完整藏文原文 · 德格版页 当前仅加载第 4 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱེར་ནས་དཀའ་ཐུབ་ཀྱི་ནགས་ལོགས་སུ་ཆས་པ་དང་རིམ་གྱིས་དཀའ་ཐུབ་ཀྱི་ནགས་སུ་ཕྱིན་ཏོ། །དེ་ནས་ཐམས་ཅད་སྒྲོལ་དཀའ་ཐུབ་ཀྱི་ཚལ་དེར་རང་གི་སྙིང་མགུ་བར་བྱེད་པའི་བརྟུལ་ཞུགས་བླངས་ཏེ་གནས་སོ། །ཅི་ཙམ་ན་རྒྱགས་སྦྱིན་མ་རྩ་བ་དང་འབྲས་བུའི་ཕྱིར་དཀའ་ཐུབ་ཀྱི་
D1.004.0195b01.01ནགས་སུ་སོང་བ་དང་བྲམ་ཟེ་ཞིག་ཐམས་ཅད་སྒྲོལ་གྱི་དྲུང་དུ་འོངས་ནས་སྨྲས་པ། རྒྱལ་རིགས་གཞོན་ནུ་ཁྱོད་རྒྱལ་བར་གྱུར་ཅིག །བདག་ཅག་བཀོལ་བ་མ་མཆིས་པ། །སྤ་ཤུག་ལྷན་ཅིག་འཁྱམ་བགྱིད་ན། །དེ་ཡི་དོན་དུ་བུས་པ་གཉིས། །ཁྱོད་ཀྱིས་བདག་ལ་སྦྱིན་པའི་རིགས། །
D1.004.0195b02.01དེ་སྐད་ཅེས་སྨྲས་པ་དང་། དེ་ནས་བྱང་ཆུབ་སེམས་དཔའ་ཐམས་ཅད་སྒྲོལ་བུ་སྡུག་པ་གཏོང་བ་ལ་ཆུང་ཤིག་སེམས་ཤིང་འདུག་པ་དང་དེ་ནས་བྲམ་ཟེ་དེས་བྱང་ཆུབ་སེམས་དཔའ་ཐམས་ཅད་སྒྲོལ་ལ་སྨྲས་པ། ཀྱེ་རྒྱལ་རིགས་གཞོན་ནུ་བདག་གིས་ཁྱོད་ཐམས་ཅད་སྟེར་བའོ་ཞེས་ཐོས་ན་འདི་
D1.004.0195b03.01ལྟར་ཁྱོད་ལ་བདག་གིས་བསླངས་པ་དེ་ལ་ཅི་ཞིག་དཔྱད་དུ་ཡོད། ཁྱོད་ནི་ཀུན་སྟེར་སྙིང་རྗེ་ཡི། །བདག་ཉིད་ཅན་དུ་ས་སྟེང་གྲགས། །ཇི་ལྟར་གྲགས་པ་དེ་བཞིན་དུ། །ཁྱོད་ཀྱིས་རྟག་ཏུ་བྱ་བའི་རིགས། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་ཐམས་ཅད་སྒྲོལ་གྱིས་
D1.004.0195b04.01བྲམ་ཟེ་དེ་ལ་སྨྲས་པ། ཀྱེ་བྲམ་ཟེ་ཆེན་པོ། །རང་གི་སྲོག་ནི་གཏོང་བ་ལའང་། །ལན་འགའ་དཔྱོད་པ་མ་མྱོང་ན། །རང་གི་བུ་ནི་གཏོང་བ་ལ། །བདག་བློ་གཞན་དུ་འགྱུར་ཅི་སྨོས། །བྲམ་ཟེ་ཆེན་པོ་དེ་ལྟ་མོད་ཀྱི། བདག་གིས་ནགས་སུ་བསྐྱེད་བསྐྱེད་པའི། །བུས་པ་འདི་གཉིས་
D1.004.0195b05.01ཡོངས་སྤངས་ན། །མ་དང་བྲལ་བའི་ཉོན་མོངས་པ། །འདི་དག་ཇི་ལྟར་གནས་སྙམ་མོད། །གཞོན་ནུ་ཤིན་ཏུ་བརྩེ་མེད་པས། །བུས་པ་བཏང་ལ་བདག་མིན་ཞེས། །ཁ་ཅིག་བདག་ལ་འཕྱར་འོང་གིས། །བྲམ་ཟེ་བདག་ནི་ཁྲིད་ན་ལེགས། །དེ་ནས་བྲམ་ཟེ་དེས་ཐམས་ཅད་
D1.004.0195b06.01སྒྲོལ་ལ་སྨྲས་པ། ཀྱེ་རྒྱལ་རིགས་གཞོན་ནུ་རྒྱལ་པོ་ཆེན་པོའི་རིགས་སུ་སྐྱེས་པ། ས་འདི་ཐམས་ཅད་དུ་ཡོན་ཏན་གྲགས་པ། སྲོག་ཆགས་ཐམས་ཅད་ལ་སྙིང་རྗེ་བརྩེ་བས་འོ་བྱམས་པར་ཞུགས་པ། སྦྱིན་པ་དང་། མཆོད་པ་དང་། བཀུར་སྟིས་སྤོས་ཀྱི་གླང་པོ་ལྟ་བུ་དགེ་
D1.004.0195b07.01