完整藏文原文 · 德格版页 当前仅加载第 4 函德格 30b 版页；藏文 NFD、目录标记与异常页序保留在来源切片中，重复版页行以稳定序号区分。
པས་དྲེགས་ཤིང་ལྷའི་གོས་དང་རྒྱན་གྱིས་བཀླུབས་ནས་བྱང་ཆུབ་སེམས་དཔའི་མདུན་དུ་བུད་མེད་ཀྱི་གཡོ་རྣམས་བསྟན་པར་བརྩམས་སོ། །དེ་ནས་བྱང་ཆུབ་སེམས་དཔའ་ཐབས་ལ་མཁས་པས་ཇི་ལྟར་རྒན་མོར་གྱུར་པ་དེ་ལྟར་བྱིན་གྱིས་བརླབས་ནས་བདུད་གང་ན་བ་དེར་དོང་བ་དང་།
D1.004.0030b01.01བདུད་ཀྱིས་དེ་རྣམས་དེ་ལྟ་བུའི་རྣམ་པར་མཐོང་ནས་ཡི་ཆད་ནས་ལག་པ་ལ་འགྲམ་པ་གཏད་དེ་གང་གིས་ན་ཤཱཀྱ་ཟས་གཙང་གི་བུའི་དཀའ་ཐུབ་ལ་བགེགས་བྱེད་པར་འགྱུར་བའི་ཐབས་ལེགས་པ་ཅི་ཡོད་སྙམ་ནས་སེམས་ཁོང་དུ་ཆུད་ཅིང་འདུག་གོ། །དེས་འབྱུང་པོའི་དཔུང་ཚོགས་དང་ལྡན་པ་གླང་
D1.004.0030b02.01པོ་ཆེ་དང་། རྟ་དང་། རྔ་མོ་དང་། ར་དང་། {རི་དགས་,རི་དྭགས་}དང་། མ་ཧེ་དང་། ཕག་དང་། ཁྱི་དང་། འུག་པ་དང་། ནེའུ་ལེ་དང་། སྤྲེའུ་དང་། ཝ་ལ་སོགས་པ་འདྲ་བ་རལ་གྲི་དང་། མདའ་བོ་ཆེ་དང་། མཚོན་རྩེ་གཅིག་པ་དང་། འཁོར་ལོ་དང་། མདུང་ཐུང་དང་། གཞུ་དང་། ཞགས་
D1.004.0030b03.01པ་དང་། དགྲ་སྟ་དང་། ལྕགས་ཀྱི་བེར་ཀ་ལ་སོགས་ཏེ་མཚོན་ཆ་ཅན་བྱེ་བ་ཕྲག་སུམ་བཅུ་རྩ་དྲུག་དེད་ནས་རང་ཉིད་གཞུ་རྣ་དྲུང་དུ་བཀང་སྟེ་བྱང་ཆུབ་སེམས་དཔའ་ཡོངས་སུ་བསྐོར་ནས་འདུག་གོ། །དེ་ནས་བྱང་ཆུབ་སེམས་དཔས་གཟུགས་རྣམ་པ་དུ་མ་ཅན་མཚོན་ཆ་རྣམ་པ་སྣ་ཚོགས་མང་པོ་དང་
D1.004.0030b04.01བཅས་པ་དེ་རྣམས་གཟིགས་ནས་དགོངས་པ། རེ་ཞིག་ཕོ་ཕལ་པ་ཞིག་དང་ལྷན་ཅིག་འཐབ་པར་རྩོམ་ན་ཡང་དེའི་གཉེན་པོའི་ཕྱོགས་ལ་སྦྱོར་བ་བྱེད་ན་འདོད་པའི་ཁམས་ཀྱི་དབང་ཕྱུག་འདི་ལ་ལྟ་སྨོས་ཀྱང་ཅི་དགོས་ཀྱིས། མ་ལ་བདག་གིས་གཉེན་པོའི་ཕྱོགས་ལ་སྦྱར་བར་བྱའོ་སྙམ་དུ་
D1.004.0030b05.01དགོངས་ནས་དེ་ཞི་བར་འགྱུར་བའི་ཐབས་ལ་དགོངས་པར་བརྩམས་སོ། །བདུད་ཀྱིས་འབྱུང་པོ་བྱེ་བ་ཕྲག་སུམ་བཅུ་རྩ་དྲུག་དང་ལྷན་ཅིག་ཏུ་བྱང་ཆུབ་སེམས་དཔའི་སྟེང་ནས་འཁོར་ལོ་དང་། མདུང་དང་། མདའ་བོ་ཆེ་དང་། མཚོན་རྩེ་གཅིག་པ་དང་། མདའ་ལ་སོགས་པའི་མཚོན་ཆ་
D1.004.0030b06.01རྣམས་དབབ་པར་བརྩམས་སོ། །དེ་ནས་བྱང་ཆུབ་སེམས་དཔའ་བྱམས་པ་ལ་སྙོམས་པར་ཞུགས་པ་ན་དེའི་མཚོན་ཆ་དེ་རྣམས་ལྷའི་མེ་ཏོག་ཨུཏྤལ་དང་། པད་མ་དང་། ཀུ་མུ་ད་དང་། པད་མ་དཀར་པོར་གྱུར་ནས་བྱང་ཆུབ་སེམས་དཔའི་ཉེ་འཁོར་དུ་འབབ་པར་བརྩམས་སོ། །དེ་ནས་བདུད་སྟེང་
D1.004.0030b07.01