完整藏文原文 · 德格版页 当前仅加载第 4 函德格 205a 版页；藏文 NFD、目录标记与异常页序保留在来源切片中，重复版页行以稳定序号区分。
མུ་ཏིག་གི་ཕྲེང་བ་བཞག་ནས་མགོ་བོས་ཕྱག་བྱས་ཏེ་མདུན་དུ་སྐྱིལ་མོ་ཀྲུང་བཅས་ནས་འདུག་པ་དང་། རྒྱལ་པོས་དེའི་རྐང་པ་གཉིས་ལ་གསེར་གྱི་ཁ་དོག་འདྲ་བའི་སྤུ་ཡོད་པ་མཐོང་ངོ་། །མཐོང་ནས་ཀྱང་ཀྱེ་མ་གྲོ་བཞིན་སྐྱེས་བྱེ་བ་ཉི་ཤུ་པ་ནི་བསོད་ནམས་ཀྱི་
D1.004.0205a01.01སྐལ་བ་ཆེན་པོ་དང་ལྡན་པ་ཡིན་ནོ་ཞེས་མཆོག་ཏུ་ངོ་མཚར་སྐྱེས་སོ། །མཐོང་ནས་སྨྲས་པ་གྲོ་བཞིན་སྐྱེས་ཁྱོད་ཀྱིས་བཅོམ་ལྡན་འདས་མཐོང་ངམ། ལྷ་མ་མཐོང་ལགས་སོ། །ཚུར་ཤོག་འདོང་ངོ་། །དེས་དྲིས་པ་ལྷ་ཅི་བཅོམ་ལྡན་འདས་བཞོན་པས་གཤེགས་སམ། འོན་ཏེ་
D1.004.0205a02.01ཞབས་ཀྱིས་ལགས། རྒྱལ་པོས་སྨྲས་པ། དེ་རབ་ཏུ་བྱུང་བ་ཡིན་ན་དེ་ལ་བཞོན་པས་ཅི་བྱ། དེས་སྨྲས་པ། ལྷ་གལ་ཏེ་དེ་ལྟ་ན་བདག་ཀྱང་སུག་པ་ཁོ་ནས་འཆིའོ་ཞེས་དེ་རྐང་པ་ཁོ་ནས་ཆས་པ་ན། དེའི་ཞོ་ཤས་འཚོ་བ་རྣམས་ཀྱིས་ས་ལ་གོས་དག་བཏིང་བ་དང་། དེས་སྨྲས་
D1.004.0205a03.01པ། ཅི་བཅོམ་ལྡན་འདས་གདིང་བ་ལས་བཞུད་དམ། འོན་ཏེ་གདིང་བ་མེད་པར་བཞུད། དེ་རྣམས་ཀྱིས་སྨྲས་པ། གདིང་བ་མེད་པར་བཞུད་དོ། །དེས་སྨྲས་པ། གདིང་བ་སྡུས་ཤིག །བདག་ཀྱང་གདིང་བ་མེད་པར་འགྲོའོ། །ཞོ་ཤས་འཚོ་བ་རྣམས་ཀྱིས་གོས་
D1.004.0205a04.01རྣམས་བསྡུས་པ་དང་། མི་མ་ཡིན་པ་རྣམས་ཀྱིས་བཏིང་ནས་དེས་སྨྲས་པ། ཤེས་ལྡན་དག་ངས་ཁྱེད་ཅག་ལ་མ་བཟློག་གམ། དེ་རྣམས་ཀྱིས་སྨྲས་པ། ལྷ་བཟློག་ལགས་སོ། །འོ་ན་ཡང་སུ་ཞིག་གིས་བཏིང་། ལྷ་ཁྱོད་བསོད་ནམས་ཀྱི་སྐལ་བ་ཆེན་པོ་མངའ་བས་མི་མ་
D1.004.0205a05.01ཡིན་པ་རྣམས་ཀྱིས་བཏིང་ལགས་གྲང་། དེས་སྙིང་ནས་ཚིག་ཏུ་སྨྲས་པ། མི་མ་ཡིན་པ་དག་གོས་རྣམས་སྡུས་ཤིག །དེ་རྣམས་ཀྱིས་བསྡུས་ནས་རྐང་པ་ས་ལ་བཞག་པ་ནས་ཆེན་པོ་རྣམ་པ་དྲུག་ཏུ་གཡོས་པར་གྱུར་ཏེ། ས་ཆེན་པོ་འདི་གཡོས། རབ་ཏུ་གཡོས། ཀུན་ཏུ་རབ་
D1.004.0205a06.01ཏུ་གཡོས། ལྡེག་རབ་ཏུ་ལྡེག །ཀུན་ཏུ་རབ་ཏུ་ལྡེག་པར་གྱུར་ཏེ། ཤར་ཕྱོགས་མཐོ་ན་ནུབ་ཕྱོགས་དམའ། ནུབ་ཕྱོགས་མཐོ་ན་ཤར་ཕྱོགས་དམའ། ལྷོ་ཕྱོགས་མཐོ་ན་བྱང་ཕྱོགས་དམའ། བྱང་ཕྱོགས་མཐོ་ན་ལྷོ་ཕྱོགས་དམའ། མཐའ་མཐོ་ན་དབུས་དམའ། དབུས་
D1.004.0205a07.01