完整藏文原文 · 德格版页 当前仅加载第 4 函德格 204b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་འདི་སྐད་ཅེས་སྨྲས་སོ། །བུ་གྲོང་མི་འདི་དག་འདི་སྐད་ཅེས་ཟེར་རོ། །དེས་སྨྲས་པ། ཡབ་གལ་ཏེ་དེ་ལྟ་ན་མཆིའོ། །བུ་གདོན་མི་ཟ་བར་རྒྱལ་པོ་དེ་ཁྱོད་ཀྱི་རྐང་མཐིལ་གྱི་སྤུ་གསེར་གྱི་ཁ་དོག་ཅན་བལྟ་བར་འདོད་ཀྱིས། རྒྱལ་པོ་དེ་དག་ནི་གནས་མ་ཡིན་པར་ཁྲོ་བས་ཁྱོད་ལ་གནོད་
D1.004.0204b01.01པ་བྱེད་པར་འགྱུར་དུ་འོང་གིས་ཁྱོད་ཀྱིས་རྐང་པ་བཏེག་སྟེ་དེ་ལ་བསྟན་པར་མི་བྱའི། འདི་རེ་མུ་ཏིག་ཕྲེང་བ་འདི་རྒྱལ་པོ་དེའི་ཞབས་ཀྱི་དྲུང་དུ་ཞོག་ལ་ཕྱག་བྱས་ནས་དེའི་སྤྱན་སྔར་སྐྱིལ་མོ་ཀྲུང་ཆོས་ཏེ་འདུག་ཤིག་དང་། དེས་ན་སྤུ་རྣམས་མཐོང་བར་འགྱུར་རོ། །ཁྱིམ་བདག་གྲུ་འཛིན་གྱིས་
D1.004.0204b02.01བསམས་པ། གྲོ་བཞིན་སྐྱེས་བཞོན་པ་གང་གིས་གཏང་། ཅི་གླང་པོ་ཆེའི་བཞོན་པས་སམ། རྟའི་བཞོན་པས་སམ། ཤིང་རྟའི་བཞོན་པས་སམ། འོན་ཏེ་གྲུའི་བཞོན་པས་སྙམ་པ་ལས་དེ་འདི་སྙམ་དུ་སེམས་ཏེ། འདི་དག་གི་ནང་ན་གྲུའི་བཞོན་པ་མཆོག་ཡིན་པས་གྲུའི་
D1.004.0204b03.01བཞོན་པས་གཏང་ངོ་སྙམ་དུ་བསམས་ནས་དེས་ཆུ་བོ་གང་གཱ་ལ་གྲུ་སྦྲེངས་ནས་དེར་སྐྱེད་མོས་ཚལ་རྣམ་པ་སྣ་ཚོགས་བྱེད་དུ་བཅུག་སྟེ། མེ་ཏོག་དང་འབྲས་བུ་རྣམ་པ་སྣ་ཚོགས་དང་ལྡན་ཞིང་ངང་པ་དང་། ཁྲུང་ཁྲུང་དང་། རྨ་བྱ་དང་། ནེ་ཙོ་དང་། རི་སྐེགས་དང་། ཁུ་བྱུག་ལ་སོགས་
D1.004.0204b04.01པ་བྱ་རྣམས་སྐད་འབྱིན་ཅིང་རོལ་མོའི་ཆ་བྱད་སྣ་ཚོགས་དང་། བུད་མེད་རྒྱན་སྣ་ཚོགས་ཀྱིས་བཀླུབས་པ་དག་འདུག་ཏུ་བཅུག་སྟེ། འབྱོར་པ་དེས་ཆུའི་ནང་ནས་བཏང་ངོ་། །དེ་རིམ་གྱིས་རྒྱལ་པོའི་ཁབ་ཏུ་ཉེ་བར་ཕྱིན་པ། རྒྱལ་པོ་གཟུགས་ཅན་སྙིང་པོས་གྲུ་འཛིན་གྱི་བུ་འོང་ངོ་ཞེས་ཐོས་ནས་
D1.004.0204b05.01དེས་རྒྱལ་པོའི་ཁབ་ནས་གང་གཱའི་འབབ་ཆུའི་བར་དེར་འོབས་བརྐོས་ནས་ཆུས་བཀང་སྟེ་དེའི་ནང་ནས་གྲུ་དྲངས་སོ། །རྒྱལ་པོའི་ཁབ་ཀྱི་གྲོང་ཁྱེར་ཡང་རྡོ་བ་དང་། གསེག་མ་དང་། གྱོ་མོ་བསལ་ཅིང་ཙན་དན་གྱི་ཆུས་ཆག་ཆག་བཏབ། དྲི་ཞིམ་པོའི་པོག་ཕོར་བཞག །དར་གྱི་ཆུན་
D1.004.0204b06.01འཕྱང་མང་པོ་བཏགས། རྒྱལ་མཚན་དང་། བ་དན་བཙུགས་མེ་ཏོག་སྣ་ཚོགས་ཀྱིས་ལྷ་རྣམས་ཀྱི་དགའ་ཚལ་གྱི་སྐྱེད་མོས་ཚལ་བཞིན་དུ་དགའ་དགའ་ལྟར་བྱས་ཏེ། དེ་འབྱོར་པ་དེས་རྒྱལ་པོའི་ཁབ་ཀྱི་གྲོང་ཁྱེར་དུ་ཁྲིད་དོ། །དེ་ནས་རྒྱལ་པོ་སེང་གེའི་ཁྲི་ལ་འདུག་པའི་རྐང་པའི་དྲུང་དུ་
D1.004.0204b07.01