完整藏文原文 · 德格版页 当前仅加载第 4 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོལ་ཅིག །ཡུམ་ཁྱོད་གང་ལ་དགྱེས་པ་དེ་བསོད་ནམས་ཀྱི་དབང་ཐང་ཆེན་པོ་ཅན་ལགས་མོད། དེ་རིང་དེ་ལ་{ཆུང་ཟད་,ཅུང་ཟད་}ཀྱང་མ་བསྐུར་དང་། ཅི་བསོད་ནམས་ཀྱི་དབང་ཐང་ཆེན་པོ་ལེགས་སམ་མ་ལེགས་མངོན་པར་འགྱུར་རོ། །བུ་དེ་བཞིན་དུ་བྱས་ཏེ་ཡིད་ཆེས་པར་བྱའོ། །
D1.004.0102b01.01དེས་གཟེབ་སྟོང་པ་རྫེའུ་ཡིས་བཀང་ནས་ཁ་རས་དཀར་པོས་དཀྲིས་ཏེ་རྒྱ་སྐྱེགས་ལ་རྒྱས་བཏབ་ནས་བུ་མོ་མངག་གཞུག་མའི་ལག་ཏུ་བསྐུར་ནས་བསྒོ་བ། གལ་ཏེ་དེ་ན་ཅི་ཡོད་ཅེས་འདྲི་དང་ཅི་ཡང་མ་མཆིས་སོ་ཞེས་སྨྲོས་ཤིག །དེས་དེ་ལ་ཁྱེར་ནས་སོང་བ་དང་། ལྷ་རྣམས་ཀྱི་དབང་
D1.004.0102b02.01པོ་བརྒྱ་བྱིན་གྱི་ཤེས་པ་མཐོང་བ་འོག་ཏུ་འཇུག་པ་ཡིན་པས་དེས་བསམས་པ། རང་སངས་རྒྱས་ཀུན་ཤེས་པ་ལ་བསོད་སྙོམས་ཕུལ་བ་གང་ཡིན་པ་དེ་དེང་ཅིའི་ཕྱིར་ཟས་ཀྱིས་ཕོངས་པར་བྱ། དེའི་ཟན་སྦྱར་བར་བྱའོ་ཞེས་དེས་རྫེའུ་དེ་རྣམས་སུ་སྲན་ཚོད་དང་། ཚོད་མ་སྣ་
D1.004.0102b03.01ཚོགས་རོ་དང་ལྡན་པ་དང་ཟས་ཀྱིས་བཀང་ངོ་། །ཇི་ཙམ་ན་མངག་གཞུག་མ་དེས་ཁྱེར་ནས་མ་འགགས་པའི་དྲུང་དུ་ཕྱིན་པ་དང་། དེས་སྨྲས་པ། བུ་མོ་འོ་ན་ནི་ཅི་ཡོད། དེས་སྨྲས་པ། གཞོན་ནུ་ཅི་ཡང་མ་མཆིས་སོ། །མ་འགགས་པས་བསམས་པ། བདག་ལ་མ་
D1.004.0102b04.01བྱམས་ན་འདི་སྟོང་པར་ཅི་སྟེ་བསྐུར། གདོན་མི་ཟ་བར་འདི་ནི་ཅི་ཡང་མ་ཡིན་པ་ཞེས་བྱ་བའི་ཟས་ཤིག་བསྐུར་གྱིས་རེ་ཞིག་བལྟའོ། །ཞེས་ཅི་ཙམ་ན་ཁ་ཕྱེ་བ་དང་། སྐྱེད་མོས་ཚལ་དེ་ཐམས་ཅད་ཟས་ཀྱི་དྲི་ཞིམ་པོས་གང་བར་གྱུར་ཏེ། དེ་བསྣམས་ནས་མ་འགགས་པ་མཆོག་ཏུ་
D1.004.0102b05.01ཡ་མཚན་སྐྱེས་སོ། །དེ་མ་ལ་གུས་པ་ཡིན་པས་དེས་མ་ལ་ཟས་ཀྱི་ཕུད་བསྐུར་ནས་སྤྲིང་པ། ཡུམ་གདུགས་རེ་རེ་ཞིང་ཟས་ཅི་ཡང་མ་ཡིན་པ་ཞེས་བགྱི་བ་འདི་ལྟ་བུ་ཤ་སྟག་བསྐུར་བའི་རིགས་སོ། །དེས་ཀྱང་མཐོང་ནས་མཆོག་ཏུ་ཡ་མཚན་སྐྱེས་ཏེ། དེས་མིང་ཆེན་ལ་བསྟན་ནས།
D1.004.0102b06.01བུ་མཐོང་ངམ། ཡུམ་མཐོང་ལགས་སོ། །ཁྱོད་ལ་ཁོ་མོས་སྔར་བསོད་ནམས་ཀྱི་དབང་ཐང་ཆེན་པོའི་སེམས་ཅན་མི་སྐལ་བ་བཟང་པོ་དང་ལྡན་པ་ལ་ཁྱོད་འགྲན་མ་ཚོལ་ཅིག་ཅེས་མ་སྨྲས་སམ། དེས་སྨྲས་པ། ཡུམ་བསོད་ནམས་ཀྱི་དབང་ཐང་ཆེན་པོ་དང་ལྡན་ཡང་རུང་མི་ལྡན་ཡང་རུང་བདག་ནི་
D1.004.0102b07.01