་སྟེ། ཚེ་དང་ལྡན་པ་ཀུན་དགའ་བོ་ལགས་ན། དེའི་མཆིད་ནས་འདི་སྐད་ཅེས་ཚེ་དང་ལྡན་པ་མཽད་གལ་གྱི་བུ་ཆེན་པོ་བདག་གིས་དེ་བཞིན་དུ་བཅོམ་ལྡན་འདས་ཀྱི་རིམ་གྲོ་བགྱིད་པར་སྤྲོ་བར་བགྱི་ན། གལ་ཏེ་བཅོམ་ལྡན་འདས་
D1.004.0153b04.01ཀྱིས་བདག་ལ་མཆོག་གསུམ་པོ་བཅོམ་ལྡན་འདས་ཀྱི་ན་བཟའ་སྨད་གཡོགས་དང་ཆོས་གོས་བདག་གིས་མི་བཅང་བ་དང་། བཅོམ་ལྡན་འདས་ཀྱི་ཕྱིར་གང་ཟག་པའི་མགྲོན་དུ་འབོད་ན་བདག་གིས་བདག་གིར་མི་བྱ་བ་དང་། བདག་བཅོམ་ལྡན་འདས་ལ་བལྟ་བ་དང་བཀུར་སྟི་བྱ་བའི་ཕྱིར་ཉེ་
D1.004.0153b05.01བར་འགྲོ་བ་དུས་མ་ཡིན་པ་ཅུང་ཟད་ཀྱང་མེད་པ་གནང་ངམ། གལ་ཏེ་བཅོམ་ལྡན་འདས་ཀྱིས་བདག་ལ་མཆོག་གསུམ་གནང་བ་ལྟ་ན་བདག་དེ་བཞིན་དུ་བཅོམ་ལྡན་འདས་ཀྱི་རིམ་གྲོ་བགྱིད་པར་སྤྲོའོ་ཞེས་མཆི་ལགས་སོ། །མཽད་གལ་གྱི་བུ་ཆེན་པོ་ལེགས་སོ་ལེགས་སོ། །དགེ་སློང་ཀུན་དགའ་བོ་
D1.004.0153b06.01ནི་མཁས་པ་ཡིན་ཏེ། དེས་མ་འོངས་པ་ན་ཚངས་པ་མཚུངས་པར་སྤྱོད་པ་རྣམས་ལས་རྩོད་ཅིང་རྗེས་སུ་རྩོད་པ་སྨད་པའི་གནས་ཀྱི་ཆོས་འབྱུང་ལ། གཞི་འདིས་བདག་ལ་ཚངས་པ་མཚུངས་པར་སྤྱོད་པ་རྣམས་དགེ་སློང་ཀུན་དགའ་བོ་ནི་ཆོས་གོས་ཀྱི་རྒྱུས་སྟོན་པ་ལ་བཀུར་སྟི་བྱེད་དོ་ཞེས་ཁ་ཟེར་
D1.004.0153b07.01