完整藏文原文 · 德格版页 当前仅加载第 4 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
མི་བདེའོ་ཞེས་ཐོས་ཏེ་ལྷགས་ནས། དེ་ན་ཁ་ཅིག་ནི་སྨན་དག་འདེབས་པར་བྱེད་དོ། །ཁ་ཅིག་ནི་སྔགས་ཀྱི་དཔྱད་བྱེད་དོ། །ཚེ་དང་ལྡན་པ་འོད་སྲུང་སྟོབས་བཅུ་ལྡན་གྱིས་བདེན་པ་གསོལ་བར་བརྩམས་པ། བཅོམ་ལྡན་ཁྱོད་ཀྱི་ཐུགས་ལ་ནི། །སྲས་དང་དགྲ་བོར་མཚུངས་ཤེ་ན། །
D1.004.0230b01.01བདེན་པའི་ཚིག་ནི་འདི་ཡིས་སུ། །རྨ་ཡི་འཛག་པ་ཆད་པར་ཤོག །བདེན་པ་གསོལ་ཟིན་པའི་མོད་ཁོ་ནར་ཁྲག་དེ་མི་འཛག་པར་གྱུར་པ་དང་། ལྷ་སྦྱིན་དང་། མ་སྐྱེས་དགྲ་དང་། ཀོ་ཀ་ལི་ཀ་དང་། ཁན་ད་དྲབ་བྱ་དང་། ཀ་ཏི་མོ་ར་ཀ་ཏི་ཥྱ་དང་། རྒྱ་མཚོས་བྱིན་རྣམས་མ་གཏོགས་
D1.004.0230b02.01པར་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་རྣམས་དང་། རྒྱལ་པོའི་ཁབ་ན་གནས་པའི་སྐྱེ་བོའི་ཚོགས་ཕལ་ཆེར་ཐམས་ཅད་རབ་ཏུ་དགའ་བར་གྱུར་ཏོ། །བཅོམ་ལྡན་འདས་ནི་མཁྱེན་བཞིན་དུ་གང་ཞིག་ཇི་ལྟར་དཔྱད་བྱེད་པ་དེ་ལ་དེ་བཞིན་དུ་རྗེས་སུ་དགྱེས་
D1.004.0230b03.01པར་མཛད་དེ། དེ་རྣམས་ཀྱི་དགེ་བའི་རྩ་བ་བསྐྱེད་པའི་ཕྱིར་རོ། །དགེ་སློང་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་འོད་སྲུང་སྟོབས་བཅུ་ལྡན་གྱིས་བདེན་པ་གསོལ་བས་བཅོམ་ལྡན་འདས་ཀྱི་ཁྲག་འཛག་
D1.004.0230b04.01པ་ཆད་པར་གྱུར་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་ང་དུག་འབགས་ནས་ཀུན་ཏུ་འཁྲུགས་པར་གྱུར་པ་ན་འདིས་དུག་ཞི་བར་བྱས་པ་དེ་ཉོན་ཅིག །དགེ་སློང་དག་སྔོན་བྱུང་བ་རི་
D1.004.0230b05.01འོར་དང་ཧ་ཅང་ཡང་མི་རིང་བ་ཞིག་ན་སྐྱེད་མོས་ཚལ་རྩ་བ་དང་། སྡོང་བུ་དང་། མེ་ཏོག་དང་། ཆུ་ཕུན་སུམ་ཚོགས་པ། བྱ་སྣ་ཚོགས་སྐད་འབྱིན་པ་ཞིག་ཡོད་དེ། དེ་ན་དྲང་སྲོང་ཆུ་དང་། རྩ་བ་དང་། འབྲས་བུ་ལོངས་སྤྱོད་པ། པགས་པ་དང་། ཤིང་ཤུན་གྱོན་པ། རིག་སྔགས་དང་།
D1.004.0230b06.01གསང་སྔགས་འཆང་བ་ཞིག་གནས་སོ། །རི་འོར་དེ་ན་ཁྱིམ་བདག་ཅིག་གནས་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་
D1.004.0230b07.01